गलातियों 2:20 - नुवो नेम (मेवड़ी नया नियम)

²⁰ मूँ अबे जीवतो कोयने हूँ, पण मूँ ईसू मसी में जीवतो हूँ अन मूँ अणी देह में जीवतो हूँ तो बेस ईसू पे विस्वास करबा का मस जीवतो हूँ, ज्यो परमेसर को बेटो हो अन वणी माराऊँ अतरो परेम किदो के, आपणाँ खुद ने मारा वाते दे दिदो।

गलातियों 2:20 Iomraidhean Croise

मत्ती 20:28

जस्यान के मनक को पूत ईं वाते ने आयो के, वींकी सेवा-चाकरी किदी जावे पण ईं वाते आयो के, नरई ने छुड़ाबा का वाते आपणी जीव देवे।”

मत्ती 4:3

तो वींकी परक करबावाळो वींका भड़े आयो अन क्यो, “यद्याँ थूँ परमेसर को पूत हे तो अणा भाटा ने के, ईं रोट्याँ बण जावे।”

यहुन्ना 1:49

नतनएल वाँने जवाब दिदो, “हो गरुजी, थाँ परमेसर का पूत हे। थाँ इजराएल को राजा हे।”

यहुन्ना 10:11

“मूँ हव गवाळ हूँ। हव गवाळ आपणाँ गारा का वाते आपणो जीव भी दे देवे हे।

यहुन्ना 15:13

अणीऊँ मोटो परेम कस्योई ने हे के, कुई आपणाँ दोस्त के वाते आपणो जीव दी देवे।

यहुन्ना 17:21

हो बापू, मारी या अरज हे के, वीं हाराई एक वेवे, जस्यान मूँ थाँकामें हूँ अन थाँ मारा में हो, वस्यानीस वीं भी आपाँ में एक वेवे, जणीऊँ दनियाँ विस्वास करे के, थाँ मने खन्दायो हे।

यहुन्ना 3:16

काँके परमेसर जगतऊँ अस्यान परेम किदो, वणा आपणाँ एकाएक पूत ने दे दिदो, ताँके ज्यो कुई वींपे विस्वास करे, वी नास ने वेई, पण अनंत जीवन पाई।

यहुन्ना 3:35

परमेसर आपणाँ बेटाऊँ लाड़ राके हे, अन वणा हारी चिजाँ वींका हात में हूँपी हे।

यहुन्ना 6:57

जस्यान मने जीवता बापू खन्दायो अन मूँ मारा बापू का कारण जीवतो हूँ वस्यानीस वीं भी ज्यो मने खाई मारा कारण जीवता रेई।

यहुन्ना 6:69

अबे माँ विस्वास किदो अन ओळकग्या हाँ के, परमेसर का आड़ीऊँ आबावाळो पुवितर मनक थाँईस हो।”

थरप्या तका का काम 8:36

गेला में चालता तका वे वीं जगाऊँ वेन जारिया हा जटे पाणी हो, पछे वे अदिकारी क्यो, “देको, अटे पाणी हे, अबे मने बतिस्मो लेबा में कई रोक हे?”

थरप्या तका का काम 9:20

पछे वो यहूदी परातना घर में पूगो अन तरत परच्यार करबा लागो के, “ईसू ईंस परमेसर को पूत हे।”

रोमियों 1:17

काँके हव हमच्यार बतावे हे के, परमेसर मनकाँ ने कस्यान आपणाँ वाते सई करे हे। ओ सरुवातऊँ लेन आकरी तईं विस्वास पे टक्यो तको रेवे हे। जस्यान के पुवितर सास्तर में लिक्यो तको हे के, “विस्वासऊँ धरमी मनक जीवतो रेई।”

रोमियों 14:7

आपणाँ मूँ कुई भी खुद का वाते ने जीवे अन ने खुद का वाते मरे हे।

रोमियों 3:22

हाराई विस्वास्याँ का वाते ईसू मसी में विस्वास का हाते बना भेद-भाव करिया परमेसर का आड़ीऊँ मलबावाळी धारमिकता परगट किदी गी हे।

रोमियों 4:25

ईसू ने आपणाँ पाप का वाते मरबा दिदो ग्यो अन आपाँने धरमी बणाबा का वाते मरिया तकाऊँ पाछो जिवायो ग्यो।

रोमियों 5:2

विस्वास का वजेऊँ वणी आपाँने परमेसर की दया में जिंमें आपाँ बण्या तका हा, वीं तईं आपाँने पोंछा दिदा हे अन आपाँ परमेसर की मेमा की आस को गुमान करा हा।

रोमियों 5:6

काँके आपाँ जदी कमजोर हा, तो वीं सई टेम पे मसी भगती करबावाळा ने हा का वाते बली वेग्या।

रोमियों 5:8

पण परमेसर आपाँ पे वणी टेम आपणो परेम दिकायो के, जद्याँ आपाँ पापीईस हा, तो ईसू मसी आपणाँ वाते जीव दिदो।

रोमियों 6:13

थाँका देह का अंग ने अधरम का सादन वेबा वाते पाप का हाताँ में मती दिज्यो, पण मरिया तका मेंऊँ जी उटबावाळा के जस्यान परमेसर का हाताँ में दिज्यो। अन थाँकी देह का अंगा ने धारमिकता का सादन वेबा वाते परमेसर ने हूँप दो।

रोमियों 6:8

अन यद्याँ आपाँ मसी का हाते मरग्या, तो आपणो विस्वास हे के, आपाँ वींके हाते जीवाँ भी।

रोमियों 8:10

अन यद्याँ थाँकामें मसी हे तो थाँकी देह पाप की वजेऊँ मरी तकी हे, तद्याँ भी आत्मा खरईपणा का वजेऊँ जीवती हे।

रोमियों 8:37

अणा हारी बाताँ में माँकाऊँ परेम करबावाळा की वजेऊँ माँ जीतबावाळाऊँ भी बड़कर हा।

1 कुरिन्थियों 6:17

अन ज्यो परबू की संगती में रेवे हे, वीं वींका हाते एक आत्मा वे जावे हे।

2 कुरिन्थियों 1:24

अन ईंको ओ मतलब ने के, माँ थाँका विस्वास पे काबू पाणो छारिया हाँ। थाँ तो थाँका विस्वास में गाटा हो अन माँ तो थाँकी खुसी में थाँका हाते हाँ।

2 कुरिन्थियों 10:3

हाँची में माँ भी तो ईं दनियाँ मेंईस रेवा हाँ, पण ईं दनियाँ का मनकाँ का जस्यान ने लड़ा हाँ।

2 कुरिन्थियों 11:10

यद्याँ मसी को हाँच मारा में हे तो अखाया परदेस में कुई भी मने ईं बात में मेपणो करबाऊँ ने रोक सकी।

2 कुरिन्थियों 13:3

अस्यान मूँ ईं वाते केरियो हूँ के, थाँ ईं बात को परमाण छावाँ हो के, मारा मयने मसी बोले हे। वो थाँका वाते कमजोर ने हे, पण थाँका वाते तागतवर हे।

2 कुरिन्थियों 13:5

ओ देकबा का वाते के, थाँ विस्वास का हाते जीरिया हो खुद ने परको। अन खुद की जाँच पड़ताल करो कई थाँ खुद ने जाणो के, ईसू मसी थाँका मयने हे। यद्याँ अस्यान ने वेतो तो थाँ जद्याँ परक्या ग्या हाँ तद्याँ खरा ने ने निकळता।

2 कुरिन्थियों 5:14

मसी को परेम माँने बंस में राके हे, काँके माँ हमजग्या हा के, जद्याँ मसी हाराई का वाते मरग्या, तो वीं हाराई भी जूना जीवन का वाते मरग्या हे।

2 कुरिन्थियों 5:15

ईसू हाराई का वाते मरिया हा, काँके ज्यो मनक जीवता हे वीं खुद का वाते ने जीवे, पण वीं वणी वाते जीवे ज्यो मरिया केड़े पाछो जीवतो कर दिदो ग्यो।

2 कुरिन्थियों 5:7

काँके आपाँ देकन ने जीवाँ पण विस्वासऊँ जीवाँ हाँ।

गलातियों 1:4

ईसू मसी आपणाँ पापाँ का वाते खुद ने बली वेबा का वाते हूँप दिदो, काँके बापू परमेसर की मरजी ही के, आपाँने अणी दनियाँ का पापाऊँ छेटी राके।

गलातियों 2:16

पछे भी आपाँ यो जाणा हे के, कुई मनक मूसा का नेमाऊँ ने पण ईसू मसी पे विस्वास करबाऊँ धरमी बणे हे। आपाँ ईं वाते ईसू मसी पे विस्वास किदो के आपाँ मूसा का नेमाऊँ ने पण ईसू मसी का विस्वासऊँ धरमी बणन रेवा, काँके मूसा का नेमाऊँ कुई मनक धरमी बणन ने रे सके हे।

गलातियों 3:11

पण आ बात तो परगट हे के, मूसा का नेमाऊँ कुई परमेसर में धरमी वण्यो ने रेई, काँके सास्तर केवे हे के, “धरमी मनक परमेसर का विस्वास का भरोस्येईस जीवतो रेई।”

गलातियों 5:24

अन जीं मनक ईसू मसी का हे, वणा आपणाँ देह की बुरी मरजी अन कामाँ ने हूळी पे चढा दिदा हे।

गलातियों 6:14

मने परबू ईसू मसी की हूळी ने छोड़न ओरी दूजी कणी बात में मेपणो ने वेवे हे। काँके मूँ दनियाँ का नजर में अन दनियाँ मारा नजर में हूळी पे चड़ई तकी हे।

इपिसियों 3:17

अन विस्वासऊँ मसी थाँका हरदा में बसे अन थाँकी जड़ा अन नीम परेम में धस जावे।

इपिसियों 5:2

मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

इपिसियों 5:25

ओ धण्या, जस्यान मसी मण्डळीऊँ परेम राकन, वींने पाणी अन वसनऊँ धोन पुवितर बणाबा का वाते आपणाँ खुद ने बली कर दिदो। वस्यानीस थाँ भी आपणी-आपणी लुगायाऊँ परेम राको।

फिलिपियों 1:21

काँके मारा वाते जीवतो रेणो मसी हे, अन मर जाणो नफो हे।

फिलिपियों 4:13

मसीऊँ मली तकी तागतऊँ मूँ हारी टेम को सामनो कर सकूँ हूँ।

कुलुसियों 1:27

वाँ बात परमेसर जिंका पे परगट करणो छारिया हो, वाँने ध्यान वीं जावे के, वीं परमेसर की मेमा को मोल हाराई मनकाँ में कई हे, अन वाँ बात आ हे के, मसी ज्यो मेमा की आस हे वाँ थाँकामें बणी तकी रेवे हे।

1 थिस्सुलुनिक्यों 1:10

अन परमेसर का बेटा ईसू मसी के हरगऊँ पाच्छा आबा की वाट नाळता रेवो, जिंने वणा मरिया तका मेंऊँ पाच्छा जीवतो किदो हो, अन वींइस आपाँने परमेसर की आबावाळी रीसऊँ बंचावे हे।

1 थिस्सुलुनिक्यों 5:10

ईसू मसी आपाँ वाते ईं वजेऊँ मरिया हाँ के, आपाँ पलई जीवता वा कन पलई वाँके आबाऊँ पेल्याँ मरी जावा, पण हाराई मलन वाँका हाते जीवा।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

इब्रानियों 8:3

हरेक मायाजक ने ईं वाते चुण्यो जावे हे के, वो भेंट अन बली दुई चड़ावे। अन ईं वाते अणी मायाजक का वाते भी ओ जरूरी हे के, वींका नके भी चड़ाबा का वाते कई वेवे।

1 पतरस 1:8

अन जद्याँ थाँ वींने देक्यो ने हे, तो भी थाँ वाँकाऊँ परेम करो हो अन अबाणू भी वींने ने देक पारिया हो, तो भी थाँ वींपे विस्वास करन अस्यान राजी-खुसी वेवो हो के, जिंको बखाण ने किदो जा सके हे, जो मेमाऊँ भरियो तको हे।

1 यहुन्ना 1:7

अन यद्याँ आपाँ केवा के, आपाँ वींके हाते उजिता में हा अन वींके जस्यानीस उजिता में चाला हा, तो आपाँ एक विस्वासी का जस्यान एक-दूजाऊँ मलन रेवा हा अन परमेसर का बेटा ईसू मसी को खून आपणाँ हाराई पाप ने धो देवे हे।

1 यहुन्ना 4:14

बापू परमेसर आपणाँ बेटा ने ईं दनियाँ में मुगतीदाता का रूप में खन्दायो अन आपाँ वींने देक्यो अन वींका गवा भी हाँ।

1 यहुन्ना 5:20

अणी बात ने भी आपाँ जाणा हाँ के, परमेसर का बेटा ईसू मसी आया अन आपाँने हमज दिदी, जणीऊँ हाँचा परमेसर ने जाण सका अन आपाँ वींके हाते रेवा ज्यो हाँचो हे मतलब वींका बेटा ईसू मसी का हाते। योईस हाँचो परमेसर अन अनंत जीवन देबावाळो हे।

परकासितवाक्य 3:20

हुणो, मूँ बारणा आगे ऊबो हूँ अन हेलो पाड़रियो हूँ। यद्याँ कुई मारो हेलो हुणन कमाड़ खोली, तो मूँ वींका घर आऊँ अन वींका हाते खाणो खाऊँ अन वो मारा हाते खाणो खाई।