गलातियों 3:10 - नुवो नेम (मेवड़ी नया नियम)

¹⁰ पण ज्यो मनक मूसा का कामाँ का जस्यान चाली वीं हाराई मनक पाप का गुलाम रेई। काँके सास्तर में लिक्यो हे के, “ज्यो कुई मूसा का नेमा की किताब में लिकी तकी हारी बाताँ ने कोयने मानी, वींने हराप लागी।”

गलातियों 3:10 Iomraidhean Croise

मत्ती 25:41

“तद्याँ वो डावा पाल्ड़े वाळाऊँ केई, ‘हो हरापवाळा मनकाँ, मारा हामेंऊँ वीं कदी ने बजबा वाळी वादी में पड़ जावो, ज्या सेतान अन वींका दुताँ का वाते त्यार किदी गी हे।

रोमियों 4:15

मनक नेमा को पालण ने करे तो परमेसर को गुस्सो भड़के हे, पण जटे नेम ईं ने हे वटे नेमा ने तोड़बा की गूंजाइसई कोयने हे?

रोमियों 6:23

काँके पाप को मोल तो मोत हे पण आपणाँ परबू ईसू मसी में परमेसर को वरदान अनंत जीवन हे।

रोमियों 8:7

काँके देह पे मन लगाणो तो परमेसरऊँ दसमणी राके हे, काँके देह ने तो परमेसर का नेम पे चाले हे अन नेई कदी चाल सके हे।

2 कुरिन्थियों 3:7

मूसा का नेम का जस्यान सेवा मोत लेन अई ही, वीं नेम भाटा पे लिकन दिदा ग्या हा। जद्याँ ईं नेम दिदा ग्या हा, वीं टेम परमेसर की मेमा परगट वीं। वीं दाण मूसा को मुण्डो घणो चमकिलो हो पण वाँ चमक धीरे-धीरे कम वेरी ही, तद्याँ भी इजराएल का मनक वींको मुण्डो भी ने देक सक्या।

गलातियों 2:16

पछे भी आपाँ यो जाणा हे के, कुई मनक मूसा का नेमाऊँ ने पण ईसू मसी पे विस्वास करबाऊँ धरमी बणे हे। आपाँ ईं वाते ईसू मसी पे विस्वास किदो के आपाँ मूसा का नेमाऊँ ने पण ईसू मसी का विस्वासऊँ धरमी बणन रेवा, काँके मूसा का नेमाऊँ कुई मनक धरमी बणन ने रे सके हे।