गलातियों 3:1 - नुवो नेम (मेवड़ी नया नियम)

¹ हे बना अकल का गलातिया का मनकाँ, थाँने कणी भेंम में नाक दिदा हे। में पुरो-पुरो बखाण अस्यान किदो हो के, मानो थाँकी आक्याँ का हामेईस तो ईसू मसी ने हूळी पे चड़ाया ग्या वे।

गलातियों 3:1 Iomraidhean Croise

मत्ती 24:24

मूँ ओ केवूँ हूँ काँके जूटा मसी अन जूटा मनक परमेसर का आड़ीऊँ बोलबा का वाते ऊबा वेई अन अस्या अस्या नरोगा हेन्याण बताई अन अचम्बावाळा काम केरी के, वीं चुण्या तका ने भी भटका देई।

मत्ती 7:26

“पण ज्यो कुई मारी ईं बाताँ हुणे हे अन वो वाँने ने माने हे, तो वो वीं बना अकल का मनक का जस्यान वेई जणी आपणो घर रेत पे बणायो।

लूका 24:25

तद्याँ ईसू वाँने क्यो, “ओ बना अकल का अन परमेसर का आड़ीऊँ बोलबावाळा की बाताँ पे भरोसो ने करबावाळा मनकाँ।

थरप्या तका का काम 16:6

वीं फुरगिया अन गलातिया का इलाका में वेन ग्या, काँके पुवितर आत्मा वाँने आसिया में हव हमच्यार हुणाबा वाते नटग्यो हो।

थरप्या तका का काम 6:7

अस्यान परमेसर का बचन दन-दूणा रात चोगुणा फेलतारिया अन यरूसलेम में चेला की मण्डली हेलीऊँ हेली वेबा लागी, अन याजकाँ का नरई लोग ईसू पे विस्वास करबा लागग्या।

रोमियों 10:16

पण हाराई हव-हमच्यार ने ने मान्यो। यसाया केवे हे, “ओ परबू, माकाँ उपदेस पे कणी विस्वास किदो?”

रोमियों 2:8

पण दूजाँ ज्यो हवारती हे, हाँचने कोयने माने, पण बुरई करे हे, वाँका पे परमेसर को गुस्सो अन रीस पड़ी।

रोमियों 6:17

पण परमेसर को धन्नेवाद वे के, थाँ ज्यो पाप का दास वेबा पे भी थाँ वणी हिक ने मानी, ज्या थाँने हूँपी गी ही।

1 कुरिन्थियों 11:26

काँके जद्याँ कदी भी थाँ या रोटी खावो अन अणी प्यालो मूँ पियो, तो जद्याँ तईं परबू पाच्छा ने आवे तद्याँ तईं परबू की मोत को परच्यार करता रेज्यो।

1 कुरिन्थियों 2:2

काँके में ओ ते कर मेल्यो हो के, थाँका बचमें रेन मूँ ईसू मसी अन हूळी पे वीं वाँकी मोत की बात ने छोड़न ओरी कस्यी बात ने ने जाणूँ।

2 कुरिन्थियों 10:5

अन माँ वणा ओजाराँऊँ लोगाँ का गुमानऊँ भरिया तका सवाला अन बाताँ ने ज्यो परमेसर का ग्यान का विरोद में वेवे हे, वाँने बंस में करन मसी की आग्या में लावाँ हाँ।

2 कुरिन्थियों 11:3

पण मने दरपणी लागे हे, काँके कदी अस्यान ने वेजा के, जस्यान धरती की पेली लुगई ज्या हवा ही, वींने हाँप आपणी चालऊँ भटका दिदी ही, वस्यानीस ईं थाँका मन भी मसी की भगतीऊँ अन पवितरताऊँ ज्यो आपाँने मसी का वाते राकणी छावे, वणीऊँ भटका ने दिदो जावे।

गलातियों 1:2

अन मारा अन हाराई भायाँ का आड़ीऊँ जीं मारे लारे हे, यो कागद गलातिया की मण्डली का नाम हे।

गलातियों 1:6

मने अचम्बो वेरियो हे के, परमेसर जणा थाँने मसी की दयाऊँ बलाया हे, थाँ अतरा जट वणाऊँ फरन कणी दूजाँ हव हमच्यार ने मानरिया हो।

गलातियों 2:14

पछे जदी में देक्यो के, वीं हव हमच्यार का गेला पे ने चालरियो हे, तो में हाराई का हामे केफाऊँ क्यो, “जद्याँ थूँ यहूदी वेन ज्यो यहूदी ने हे वाँके जस्यान चालरियो हे अन थूँ यहूदी वेन हव हमच्यार का गेला पे ने चाले तो ज्यो यहूदी ने हे वाँने हव हमच्यार का गेला पे चालबा वाते काँ केवे हे?”

गलातियों 3:3

थाँ अतरा मुरक कस्यान वे सको हो के, आत्मा की रिती चालूँ करन देह का रितीऊँ खतम कररिया हो?

गलातियों 4:9

पण अबे तो थाँ परमेसर ने जाणग्या हो अन परमेसर थाँने ओळक लिदा हे, तो थाँ दनियाँ की कमजोर अन हूंगळी बाताँ का आड़ी पाच्छा काँ जावो हो? अन थाँ पाच्छा काँ वींका दास बणणा छारिया हो?

गलातियों 5:11

हो भायाँ, मनक अबाणू भी मारा पे लांछन लगावे हे के, मूँ खतनो करबा को परच्यार करूँ हूँ, तो मने अणी बात का वाते काँ हतायो जावे हे? अन यद्याँ मूँ अबाणू भी खतनो करबा को परच्यार करूँ हूँ, तो ईसू मसी का हूळी माँ मस अई मारा वाते हारी तकलिपाँ खतम वेणी छावती।

इपिसियों 3:8

मूँ हाराई पुवितर मनकाँऊँ फोरो हूँ, पण मारा पे आ करपा वीं के, मूँ मसी का अनमोल धन ने ज्यो हमजऊँ बारणे हे वींका हव हमच्यार ने ज्यो यहूदी ने हे वाँ लोगाँ ने हूणाऊँ

इपिसियों 4:14

जणीऊँ आपीं आगे बाळक कोयने रेवा, ज्यो ठग मनक की ठग-वद्‍याँ अन चतुराईऊँ, भेंम की बाताँ अन छळ का उपदेस का वइराऊँ ऊछाळ्यो जावे हे अन अटने-वटने भटके हे।

इपिसियों 5:15

ईं वाते ध्यानऊँ देको के, कस्यी चाल चालो हो, बना ग्यान का जस्यान ने पण अकलमन्दा का जस्यान चालो।

2 थिस्सुलुनिक्यों 1:8

अन जतरा परमेसर ने ने जाणे अन आपणाँ परबू ईसू का हव-हमच्यार ने ने मानी वाँने दण्ड दिदो जाई।

1 तिमुतियूस 6:4

तो अस्यान का मनक मरोड़ में वाँका रेई, पण वीं कईस ने जाणे हे। वाँकी अकल मरगी हे, अन वाँने बाताँ पे नन्दयाँ करणी हव लागे हे, वाँकाऊँ मेपणो, दोस लगाणो, हुगली बाताँ, बुरा भेंम निकळे हे।

इब्रानियों 11:8

विस्वास करबा की वजेऊँ अबराम ने जद्याँ बलायो ग्यो हो तो वो आग्या मानन अस्यी जगाँ का आड़ी चाल पड़्यो, जिंको वारिस बणबावाळो हो, जद्याँ के, वो जाणतो भी ने हो, तद्याँ भी वो वटे ग्यो हो।

इब्रानियों 5:9

अन एक दन पाको बणन वाँ हाराई का वाते ज्यो वींकी आग्या को पालण करे हे, वो वाँके अनंत छुटकारो को गेलो बणग्यो।

1 पतरस 1:22

अबे जद्याँ थाँ हाँच ने मानता तका, हाँचा भईचारा का परेम ने बताबा का वाते आपणी आत्माने पुवितर कर लिदी हे, ईं वाते थाँ एक-दूँजा में पुवितर मनऊँ परेम करबा की मनसा बणालो।

1 पतरस 4:17

काँके वाँ टेम आबावाळी हे, जद्याँ पेल्याँ परमेसर का मनकाँ को न्याव किदो जाई अन न्याव की सरुवात आपणाँ ऊँइस वेई तो वाँको कई वेई ज्यो परमेसर का हव हमच्यार ने कोयने माने हे?

2 पतरस 2:18

ईं मनक बेकार में मेपणा की बाताँ करन कुकरम की कामाँ के वजेऊँ वणा मनकाँ ने जीं अबे भटक्या तका मनक मेंऊँ निकाळणो छारियो हे वाँने देह की मनसा में फसा लेवे हे।

परकासितवाक्य 18:3

काँके वणा हाराई मनकाँ ने कुकरम का वासना को दाकरस पायो हे। अन ईं धरती का हाराई राजा वींके हाते कुकरम किदो। अन ईं धरती की हाराई लेण-देण करबावाळा, वींका भोगन विलास की वजेऊँ रिप्यावाळा वेग्या हा।”

परकासितवाक्य 2:20

पण मने थाँरा विरोद में ओ केणो हे, थूँ इजेबेल नाम की वीं लुगई ने थाँरा बचमें में रेवा देवे हे, वाँ खुद ने परमेसर का आड़ीऊँ बोलबावाळी बतावे। वाँ आपणी हिकऊँ मारा दासाँ ने कुकरम करबा अन मूरताँ पे चड़ायो तको चड़ावो खाबा वाते उकसावे हे।