गलातियों 1:23 - नुवो नेम (मेवड़ी नया नियम)

²³ पण वीं मारा बारा में हुण्या करता हाँ के, ज्यो पेल्याँ आपाँने हतातो हो, वो अबे मसी को हव हमच्यार हुणावे हे जिंने पेल्याँ वो नास करणो छारियो हो।

गलातियों 1:23 Iomraidhean Croise

थरप्या तका का काम 19:13

पण थोड़ाक यहूदी जाणकार, जो हरेक जगाँ जान हुगली आत्माने निकाळता हा, वीं भी ईंका वाते परबू ईसू को नाम लेता हा अन केता हा के “जणी ईसू को परच्यार पोलुस करे हे, वींका नामऊँ हुकम दूँ हूँ”।

थरप्या तका का काम 6:7

अस्यान परमेसर का बचन दन-दूणा रात चोगुणा फेलतारिया अन यरूसलेम में चेला की मण्डली हेलीऊँ हेली वेबा लागी, अन याजकाँ का नरई लोग ईसू पे विस्वास करबा लागग्या।

थरप्या तका का काम 9:13

हनन्या जबाव दिदो, “परबू, में ईं मनक के वाते नरई लोगाऊँ हुण्यो हे। यरूसलेम में थाँने मानबावाळा लोगाँ की लारे अणी जो भी बुरो किदो हो, वो हारोई में हुण्यो हे।

थरप्या तका का काम 9:20

पछे वो यहूदी परातना घर में पूगो अन तरत परच्यार करबा लागो के, “ईसू ईंस परमेसर को पूत हे।”

थरप्या तका का काम 9:21

जणी भी ओ हुण्यो, तो अचम्बा में पड़ग्या अन केबा लागा, “कई ओ मनक वोईस हे, जो यरूसलेम में ईसू का नाम पे भरोसो करबावाळा मनकाँ ने मारतो हो? कई ओ मनक अटे वाँ लोगाँ ने पकड़न बन्दी बणान मोटा याजकाँ के हामे लेजाबा के वाते ने आयो हो?”

थरप्या तका का काम 9:26

पछे जद्याँ वो यरूसलेम पूग्यो, तो वो चेला में भेळो वेबा वाते कोसीस करबा लागो। पण, वीं तो हारई जणा दरपग्या हा अन वाँने ओ भरोसो कोयने हो के, वो भी एक चेलो हे।

गलातियों 6:10

ईं वाते जटा तईं वे सके वटा तईं थाँ हाराई का हाते भलई करो अन खासतोरऊँ विस्वासी भई-बेना का हाते।