गलातियों 2:19 - नुवो नेम (मेवड़ी नया नियम)

¹⁹ काँके मूँ तो नेमा का जस्यान नेमाँ में मरयो ताँके मूँ परमेसर की आत्मा में पाछो जीवू, मूँ मसी का हाते हूळी पे चड़ायो ग्यो हूँ।

गलातियों 2:19 Iomraidhean Croise

रोमियों 4:15

मनक नेमा को पालण ने करे तो परमेसर को गुस्सो भड़के हे, पण जटे नेम ईं ने हे वटे नेमा ने तोड़बा की गूंजाइसई कोयने हे?

रोमियों 5:20

नेम ईं वाते आया हा के, पाप बड़ सके। पण जटे पाप बड़्यो, वटे परमेसर की करपा वणीऊँ ओरू भी हेली बड़ी।

रोमियों 6:11

अस्यान थाँ थाँका वाते भी होचो के, थाँ भी पाप का वाते मर चुक्या हो, पण परबू ईसू मसी में परमेसर का वाते जीरिया हो।

रोमियों 6:14

थाँका पे पाप को राज ने वेई, काँके थाँ नेमा का टेके ने जीवो हो, पण परमेसर की दया का टेके जीवो हो।

रोमियों 6:2

कदी ने, आपाँ ज्यो पाप का वाते मरग्या हा, तो पाप में कस्यान जीवाँ?

रोमियों 7:14

काँके आपाँ जाणा हा, नेम आत्मिक हे, पण मूँ हाड़क्या माँस को मनक हूँ ज्यो पाप की गुलामी करबा का वाते वक्यो तको हे।

रोमियों 7:4

हो मारा भायाँ हुणो, मसी की देहऊँ थाँ भी मूसा का नेमा का वाते मरग्या हो। तो अबे थाँ कणी दूजाऊँ जुड़ सको हो, वणीऊँ जिंने मरिया तकाऊँ पाछो जीवतो किदो हे। जणीऊँ आपाँ परमेसर का वाते फला फूला।

रोमियों 8:2

काँके ईसू मसी में जीवन देबावाळा आत्मा का नेम मने पाप अन मोत का नेमाऊँ छुटकारो देवे हे।

1 कुरिन्थियों 10:31

ईं वाते छावे ज्यो खावो, छावो ज्यो पियो, छावो ज्यो करो, बेस हारोई परमेसर की मेमा का वाते करो।

1 कुरिन्थियों 9:20

मूँ यहुदया का वाते यहूदी बण्यो ताँके वाँने मसी में ला सकूँ अन ज्यो मूसा का नेमा ने माने हे वाँका वाते मूँ वेवस्ता ने मानूँ हूँ, तद्याँ भी वेवस्ता ने मानी, ताँके वाँने भी मसी में ला सकूँ।

2 कुरिन्थियों 5:15

ईसू हाराई का वाते मरिया हा, काँके ज्यो मनक जीवता हे वीं खुद का वाते ने जीवे, पण वीं वणी वाते जीवे ज्यो मरिया केड़े पाछो जीवतो कर दिदो ग्यो।

गलातियों 2:20

मूँ अबे जीवतो कोयने हूँ, पण मूँ ईसू मसी में जीवतो हूँ अन मूँ अणी देह में जीवतो हूँ तो बेस ईसू पे विस्वास करबा का मस जीवतो हूँ, ज्यो परमेसर को बेटो हो अन वणी माराऊँ अतरो परेम किदो के, आपणाँ खुद ने मारा वाते दे दिदो।

गलातियों 3:10

पण ज्यो मनक मूसा का कामाँ का जस्यान चाली वीं हाराई मनक पाप का गुलाम रेई। काँके सास्तर में लिक्यो हे के, “ज्यो कुई मूसा का नेमा की किताब में लिकी तकी हारी बाताँ ने कोयने मानी, वींने हराप लागी।”

गलातियों 3:24

ईं वाते मसी के आबा तईं मूसा का नेम आपणाँ मारसाब हा, जणीऊँ आपाँ विस्वासऊँ धरमी बण सका।

गलातियों 6:14

मने परबू ईसू मसी की हूळी ने छोड़न ओरी दूजी कणी बात में मेपणो ने वेवे हे। काँके मूँ दनियाँ का नजर में अन दनियाँ मारा नजर में हूळी पे चड़ई तकी हे।

कुलुसियों 2:20

जद्याँ के, थाँ मसी का हाते दनियाँ का रिति-रिवाज के आड़ीऊँ मरग्या हो, तो पछे काँ वणाके जस्यान ईं दनियाँ का रिवाजाँ में जीवन बितारियाँ हो?

कुलुसियों 3:3

काँके थाँको पुराणो मनकपणो तो मरग्यो हे अन थाँको नुवो जीवन ईसू मसी का हाते परमेसर का नके हे।

1 थिस्सुलुनिक्यों 5:10

ईसू मसी आपाँ वाते ईं वजेऊँ मरिया हाँ के, आपाँ पलई जीवता वा कन पलई वाँके आबाऊँ पेल्याँ मरी जावा, पण हाराई मलन वाँका हाते जीवा।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

इब्रानियों 9:14

आ बात हाँची हे तो मसी को लुई कतरो जोरावर वेई? जणी अनंत आत्माऊँ खुद ने निरदोस बली का रूप में हमेस्या वाते परमेसर के चड़ा दिदो। वींके अस्यान करबाऊँ अन वींके लुईऊँ आपाँने मोत का आड़ीऊँ लेन जाबावाळा करमाऊँ आपणाँ मन सुद कर करी, ताँके आपाँ जीवता परमेसर की सेवा कर सका।

1 पतरस 2:24

वीं आपणाँ पापाँ ने खुद की देह पे लेन हूळी पे चड़ग्या, ताँके आपाँ पाप का वाते मरन धारमिकता का वाते जीवन जीवाँ, वींके मार खाबा के वजेऊँ थाँ हव व्या हो।

1 पतरस 4:6

ईं वाते वीं विस्वासी, जीं मरग्या हे, वाँने हव हमच्यार ईं वाते हुणायो ग्यो हो के, वीं देह में तो मनकाँ का क्या जस्यान वाँको न्याव वे, पण आत्मा में वीं परमेसर का क्या जस्यान जीवता रेवे।