गलातियों 1:4 - नुवो नेम (मेवड़ी नया नियम)

⁴ ईसू मसी आपणाँ पापाँ का वाते खुद ने बली वेबा का वाते हूँप दिदो, काँके बापू परमेसर की मरजी ही के, आपाँने अणी दनियाँ का पापाऊँ छेटी राके।

गलातियों 1:4 Iomraidhean Croise

मत्ती 13:22

ज्यो बीज झाड़क्याँ में वाया ग्या, वीं वणा मनकाँ का जस्यान हे, ज्यो परमेसर का बचन ने हुणे हे, पण ईं दनियाँ की चन्ता अन धन-माया को लोब-लाळच वाँने परमेसर को बचन भुलई दे के, परमेसर वाँकाऊँ कई छावे हे अन वो फळ ने लावे।

मत्ती 20:28

जस्यान के मनक को पूत ईं वाते ने आयो के, वींकी सेवा-चाकरी किदी जावे पण ईं वाते आयो के, नरई ने छुड़ाबा का वाते आपणी जीव देवे।”

मत्ती 26:28

काँके यो मारो वो लुई हे, ज्यो एक नुवो वादो हे, ज्यो नरई के पाप की मापी का वाते वेवाड़्यो जावे हे।

मत्ती 26:42

पछे वाँकाणी दूजी दाण जान आ परातना किदी, “हो मारा बाप, यद्याँ ओ दुक को प्यालो मारे पिया बगर ने छेटी वे, तो थाँका मरजी पुरी वेवे।”

मत्ती 6:9

ईं वाते थाँ ईं तरियाँ परातना करिया करो, “‘हो माकाँ बापू, थाँ ज्यो हरग में हे, थाँको नाम पुवितर मान्यो जावे।

मरकुस 10:45

काँके मनक को पूत (ईसू) सेवा कराबाने ने आयो, वो तो सेवा करबा आयो हे अन घणा जणा का छूटकारा का वाते आपणो जीव देबाने आयो हे।”

लूका 22:19

पसे वणी रोटी लिदी अन धन्नेवाद देन तोड़ी अन वाँने ओ केता तका दिदी के, “आ रोटी मारो डील हे, ज्या थाँका वाते दिदो ग्यो हे। मने आद करबा का वाते अस्यानीस करिया करज्यो।”

लूका 22:42

“ओ बापू, यद्याँ थाँकी मरजी वे, तो अणी दुक का प्याला ने मारा नकूँ छेटी कर दो। पछे भी मारी मरजी ने पण, थाँरी मरजी पुरी वे।”

यहुन्ना 10:11

“मूँ हव गवाळ हूँ। हव गवाळ आपणाँ गारा का वाते आपणो जीव भी दे देवे हे।

यहुन्ना 12:31

अबे ईं दनियाँ को न्याव वेबा में हे, अबे अणी दनियाँ का हाकम ज्यो सेतान हे, वींने निकाळ दिदो जाई।

यहुन्ना 5:30

“मूँ आपणाँ खुद का हकऊँ कई भी ने कर सकूँ हूँ, ज्यो परमेसरऊँ हूणूँ हूँ, वींके जस्यानीस न्याव करूँ हूँ। अन मारो न्याव हाँचो हे, काँके मूँ मारी मरजी ने कोयने, पण मारा खन्दाबावाळा की मरजी ने पुरी करूँ हूँ।

यहुन्ना 6:38

काँके मूँ आपणी मरजी ने, पण वींकी मरजी ने पुरी करबा ने आयो हूँ, जणी मने हरगऊँ खन्दायो हे।

रोमियों 12:2

अबे ओर ईं दनियाँ का गेला पे मती चालो, पण थाँका मना ने नवा करन खुद ने बदल लेवो, जणीऊँ थाँ परमेसर की मरजी ने परको अणजाण सको हे, मतलब ज्यो हव अन ज्यो वींने भावे हे अन ज्यो सिद हे।

रोमियों 4:25

ईसू ने आपणाँ पाप का वाते मरबा दिदो ग्यो अन आपाँने धरमी बणाबा का वाते मरिया तकाऊँ पाछो जिवायो ग्यो।

रोमियों 8:27

पण वो मना की जाणबावाळो जाणे हे के, आत्मा की मनसा कई हे? काँके परमेसर की मरजीऊँ वाँ परमेसर का पुवितर मनकाँ वाते अरज करे हे।

रोमियों 8:3

काँके ज्यो काम नेम मनकाँ का पापी हाव-भाव का मस कमजोर वेन ने कर सक्या, वो काम परमेसर किदो, मतलब ओ के, परमेसर आपणाँ बेटा ने आपणी जस्यान पाप की देह में आपणाँ पाप का वाते बली वेबा का वाते खन्दायो। जणीऊँ वो पापी देह में पाप ने दण्ड दिदो।

रोमियों 8:32

जणी आपणाँ बेटा ने भी राक्यो, पण आपणाँ हाराई वाते मरबा का वाते दे दिदो। तो पछे वीं वींके हाते आपाँने हारोई काँ ने देई?

1 कुरिन्थियों 15:3

अन ज्या बात मने हाराऊँ पेल्याँ पतो चाली ही वाँ बात में थाँने हुणा दिदी हे, जस्यान सास्तर में लिक्यो हे के, मसी आपणाँ पापाँ का वाते मरिया हा।

2 कुरिन्थियों 4:4

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

गलातियों 2:20

मूँ अबे जीवतो कोयने हूँ, पण मूँ ईसू मसी में जीवतो हूँ अन मूँ अणी देह में जीवतो हूँ तो बेस ईसू पे विस्वास करबा का मस जीवतो हूँ, ज्यो परमेसर को बेटो हो अन वणी माराऊँ अतरो परेम किदो के, आपणाँ खुद ने मारा वाते दे दिदो।

गलातियों 6:14

मने परबू ईसू मसी की हूळी ने छोड़न ओरी दूजी कणी बात में मेपणो ने वेवे हे। काँके मूँ दनियाँ का नजर में अन दनियाँ मारा नजर में हूळी पे चड़ई तकी हे।

इपिसियों 1:11

परमेसर ज्यो कई करी आपणी मन की मरजी अन ते किदी तकी बात के जस्यान करी अन परमेसर आपाँने खुद का मकसद के जस्यानीस वाँके खुद की परजा बणबा का वाते ईसू मसी का हाते गट-जोड़ करन चुण्या हा, जिंने वणा पेल्याई ते कर मेल्यो हो।

इपिसियों 2:2

थाँ पेल्याँ दनियाँ का हूँगला नेमा पे चालता हा। अन वीं वादळा की आत्मिक सगत्याँ का राजा ने मानता हा, ज्यो आत्मा लोगाँ ने अबे परमेसर को मान ने करबा का वाते मजबूर करती ही।

इपिसियों 5:16

हाराई मोका ने हव तरियाऊँ काम में लो, काँके दन बोदा हे।

इपिसियों 5:2

मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

इपिसियों 6:12

काँके आपणो युद मनकाँऊँ कोयने पण आकास में रेबावाळा मोटा राजा, अदिकारियाँ, ईं अंदारा की दनियाँ में राज करबावाळी सगत्याँ अन हुगली आत्माऊँ हे।

फिलिपियों 4:20

आपणाँ बापू परमेसर की मेमा जुग-जुग तईं वेती रेवे। आमीन!

1 थिस्सुलुनिक्यों 1:3

बापू परमेसर का हामे थाँका विस्वास का काम ने, परेम का वाते घणी मेनत ने अन परबू ईसू मसी का पाच्छा आबा की थाँकी पाकी आस ने हमेस्यान आद करा हाँ।

1 थिस्सुलुनिक्यों 3:11

अबे आपणाँ बापू परमेसर अन परबू ईसू माकाँ वाते अस्यान को गेलो खोले के, माँ थाँकाऊँ आन मला।

1 थिस्सुलुनिक्यों 3:13

जणीऊँ वो थाँका हरदा ने अस्यान पाका करी के, जद्याँ आपणाँ परबू ईसू हाराई पुवितर मनकाँ का हाते आई तो थाँ बापू परमेसर का हामे निरदोस अन पुवितर वेवो।

2 थिस्सुलुनिक्यों 2:16

आपणाँ परबू ईसू मसी खुदई अन आपणाँ बापू परमेसर ज्यो आपाँने परेम, जुग-जुग की सान्ती अन हव आस दिदी हे,

1 तिमुतियूस 2:6

जणा आपणाँ खुदाखुद ने हाराई मनकाँ ने बंचाबा का वाते गारन्टी का रूप में दे दिदो, ताँके सई टेम पे ईं बात की गवई वे के, परमेसर हाराई ने बंचाणा छारिया हे।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

इब्रानियों 2:5

आबावाळी दनियाँ की ज्यो भी बाताँ आपाँ करा हा, वणापे राज करबा का वाते परमेसर हरग-दुताँ ने अदिकार कोयने दिदो हे।

इब्रानियों 6:5

अन परमेसर का हव बचन अन आबावाळा जुग की तागत को हवाद चाक लिदो हे।

इब्रानियों 9:14

आ बात हाँची हे तो मसी को लुई कतरो जोरावर वेई? जणी अनंत आत्माऊँ खुद ने निरदोस बली का रूप में हमेस्या वाते परमेसर के चड़ा दिदो। वींके अस्यान करबाऊँ अन वींके लुईऊँ आपाँने मोत का आड़ीऊँ लेन जाबावाळा करमाऊँ आपणाँ मन सुद कर करी, ताँके आपाँ जीवता परमेसर की सेवा कर सका।

याकूब 4:4

हो कुकरमी लोगाँ, कई थाँ ओ ने जाणो हो के, ईं दनियाऊँ भईच्यारो राकणो परमेसरऊँ दसमणी राकणी वेवे हे? ईं वाते जो दनियाऊँ भईच्यारो राके हे, वो खुद ने परमेसर को दसमण बणावे हे।

1 पतरस 2:24

वीं आपणाँ पापाँ ने खुद की देह पे लेन हूळी पे चड़ग्या, ताँके आपाँ पाप का वाते मरन धारमिकता का वाते जीवन जीवाँ, वींके मार खाबा के वजेऊँ थाँ हव व्या हो।

1 पतरस 3:18

काँके मसी भी आपणाँ पापाँ का वाते दुक जेल्यो हो। ईंको मतलब ओ हे के, वो निरदोस हो तो भी वो आपणाँ पाप का वाते एक दाण मरग्यो, जणीऊँ वो आपाँने परमेसर का नके ले जावे। वो देह का रूप में तो मरग्यो, पण आत्मिक रूप में जिवायो ग्यो हे।

1 यहुन्ना 2:2

वीं एक बलीदान का रूप में बेस आपणाँइस ने, पण हाराई मनकाँ का पाप ने धोवे हे।

1 यहुन्ना 3:16

ईसू मसी आपाँ वाते आपणाँ जीवन त्याग कर दिदो हो, ईं वजेऊँ आपाँ जाण सका हाँ के, परेम कई हे? ईं वाते आपाँने भी आपणाँ भायाँ वाते जान भी देणी का वाते त्यार रेणो छावे।

परकासितवाक्य 5:9

वीं एक नुवो गीत गाबा लागा हा के, “थाँ ईं किताब ने अन ईंपे लागी तकी मोराँ ने खोलबा जोगो हो, काँके थाँ बली चड़न थाँका लुईऊँ हाराई कुल का मनकाँ ने, हारी बोली बोलबावाळा ने, हारी जात्या का मनकाँ ने परमेसर वाते मोल लिदो हे।

परकासितवाक्य 7:9

ईंका केड़े में कई देक्यो के, मनकाँ का मोटी भीड़ हे जिंने कुई भी गण ने सके, वीं भीड़ में हारी जात्या का, हाराई कुल का, हारी बोली बोलबावाळा अन हाराई देसा का मनक हा, वीं वणी गादी अन उन्याँ का हामे ऊबा हा, वणा धोळा गाबा पेर मल्या हा अन हाताँ में खजुर की डाळ्याँ ले राकी ही।