गलातियों 3:12 - नुवो नेम (मेवड़ी नया नियम)

¹² पण मूसा का नेमाऊँ विस्वास को कई रिस्तो कोयने, काँके सास्तर में लिक्यो तको हे के, “ज्यो नेमा ने मानी वो वींके भरोस्येईस जीवतो रेई।”

गलातियों 3:12 Iomraidhean Croise

मत्ती 19:17

ईसू वींने क्यो, “थूँ मने हाँचो काँ केवे हे? हाँचो तो खाली परमेसरइस हे, पण यद्याँ थूँ अनंत जीवन पाणो छावे, तो वाँकी आग्या ने मान्याँ कर।”

रोमियों 11:6

यद्याँ ओ परमेसर की करपा को नतीजो हे, तो ओ मनकाँ का करमा को नतीजो ने हे। ने तो करपा ने केवाती।

रोमियों 4:14

यद्याँ नेमाने मानन वीं दनियाँ का वारिस वेता, तो विस्वास को कई मतलब ने रेतो अन वादो भी बेकार वे जातो।

रोमियों 4:16

तो आ बात साबत वेवे हे के, परमेसर को वादो विस्वास को फळ हे ज्यो वाँकी करपाऊँ में मले हे। अणीस वजेऊँ परमेसर को वादा अबराम का हाराई लोगाँ पे लागू वेवे हे, अन बेस वाँका वातेईस ने जीं नेमाने माने हे पण वाँ हाराई पे जीं अबराम का जस्यान विस्वास राके हे। वो आपणाँ हाराई को बापू हे।

रोमियों 7:10

अन मने पतो पड़ग्यो के, वो आदेस ज्यो जीवन देबा वाते हो, मारा वाते मोत लायो।