गलातियों 2:7 - नुवो नेम (मेवड़ी नया नियम)

⁷ पण ईंका हामे वीं मानग्या के, जस्यान यहूदी मनकाँ में हव हमच्यार हुणाबा को काम परमेसर पतरस ने हुप्यो हे, वस्यानीस जीं यहूदी ने हे वणा मनकाँ में हव हमच्यार हुणाबा को काम मने हुप्यो ग्यो हे।

गलातियों 2:7 Iomraidhean Croise

थरप्या तका का काम 15:12

तद्याँ हंगळा सबा का लोग छाना-माना वेग्या अन पोलुस अन बरनबास की बाताँ हुणबा लागा, के परमेसर वाकाँऊँ जो यहूदी ने हे वाँका में कस्यान हेन्याण अन अचम्बा का काम कर दिकाया।

थरप्या तका का काम 18:6

पण जद्याँ वीं विरोद करबा अन रिस्याँ बळवा लागा, तो पोलुस आपणाँ गाबा जाटकन वाँकाऊँ क्यो, “यद्याँ थाँ अबे नास वेवो तो, याँ जिमेदारी थाँकीस हे अन ईंका वाते मूँ जिमेदार ने हूँ। अबे मूँ जो यहूदी ने हे वाँका नके जाऊँ।”

थरप्या तका का काम 28:28

पछे पोलुस क्यो, “थाँने जाणणो जरूरी हे के, परमेसर की बंचाबा की बात ने जो यहूदी ने हे वाँने भी खन्दाई हे अन वीं हूणी।”

थरप्या तका का काम 9:15

पण, परबू वींने क्यो, “थूँ जा। काँके ईं मनक ने हारी जात्या, राजा अन इजराएल का लोगाँ में मारो नाम फेलाबा वाते चुण्यो हे।

रोमियों 11:13

अबे मूँ थाँ ज्यो यहूदी ने हो, थाँकाऊँ केरियो हूँ। काँके जस्यान खासतोर मूँ ज्यो यहूदी ने हे वाँ मनकाँ का वाते थरप्यो तको चेलो हूँ, अन मने मारा काम में गुमान हे काँके में मारा काम में पूरो मन लगा राक्यो हे।

1 कुरिन्थियों 9:17

काँके यद्याँ आपणी मरजीऊँ ओ करूँ हूँ, तो मूँ ईनाम के जोगो हूँ, पण यो काम तो मूँ मारी जिमेदारीऊँ करूँ हूँ काँके परमेसर मने यो काम हूँप्यो हे।

गलातियों 1:16

जद्याँ परमेसर की मरजी वीं के, मारा में वींका पूत ने परगट करे अन मूँ ज्यो यहूदी ने हे वणामें वींको हव हमच्यार हूँणऊँ तो वणी दाण में ईं बात पे कणी मनकऊँ सला ने लिदी।

गलातियों 1:18

पछे तीन वर केड़े मूँ केफाऊँ मलवा का वाते यरूसलेम नगर ग्यो अन वटे मूँ पन्दरा दनाँ तईं रियो।

गलातियों 1:6

मने अचम्बो वेरियो हे के, परमेसर जणा थाँने मसी की दयाऊँ बलाया हे, थाँ अतरा जट वणाऊँ फरन कणी दूजाँ हव हमच्यार ने मानरिया हो।

गलातियों 2:11

पछे जदी केफा अन्ताक्या का नगर में आयो तो में वींने तापड़्यो, काँके ज्यो काम वो कररियो हो वो गलत हो।

गलातियों 2:14

पछे जदी में देक्यो के, वीं हव हमच्यार का गेला पे ने चालरियो हे, तो में हाराई का हामे केफाऊँ क्यो, “जद्याँ थूँ यहूदी वेन ज्यो यहूदी ने हे वाँके जस्यान चालरियो हे अन थूँ यहूदी वेन हव हमच्यार का गेला पे ने चाले तो ज्यो यहूदी ने हे वाँने हव हमच्यार का गेला पे चालबा वाते काँ केवे हे?”

गलातियों 2:9

अन जदी वणा मारा में परमेसर की दया को वरदान जाणग्या, तो याकूब, केफा अन यहुन्ना जीं मण्डली का मुक्या हमज्या जाता हा, वणा मारा अन बरनबास का हाते हात मला लिदो के, माँ जी यहूदी ने हे वणा मनकाँ में हव हमच्यार ने हुणावा का वाते जावा, अन वीं यहूदी का नके जावे।

1 थिस्सुलुनिक्यों 2:4

पण जस्यान परमेसर माँने ईं जोगा जाणन हव हमच्यार ने हुणाबा को काम हूँप्यो हे। माँ ईंने वस्यानीस हुणावा हा अन अस्यान करन माँ मनकाँने ने, पण परमेसर ने जीं हरदा ने परके हे वाँने राजी कराँ हाँ।

1 तिमुतियूस 1:11

आ खरी हिक परम परदान परमेसर की मेमा का हव हमच्यार का जस्यान हे, ज्यो मने दिदो ग्यो हे।

1 तिमुतियूस 2:7

अन ईं गवई ने जी यहूदी ने हे वणामें हुणाबा का वाते मूँ एक हिक देबावाळा अन ईसू को थरप्यो तको चेलो बणायो ग्यो हूँ, ताँके विस्वास का सन्देस अन हाँच को हेलो पाड़ सकूँ। मूँ जूटो कोयने हूँ, मूँ हाँच बोलरियो हूँ।

2 तिमुतियूस 1:11

परमेसर मने हव हमच्यार ने हुणाबावाळो, एक हिकाबावाळो अन ईसू को थरप्या तका की जस्यान काम दिदो हे।

2 पतरस 3:15

आपणाँ परमेसर का धीरज ने छुटकारो हमजो। जस्यान आपणो प्यारो भई पोलुस परमेसर की आड़ीऊँ ज्यो ग्यान वींने मल्यो हो, वणीऊँ वीं थाँने लिक्यो हो।