गलातियों 3:28 - नुवो नेम (मेवड़ी नया नियम)

²⁸ ईं वाते अबे ने कुई यहूदी, ने कुई युनानी, ने कुई दास ने आजाद, ने कुई मनक ने लुगई, काँके थाँ हाराई ईसू मसी में एक हो।

गलातियों 3:28 Iomraidhean Croise

यहुन्ना 10:16

मारे ओर भी गारा हे, ज्यो ईं बाड़ा में ने हे। मने वाँने भी लाणा घणा जरूरी हे। वीं मारी बोली ओळकी, तद्याँ एकीस रेवड़ वेई अन एकीस गवाळ्यो वेई।

यहुन्ना 11:52

वो बेस यहूदी मनकाँ का वातेईस ने मरी, पण परमेसर का हाराई वकरिया तका लोगाँ ने एक हाते करबा का वाते भी मरी।

यहुन्ना 17:11

मूँ अबे दनियाँ में ने रेऊँ, पण ईं हाराई दनियाँ में रेई, अन मूँ थाँका नके आवूँ हूँ। हो पवितर बापू आपणाँ वीं नाम की तागतऊँ ज्यो थाँ मने दिदो हे, वाँकी रुकाळी करो, ताँके वीं हाराई आपणे जस्यान एक वे सके।

रोमियों 1:16

मूँ हव-हमच्यारऊँ ने हरमऊँ हूँ, काँके यो विस्वास करबावाळा हाराई मनकाँ ने बंचाबा का वाते परमेसर की तागत हे, पेल्याँ यहूदियाँ ने अन पछे ज्यो यहूदी ने हे वाँने।

रोमियों 3:22

हाराई विस्वास्याँ का वाते ईसू मसी में विस्वास का हाते बना भेद-भाव करिया परमेसर का आड़ीऊँ मलबावाळी धारमिकता परगट किदी गी हे।

रोमियों 8:1

तो अबे ज्यो ईसू मसी में बण्या तका हे, वाँका वाते कई दण्ड ने हे।

रोमियों 9:24

आपीं वीं मनक हा, ज्याँने परमेसर बलाया हे, खाली यहूदीईस ने, पण ज्यो यहूदी ने हा, वीं भी हे।

1 कुरिन्थियों 7:14

काँके अस्यो धणी ज्यो विस्वास ने राके हे, वो आपणी विस्वासी लुगई का मस परमेसर ने भावे हे अन अस्यी लुगई ज्या विस्वास ने राके हे, वाँ आपणी विस्वासी धणी का मस परमेसर ने भावे हे, ने तो थाँकी ओलाद असुद वेती, पण अबे तो वीं पुवितर हे।

1 कुरिन्थियों 7:19

खतनो तो कई ने हे, अन नेई खतनो ने वेणो कई हे, बेस परमेसर की आग्या ने मानणीस हारोई हे।

गलातियों 3:14

ईसू मसी आपाँने ईं वाते छुड़ाया के, अबराम ने ज्यो आसीस दिदी गी, वा ईसू मसीऊँ ज्यो यहूदी ने वाँने मल सके, ताँके विस्वासऊँ आपाँ वणी आत्माने लेवा, जिंका वाते वादो किदो ग्यो हे।

गलातियों 3:26

थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो।

गलातियों 4:14

मारे देह की कमज्योरी का मस मूँ थाँका पे बोज बण्यो तो भी थाँ मारो अपमान ने किदो अन ने मारा पे रिस्याँ बळ्या, पण मने परमेसर को हरग-दुत हमज मारी आवभगत किदी के, जस्यान मूँईस ईसू मसी हूँ।

गलातियों 5:24

अन जीं मनक ईसू मसी का हे, वणा आपणाँ देह की बुरी मरजी अन कामाँ ने हूळी पे चढा दिदा हे।

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

इपिसियों 1:1

मूँ पोलुस ज्यो, परमेसर की मरजीऊँ ईसू मसीऊँ खास थरप्यो तको मनक हूँ, परमेसर का पुवितर मनक ज्यो ईसू मसी ने माने हे अन इपिसुस नगर में रेवे हे, अणाने ओ कागद लिकरियो हूँ।

इपिसियों 4:4

जस्यान के एकीस डील अन एकीस आत्मा हे वस्यानीस एकीस आस हे जिंका वाते परमेसर थाँने बलाया हे।

फिलिपियों 1:1

ईसू मसी का दास पोलुस अन तिमुतियुस, फिलिपी नगर का हाराई मसी का गट-जोड़ में रेबावाळा परमेसर का पुवितर मनकाँ, मण्डली की देकरेक कराबावाळा अन काम में मदत करबावाळा ने ओ कागद लिकरिया हा।

कुलुसियों 1:4

काँके माँ मसी ईसू पे थाँको विस्वास अन हंगळा विस्वासी लोगाऊँ थाँका परेम का बारा में हुण्यो हे।

कुलुसियों 3:11

ईं वाते अबे मसी में ने कुई युनानी कन यहूदी, खतनावाळा कन बना खतनावाळा, ने जंगली हाव-भाव, ने बना अकल अन ने गुलाम कन आजाद, रियो हे। अणामें कई फरक ने रियो हे बेस मसीइस हारोई हे अन अणा हाराई में भी वींइस हे।

1 तिमुतियूस 1:12

मूँ आपणाँ परबू ईसू मसी जणा मने तागत दिदी हे वींको गुणगान करूँ हूँ, काँके वणा मने विस्वास जोगो हमजन मने आपणी सेवा वाते चुण्यो हे।

2 तिमुतियूस 1:1

मूँ पोलुस, ज्यो परमेसर की मरजीऊँ ईसू मसी को थरप्या तको खास चेलो हूँ, जिंने परमेसर वणी जीवन को परच्यार करबा का वाते खन्दायो, जणी जीवन ने परमेसर ईसू मसी में देबा को वादो किदो हे।