गलातियों 2:9 - नुवो नेम (मेवड़ी नया नियम)

⁹ अन जदी वणा मारा में परमेसर की दया को वरदान जाणग्या, तो याकूब, केफा अन यहुन्ना जीं मण्डली का मुक्या हमज्या जाता हा, वणा मारा अन बरनबास का हाते हात मला लिदो के, माँ जी यहूदी ने हे वणा मनकाँ में हव हमच्यार ने हुणावा का वाते जावा, अन वीं यहूदी का नके जावे।

गलातियों 2:9 Iomraidhean Croise

मत्ती 16:18

अन पतरस मूँ भी थाँराऊँ केवूँ हूँ, थाँरा नाम को मतलब छाँट हे अन मूँ अणीस छाँट पे मारी मण्डली बणाऊँ। अन मोत की तागत वींपे असर ने केरी।

लूका 22:8

तो ईसू पतरस अन यहुन्ना ने यो केन खन्दायो के, “जान आपणे जीमण का वाते फसे की त्यारी करो, ताँके आपाँ खा सका।”

यहुन्ना 1:42

पछे अन्दरियास समोन ने ईसू का नके लायो। ईसू वींने देकन क्यो के, “थूँ यहुन्ना को छोरो समोन हे, पण थूँ केफा नामऊँ जाण्यो जाई।” केफा जिंने पतरस भी केवे हे, ज्याँको मतलब छाट भी वेवे हे।

थरप्या तका का काम 12:17

वणी वाँने हानी करन छाना रेवा वाते क्यो। परबू वींने जेळऊँ कस्यान बारणे निकाळ्यो वींका बारा में बतान क्यो, “याकूब अन दूजाँ भायाँ ने भी ओ बता दिज्यो।” अन पछे वो वीं जगाँ ने छोड़न दूजी जगाँ परोग्यो।

थरप्या तका का काम 15:13

जदी वीं के चुक्या, तो याकूब ऊबो वेन केबा लागो, “हो भायाँ, मारी बात हुणो,

थरप्या तका का काम 15:7

तद्याँ बात-बच्यार व्या केड़े पतरस ऊबो वेन क्यो, “हो भायाँ, थाँ जाणो हो के, नरई दन पेल्या परमेसर थाँकामूँ मने चुण्यो के, माराऊँ जो यहूदी ने हे वीं हव हमच्यार हुणन विस्वास करे।

थरप्या तका का काम 4:36

जस्यान के, युसुप नाम को एक लेवी हो, जो साइपरस नाम का देस को हो। थरप्या तका वींको नाम बरनबास राक्यो हो, जिंको मतलब धिजो बंदाबावाळो पूत।

रोमियों 12:3

ईं वाते वींकी दया की वजेऊँ ज्या मने मली हे। वींने ध्यान में लेन मूँ थाँने केवूँ हूँ जतरा थाँ हो वणी हेला खुद ने मती हमजो हे, पण विस्वास का जस्यान जतरी कबालियत परमेसर थाँने दिदी हे वतरोइस खुद ने हमजो।

रोमियों 15:15

पण ईं कागद में, मूँ थाँने आद अवाड़ का वाते थोड़ीक बाताँ साप साप लिकी हे, अन अस्यान में मने मली तकी परमेसर की दया की वजेऊँ किदो हे।

1 कुरिन्थियों 15:10

अन आज मूँ ज्यो कई भी हूँ परमेसर की दयाऊँ हूँ अन वींकी दया मारा वाते बेकार ने गी। काँके में दूजाऊँ हेली मेनत किदी हे, पण परमेसर की दया मारा पे हे जणीऊँ मूँ अस्यान कर सक्यो हूँ।

2 कुरिन्थियों 11:5

पण मूँ खुद ने वाँ लोगाऊँ फोरा ने हमजूँ हूँ, ज्याँने थाँ खन्दाया तका मोटा चेला केवो हो।

2 कुरिन्थियों 12:11

मूँ बेण्डा मनक का जस्यान बतारियो हूँ पण अस्यान करबा वाते थाँईस मारा ऊपरे जोर दिदो हे। जद्याँ के, मूँ तो कई भी ने हूँ पण थाँ तो मारी बड़ई करणा छाता हाँ, काँके मूँ थाँका वाँ “मोटाऊँ मोटा खन्दाया तका चेलाऊँ” की कणी भी बात में कम ने हूँ।

2 कुरिन्थियों 8:4

वीं मोटा बोज का हाते परमेसर का पुवितर मनकाँ की मदत करबा का मोका का वाते अरज करता रिया।

गलातियों 1:16

जद्याँ परमेसर की मरजी वीं के, मारा में वींका पूत ने परगट करे अन मूँ ज्यो यहूदी ने हे वणामें वींको हव हमच्यार हूँणऊँ तो वणी दाण में ईं बात पे कणी मनकऊँ सला ने लिदी।

गलातियों 1:18

पछे तीन वर केड़े मूँ केफाऊँ मलवा का वाते यरूसलेम नगर ग्यो अन वटे मूँ पन्दरा दनाँ तईं रियो।

गलातियों 2:1

पछे मूँ चवदा वर केड़े बरनबास ने हाते लेन पाछो यरूसलेम ग्यो, अन तीतूस ने भी हाते लेग्यो।

गलातियों 2:2

अन मारो वटे जाणो परमेसर की पुवितर आत्मा के केबाऊँ व्यो, ज्यो हव हमच्यार को परच्यार मूँ ज्यो यहूदी ने हे वाँका में करूँ, वणी हमच्यार का बारा में छानेकूँ वाँने बता दिदो जीं मण्डली में मोटा हमज्या जाता हा, मूँ वटे ईं वाते ग्यो काँके परमेसर मने दरसण दिदो हो के, मने वटे जाणो छावे, ताँके अस्यो ने वे, ज्यो काम में पेला किदो अन ज्यो अबाणू कररियो, वो फोगट को ठेरे।

गलातियों 6:3

काँके यद्याँ किंके नके कई भी ने वेवे तोबी वो अपणे खुद ने मोटो हमजे, तो वो अपणा खुद ने खाड़ा में नाकरियो हे।

इपिसियों 2:20

थाँ अस्यो एक मेल हो जणी की नीम थरप्या तका अन परमेसर का आड़ीऊँ बोलबावाळा हे, अन वींके नासीक को भाटो खुद ईसू मसी हे।

इपिसियों 3:8

मूँ हाराई पुवितर मनकाँऊँ फोरो हूँ, पण मारा पे आ करपा वीं के, मूँ मसी का अनमोल धन ने ज्यो हमजऊँ बारणे हे वींका हव हमच्यार ने ज्यो यहूदी ने हे वाँ लोगाँ ने हूणाऊँ

कुलुसियों 1:29

ईं वाते मारा में काम करबावाळी मसी की तागतऊँ मूँ अस्यान का काम करबा का वाते घणी मेनत कररियो हूँ।

1 तिमुतियूस 3:15

पण यद्याँ मारा आबा में टेम लागी तो, ईं कागदऊँ जाण जाज्यो के, आपणाँ परमेसर को घराणो, जीं जीवता परमेसर की मण्डली हे या हाँच की नीम अन थम्बो हे, वींके हाते आपाँने कस्यान को वेवार करणो छावे।

1 यहुन्ना 1:3

माँ वींने देक्यो अन हुण्यो हे। अन अबे थाँकामें भी वींके बारा में परच्यार करा हाँ, जणीऊँ थाँ भी मारा हाते भेळा वे जावो। काँके आपाँ परम बापू अन वींकी बेटा ईसू मसी का हाते भेळा हा।

परकासितवाक्य 3:12

ज्यो भी जिती वींने मूँ परमेसर का मन्दर को थम्बो बणाऊँ। अन वींके केड़े, वो कदी बारणे ने जाई। मूँ वींपे मारा परमेसर को नाम लिकूँ। मूँ वींपे नुवो यरूसलेम को नाम लिकूँ, जो परमेसर का हरगऊँ उतरबावाळो हे। मूँ वींपे मारो नुवो नाम भी लिकूँ।