गलातियों 1:8 - नुवो नेम (मेवड़ी नया नियम)

⁸ पण पलई माकाँ मूँ वे कन पलई कुई हरग-दुत, यद्याँ थाँ माँ ज्यो हव हमच्यार हुणायो हे वींने छोड़न दूजो हमच्यार हुणावे हे तो वो दण्ड को जोगो वेई।

गलातियों 1:8 Iomraidhean Croise

मत्ती 25:41

“तद्याँ वो डावा पाल्ड़े वाळाऊँ केई, ‘हो हरापवाळा मनकाँ, मारा हामेंऊँ वीं कदी ने बजबा वाळी वादी में पड़ जावो, ज्या सेतान अन वींका दुताँ का वाते त्यार किदी गी हे।

मरकुस 14:71

जदी पतरस बोल्यो, “मूँ होगन खान हाँची केरियो। यद्याँ मूँ हाँची ने केरियो हूँ, तो परमेसर मने दण्ड दे। जिंके बारा में थाँकाणी बात कररिया हो, वीं मनक ने मूँ ने जाणूँ।”

थरप्या तका का काम 23:14

वणा मोटा याजकाँ अन बड़ाबा नके जान क्यो, “माँ ईं होगन खा लिदा हे के, जद्याँ तईं पोलुस ने मार ने नाका, तद्याँ तईं कई भी चीज ने ने चाकाँ।

रोमियों 16:17

हो मारा भायाँ, मूँ थाँकाऊँ अरज करूँ हूँ के, थाँने ज्या हिक मली, वींके खिलाप में थाँकामें फुट नाकबावाळा अन दूजाँ का विस्वास ने बगाड़बावाळाऊँ छेटी रेज्यो।

रोमियों 9:3

काँके, अस्यान वे सकतो के, मूँ यो छातो के, मूँ मारा यहूदी भई-बेन अन मारा देस का मनकाँ का वाते खुद पे हराप लेन ले मसीऊँ अलग वे जातो।

1 कुरिन्थियों 12:3

ईं वाते मूँ थाँने बतारियो हूँ के, ज्यो कुई परमेसर की आत्मा का आड़ीऊँ बोलबावाळा कुई भी ओ ने केवे के, “ईसू ने हराप लागे” अन ने कुई बना पुवितर आत्माऊँ के सके के, “ईसूइस परबू हे।”

1 कुरिन्थियों 16:22

अन ज्यो कुई परबूऊँ परेम ने करी वींने हराप लागी। आपणाँ परबू वेगा आई!

गलातियों 1:9

जस्यान मूँ पेल्याँई थाँने चेता चुक्या हूँ, वस्यानीस मूँ अबे पाछो केवूँ के, यद्याँ कुई थाँने माँ ज्यो हव हमच्यार हुणाया हे वींने छोड़न दूजो हमच्यार हुणावे हे तो वो दण्ड को जोगो वेई।

गलातियों 3:10

पण ज्यो मनक मूसा का कामाँ का जस्यान चाली वीं हाराई मनक पाप का गुलाम रेई। काँके सास्तर में लिक्यो हे के, “ज्यो कुई मूसा का नेमा की किताब में लिकी तकी हारी बाताँ ने कोयने मानी, वींने हराप लागी।”

गलातियों 3:13

ईसू मसी ज्यो आपणाँ वाते हरापित व्यो अन आपाँने वणा मूसा का नेमाऊँ छोड़ाया, काँके सास्तर में लिक्यो हे के, “ज्यो कुई हूळी पे लटकायो जाई वो हरापित वेई।”

तीतूस 3:10

फुट नाकबावाळा मनकाँ ने चेता अन जद्याँ वो एक दाण में ने माने तो वाँने दूजी दाण का चेता तद्याँ वीं दूजी दाण भी ने माने, तो वाँकाऊँ अलग वेजा।