गलातियों 3:16 - नुवो नेम (मेवड़ी नया नियम)

¹⁶ अस्यानीस परमेसर अबराम अन वींका पिड़ीऊँ वादो किदो, परमेसर अस्यान ने क्यो के, मूँ थाँरा पिड़ियाँऊँ वादो करूँ हूँ, ईंको मतलब तो घणा का वाते वेवे हे, पण वो वादो पीड़ी का वाते किदो अन यो वादो एक मनक ने बतावे हे ज्यो ईसू मसी हे।

गलातियों 3:16 Iomraidhean Croise

मत्ती 1:1

अबराम का बेटा, दाऊद का बेटा ईसू मसी की वंसावली को बखाण अस्यान हे,

थरप्या तका का काम 3:25

अन थाँ तो वाँ परमेसर का वादो जो परमेसर का आड़ीऊँ बोलबावाळा किदो अन वीं करार का वारिस हो, जो परमेसर थाँका बड़ाबा का लारे किदो हो। वणी अबरामऊँ क्यो हो, “थारी ओलादाँऊँ धरती का लोग आसीस पाई।”

रोमियों 12:5

वस्यानीस आपाँ घणा हा, पण मसी में आपाँ एक देह हा। अस्यान हाराई अंग एक दूजाँ का हाते जड़या तका हे।

रोमियों 4:13

अबराम अन वींकी ओलाद ने यो वादो मल्यो के, वीं दनियाँ का वारिस वेई, यो वादो नेमाऊँ ने मल्यो हो, पण वीं धारमिकता का मस मल्यो, ज्या विस्वासऊँ अई ही।

रोमियों 4:16

तो आ बात साबत वेवे हे के, परमेसर को वादो विस्वास को फळ हे ज्यो वाँकी करपाऊँ में मले हे। अणीस वजेऊँ परमेसर को वादा अबराम का हाराई लोगाँ पे लागू वेवे हे, अन बेस वाँका वातेईस ने जीं नेमाने माने हे पण वाँ हाराई पे जीं अबराम का जस्यान विस्वास राके हे। वो आपणाँ हाराई को बापू हे।

रोमियों 9:4

ज्यो इजराएली हे अन ज्याँने परमेसर की ओलाद वेबा को हक हे, ज्यो परमेसर की मेमा को दरसण कर चुक्या हे, ज्यो परमेसर का करार में पांतीदार हे। ज्याँने मूसा का नेमा अन हाँची भगती अन वादो दिदा तको हे।

1 कुरिन्थियों 12:12

जस्यान आपणी देह तो एकीस हे पण ईंमें नरई अंग हे अन ईं देह में नरई अंग अलग अलग व्या केड़े भी हाराई मलन एकीस देह हे वस्यानीस मसी भी हे।

1 कुरिन्थियों 12:27

अस्यान थाँ हाराई मलन ईसू मसी की देह हो अन थाँ हरेक वाँका अंग हो।

2 कुरिन्थियों 11:22

कई वींइस इबरानी थोड़ी हे? मूँ भी तो हूँ। कई वींइस इजराएल का हे? मूँ भी तो हूँ। कई वींइस अबराम का घराणा का हे? मूँ भी तो हूँ।

गलातियों 3:19

तद्याँ पछे मूसा का नेम काँ दिदा ग्या? यो तो मनकाँ ने पाप का बारा में बताबा का वाते दिदा ग्या, ताँके ईं नेम वणी बंस तईं रेवे जिंका बारा में परमेसर वादो किदो, अन अणा नेमा ने परमेसर हरग-दुताऊँ मूसा ने दिदा, ज्यो मनकाँ अन परमेसर का बचमें बात करबावाळो हो।

गलातियों 3:8

सास्तर में ओ पेल्याई बतायो ग्यो हे के, परमेसर पे विस्वास करबाऊँ ज्यो यहूदी ने वीं भी धरमी ठेरी, ईं वाते परमेसर पेल्याँई अबराम ने ओ हव हमच्यार हुणा दिदो के, “थाँराऊँ हाराई मनक आसीस पई।”

इपिसियों 5:32

ओ भेंद तो मोटो हे, पण मूँ ईंने मसी अन मण्डली का बारा में केवूँ हूँ।

कुलुसियों 2:19

अन वीं आपणाँ खुद ने मसी का केबा में ने राके हे ज्यो हाराऊँ मोटो हे। मसी का वजेऊँ हारी काया ज्योड़ अन हाड़क्याऊँ मलन जस्यान परमेसर छावे हे वस्यान बड़ती जावे।

कुलुसियों 3:11

ईं वाते अबे मसी में ने कुई युनानी कन यहूदी, खतनावाळा कन बना खतनावाळा, ने जंगली हाव-भाव, ने बना अकल अन ने गुलाम कन आजाद, रियो हे। अणामें कई फरक ने रियो हे बेस मसीइस हारोई हे अन अणा हाराई में भी वींइस हे।