गलातियों 1:24 - नुवो नेम (मेवड़ी नया नियम)

²⁴ वी मण्डली का मनक मारा बारा में जाणन परमेसर की मेमा करता हा।

गलातियों 1:24 Iomraidhean Croise

मत्ती 9:8

जद्याँ मनकाँ ओ देक्यो तो वीं दरपग्या अन परमेसर की मेमा करबा लागा के, जणा एक मनक ने अस्या अचम्बावाळा काम करबा को अदिकार दिदो हे।

मरकुस 2:12

वो ऊबो व्यो, तरत आपणो माचो तोक्यो अन वाँ हंगळा ने देकतईं देकता वो बारणे परोग्यो। यो देकन हारई जणा अचम्बा में पड़ग्या, अन वाँकाणी परमेसर की बड़ई किदी अन बोल्या, “माँकाणी अस्यी बात कटेई ने देकी।”

लूका 15:10

मूँ थाँकाऊँ केवूँ हूँ के, अणीस तरियाऊँ एक मन फेरबावाळा पापी का बारा में परमेसर का हरग-दुताँ का हामें आणन्द वेवे हे।”

लूका 15:32

पण, अबे आणन्द मना अन राजी वेणो छावे, काँके यो थाँरो भई ज्यो मरग्यो हो पाछो जीवतो वेग्यो हे, यो खुवाग्यो हो पण अबे पाछो लादग्यो हे।’ ”

लूका 2:14

“हरग में परमेसर की बड़ई अन धरती पे वाँ मनकाँ ने सान्ती मले, ज्याऊँ वो राजी हे।”

लूका 7:16

ईंपे वीं हाराई मनक दरपग्या अन परमेसर की जे-जेकार करबा लागा के, “आपणाँ बसमें एक मोटा परमेसर का आड़ीऊँ बोलबावाळो परगट व्यो हे।” अन केबा लागा के, “परमेसर आपणाँ लोगाँ की मदत करबा ने आग्या हे।”

थरप्या तका का काम 11:18

विस्वास्याँ जद्याँ ओ हुण्यो, तो वे छाना-माना वेग्या अन परमेसर की मेमा करता तका केबा लागा, “आ हव बात हे, परमेसर जो यहूदी ने वाँने भी पापऊँ मन बदलबा को अन नुवो जीवन पाबा को मोको दिदो हे।”

2 कुरिन्थियों 9:13

काँके थाँकी ईं सेवाऊँ वीं परमेसर ने मेमा देई, अन अणीऊँ ओ दिके हे के, थाँ मसी का हव हमच्यार ने मानन वींके गलेइस चालो हो अन वाँकी अन हाराई ने मदत करबा का वाते खुला मनऊँ दान देवो हो।

2 थिस्सुलुनिक्यों 1:10

ओ वीं दन वेई जद्याँ वो आपणाँ हाराई पुवितर मनकाँऊँ जतरा वींपे विस्वास करी मेमा अन आदर-मान लेवा आई। तो थाँ भी वाँका में भेळा वेवो, काँके माँ ज्यो हव हमच्यार थाँने बतायो हे, वींको थाँ विस्वास किदो हे।

2 थिस्सुलुनिक्यों 1:12

जणीऊँ आपणाँ परमेसर अन परबू ईसू मसी की दयाऊँ आपणाँ परबू ईसू को नाम थाँकामें मेमा पावे अन थाँ वींमें पावो।