गलातियों 3:22 - नुवो नेम (मेवड़ी नया नियम)

²² पण सास्तर हाराई मनकाँ ने पाप का हाताँ में हूँप दिदा हे, ताँके परमेसर वो वादो ज्यो ईसू मसी पे विस्वास करबा दिदो ग्यो, वो विस्वास करबावाळा का वाते पूरो वे जावे।

गलातियों 3:22 Iomraidhean Croise

मरकुस 16:16

ज्यो कुई विस्वास करे अन बतिस्मो लेवे, वो बंचायो जाई अन ज्यो विस्वास ने करे, वो दोसी ठेरायो जाई।

यहुन्ना 12:46

मूँ दनियाँ में उजिता का जस्यान आयो हूँ, ईं वाते ज्यो कुई मारा पे विस्वास करी, वो अंदारा में ने रेई।

यहुन्ना 20:31

पण, ईं वाते लिक्या ग्या हे के, थाँ विस्वास करो के, ईसूइस परमेसर को पूत मसी हे अन विस्वास करन वाँका नामऊँ जीवन पावो।

यहुन्ना 3:36

ज्यो बेटा ऊपरे विस्वास करे हे, वो अनंत जीवन पावे हे, पण ज्यो बेटा की ने माने हे, वो जीवन ने कोयने पावे, पण वींपे परमेसर को कोप वेतो रेवे हे।”

यहुन्ना 5:24

“मूँ थाँने सई-सई केवूँ हूँ, ज्यो मारा बचनाँ ने हुणन मारा खन्दाबावाळा को विस्वास करे हे, वो अनंत जीवन पावे हे। अन वाँने दण्ड ने दिदो जाई, पण वीं मोतऊँ छेटी वेन जीवन में परवेस करग्या हे।

यहुन्ना 6:40

काँके याईस मारा बाप की मरजी हे के, ज्यो कुई बेटा ने देके, अन वींपे विस्वास करे, वीं अनंत जीवन पावे। अन मूँ खुद वाँने अन्त का दन में पाछो जीवाई देऊँ।”

थरप्या तका का काम 16:31

वणा क्यो “परबू ईसू पे विस्वास केरी, तो थूँ अन थाँको परवार बंच जाई।”

रोमियों 10:9

यद्याँ थूँ आपणाँ मुण्डाऊँ केवे, “ईसू परबू हे,” अन आपणाँ मन में ओ विस्वास करे के, परमेसर वींने मरिया तकाऊँ जीवतो किदो हे, तो थूँ बंचायो जाई।

रोमियों 11:32

काँके परमेसर हाराई मनकाँ ने आग्या ने मानबा की कोटड़ी में गेर मेल्या हे के, वीं वाँका पे दया करे।

रोमियों 3:22

हाराई विस्वास्याँ का वाते ईसू मसी में विस्वास का हाते बना भेद-भाव करिया परमेसर का आड़ीऊँ मलबावाळी धारमिकता परगट किदी गी हे।

रोमियों 3:23

काँके हाराई पाप किदो हे अन हाराई परमेसर की मेमाऊँ छेटी हे।

रोमियों 5:12

जस्यान के एक मनक आदम का मस धरती पे पाप अन पापऊँ मोत अई अन वस्यानीस मोत हाराई मनकाँ पे अई हे काँके हाराई पाप किदो।

गलातियों 3:14

ईसू मसी आपाँने ईं वाते छुड़ाया के, अबराम ने ज्यो आसीस दिदी गी, वा ईसू मसीऊँ ज्यो यहूदी ने वाँने मल सके, ताँके विस्वासऊँ आपाँ वणी आत्माने लेवा, जिंका वाते वादो किदो ग्यो हे।

गलातियों 3:17

पण मारे केबा को मतलब यो हे के, ज्यो बात परमेसर पेल्याँई पाकी कर दिदी हे, वींने चारस्ये तीस वर का केड़े मूसा का नेम आन वींने टाळ ने सके हे। अन नेई वणी वादा ने बेकार ठेरा सके हे।

गलातियों 3:23

पण विस्वास के आबा के पेल्याँ आपाँ मूसा का नेमाँ की रुकवाळी में हा अन विस्वास के आबा पेल्याँ आपीं अणा काईंस केबा में रेता हा।

गलातियों 3:29

अन यद्याँ थाँ मसी में हो, तो अबराम की पीड़ी का अन वादा की तरियाऊँ ईसू मसी का बेटा-बेटी की बापोती में भेळा हो।

2 तिमुतियूस 1:1

मूँ पोलुस, ज्यो परमेसर की मरजीऊँ ईसू मसी को थरप्या तको खास चेलो हूँ, जिंने परमेसर वणी जीवन को परच्यार करबा का वाते खन्दायो, जणी जीवन ने परमेसर ईसू मसी में देबा को वादो किदो हे।

इब्रानियों 9:15

ईं वाते मसी एक नुवा करार को बिचोलिया हे, ताँके जीं बुलाया ग्या हे, वीं अनंत उतरादिकार पा सके, जिंको वादो परमेसर किदो हो। अबे देको, जी पेला करार का जस्यान जणा पापाँ किदो हो, वाँने पापाऊँ छुड़ाबा की वाते मरन किमत चुकई अन वाँने आजाद किदा।

2 पतरस 1:4

अणीऊँस वणी आपाँने मोटा अन अनमोल वरदान दिदा हे, ज्याँने देबा का वाते वणा वादो किदो, ताँके वाँकाऊँ आपाँ खुद परमेसर का जस्यान वे जावा अन वणी नासऊँ बंच जावो ज्यो मनकाँ की बुरी मनसा का मस अणी दनियाँ में हे।

2 पतरस 3:13

पण आपाँ तो परमेसर की वादा का जस्यान नुवो आकास अन नवी धरती की वाट नाळा हा, जटे धरमीपणो वास करे हे।

1 यहुन्ना 2:25

खुद मसी आपाँने अनंत जीवन देबा को वादो किदो हे।