गलातियों 2:21 - नुवो नेम (मेवड़ी नया नियम)

²¹ मूँ परमेसर का अनुगरे ने बेकार ने जाणूँ हूँ, काँके यद्याँ मनक मूसा का नेमाऊँ धरमी वेता, तो ईसू मसी को मरणो बेकार वेतो।

गलातियों 2:21 Iomraidhean Croise

मरकुस 7:9

पछे ईसू वाँने क्यो, “थाँ आपणी रीतियाँ ने मनाबा का वाते परमेसर का आदेसा ने टाळबा में घणा हूँस्यार हो।

रोमियों 10:3

काँके वीं परमेसर की धारमिकताऊँ अणजाण वेन वीं आपणी धारमिकता का थापणा करबा की कोसीस कररिया हे। ईं वाते वणा परमेसर की धारमिकताने ने मानी।

रोमियों 11:6

यद्याँ ओ परमेसर की करपा को नतीजो हे, तो ओ मनकाँ का करमा को नतीजो ने हे। ने तो करपा ने केवाती।

रोमियों 4:25

ईसू ने आपणाँ पाप का वाते मरबा दिदो ग्यो अन आपाँने धरमी बणाबा का वाते मरिया तकाऊँ पाछो जिवायो ग्यो।

रोमियों 8:31

तो आपाँ अणा बाताँ ने देकन कई केवा? यद्याँ परमेसर आपणाँ आड़ी हे तो आपणाँ हामे कूण वे सके हे?

1 कुरिन्थियों 15:14

अन यद्याँ मसी ने जीवतो ने किदो ग्यो हे तो माँको परच्यार करणो भी बेकार हे अन थाँको विस्वास करणो भी बेकार हे।

1 कुरिन्थियों 15:17

अन यद्याँ मसी ने पाच्छा जीवता ने किदा ग्या हे तो थाँको विस्वास करणो बेकार हे अन थाँ भी अबाणू तईं पाप में फस्या तका हो।

1 कुरिन्थियों 15:2

अन अणीऊँस थाँ बंचाया जावो हो, पण थाँने अणा बचना ने हूँस्यारी का हाते पकड़न राकणा हे अन यद्याँ थाँ अस्यान ने करो तो थाँको विस्वास करणो बेकार वे जाई।

गलातियों 2:16

पछे भी आपाँ यो जाणा हे के, कुई मनक मूसा का नेमाऊँ ने पण ईसू मसी पे विस्वास करबाऊँ धरमी बणे हे। आपाँ ईं वाते ईसू मसी पे विस्वास किदो के आपाँ मूसा का नेमाऊँ ने पण ईसू मसी का विस्वासऊँ धरमी बणन रेवा, काँके मूसा का नेमाऊँ कुई मनक धरमी बणन ने रे सके हे।

गलातियों 2:18

काँके जणा नेमाँ ने में बणाया अन वाँने में छोड़ दिदा अन यद्याँ मूँ पाछो वाँको परच्यार करूँ तो मूँ आग्या का विरोद में गुनेगार ठेरूँ हूँ।

गलातियों 3:21

तो पछे ईंको कई मतलब हे, कई नेम परमेसर का वादा का हामे हे? कदी ने हे, काँके यद्याँ अस्या नेम दिदा जाता जीं जीवन दे सके हे। तो हाँची में नेमईस परमेसर का हामे धरमी बणाबा को सादन बण जाता।

इब्रानियों 7:11

लेवी के याजकपणा के आदार पे पुराणा टेम में परमेसर इजराएल का मनकाँ ने मूसा का नेम दिदा। पण लेवी बंस को याजकपणो परमेसर की नजरा में मनकाँने खरा ने बणा सक्यो। ईं वाते परमेसर ने दूजाँ याजकने खन्दाबा की जरूत पड़ी, वो याजकपणो लेवी बंस का याजक हारून का याजकपणा का जस्यान ने हो। पण वींको याजकपणो मलिकिसिदक की रिती का जस्यान हो।