गलातियों 1:10 - नुवो नेम (मेवड़ी नया नियम)

¹⁰ कई अणीऊँ थाँने अस्यान लागे हे के, मूँ मनकाँ ने मानूँ हूँ कन यो के मूँ परमेसर ने मानूँ हूँ? कई मूँ मनकाँ खुस करणो छावूँ हूँ? यद्याँ मूँ अबाणू तई मनकाँ ने खुस करबा को काम करतो रेतो, तो मूँ मसी को दास ने वाजतो।

गलातियों 1:10 Iomraidhean Croise

मत्ती 22:16

ईं वाते फरीसी आपणाँ चेला ने हेरोदिया का गुट का थोड़ाक मनकाँ का हाते ईसू का नके खन्दाया अन वणा क्यो, “हो गरुजी, माँ जाणा हाँ के, थूँ हाँचो हे, अन परमेसर को गेलो हाँचऊँ हिकावे हे, अन किंकीई दरप ने राके हे, काँके थूँ मनकाँ को मुण्डो देकन बाताँ ने करे हे।

मत्ती 28:14

अन यद्याँ आ बात हाकम का नके जई, तो माँ वींने हमजा देवा अन थाँने अणी आपतऊँ बंचा लेवा।”

मत्ती 6:24

“कुई भी मनक एक लारे दो मालिकाँ की सेवा ने कर सके हे, काँके वो एकऊँ दसमणी अन दूजाऊँ लाड़ राकी कन एकऊँ मल्यो रेई अन दूजाँ ने बेकार जाणी। थाँ परमेसर अन धन-दोलत दुयाँ की सेवा एक हाते ने कर सको हो।

थरप्या तका का काम 12:20

वो सूर अन सेदा का मनकाँ पे घणो रिस्याँ बळतो हो। ईं वाते वे अगेटा व्या अन एक मन वेन वींऊँ मलबा आया। वाँकाणी राजा को खास मनक बलासतुस का नके जान वींने मनायो अन पछे वीं हेरोदेस नके जान हमजोता वाते क्यो, काँके वाँका देस में धान हेरोदेस का देसऊँ आतो हो।

थरप्या तका का काम 5:29

पतरस अन थरप्या तका जबाव दिदो, “आपणाँ ने मनकाँ की ने, पण परमेसर की आग्या मानणी छावे।

रोमियों 1:1

मूँ पोलुस ज्यो ईसू मसी को दास अन थरप्यो तको चेलो हूँ, परमेसर मने चुणन आपणाँ हव हमच्यार को परच्यार करबा वाते ठेरायो। यो कागद मूँ थाँ हाराई रोम में रेबावाळा मनकाँ का नाम लिकरियो हूँ, जीं परमेसर का लाड़ला हे अन पुवितर वेबा का वाते बलाया ग्या हे। आपणाँ बापू परमेसर अन परबू ईसू मसी का आड़ीऊँ थाँने करपा अन सान्ती मले। हव हमच्यार जिंको वादो परमेसर का आड़ीऊँ बोलबावाळा पेल्याई पुवितर सास्तर में किदो हो। यो हव हमच्यार परमेसर का बेटा का बारा में हे, ज्यो देह का भावऊँ तो दाऊद का बंस में जनम्यो हो। अन पुवितर आत्मा की पवितरताऊँ वींने मरिया तकाऊँ जीवतो करन तागत का हाते परमेसर को बेटो ठेरायो ग्यो अन ईंस ईसू मसी आपणाँ परबू हे। मसी का आड़ीऊँ परमेसर मने करपा अन थरप्यो तको चेलो बणबा को अदिकार दिदो हे के, धरती का हाराई मनकाँ के वाँपे विस्वास करबा में अन वाँकी हिक में चालबा का वाते आगेवाणी करूँ, जणीऊँ वाँके नाम की मेमा वेवे। थाँ ज्यो रोम में हो थाँ भी ईंमें आवो हो, थाँने परमेसर ईसू मसी का वेबा वाते बलाया हे।

रोमियों 2:29

पण हाँचो यहूदी वोईस हे, ज्यो मन में हे, अन हाँचो खतनो वोईस हे, ज्यो आत्माऊँ मन को खतनो हे, ने के, लिक्या तका नेमा को। अस्या मनकाँ की बड़ई मनकाँऊँ ने पण परमेसर का आड़ीऊँ वेवे हे।

रोमियों 2:8

पण दूजाँ ज्यो हवारती हे, हाँचने कोयने माने, पण बुरई करे हे, वाँका पे परमेसर को गुस्सो अन रीस पड़ी।

1 कुरिन्थियों 10:33

जस्यान मूँ हारी बाताँऊँ हाराई ने राजी राकूँ हूँ, अन आपणो ने पण दूजाँ को नफो देकूँ हूँ के, वीं बंचाया जावे, वस्यानीस थाँ भी करिया करो।

2 कुरिन्थियों 12:19

अबाणू तईं थाँ योईस होचरया हो के, माँ नरई दनाँऊँ खुद कोईस पकस लेरिया हाँ। पण माँ तो परमेसर का हामे मसी का दास वेन थाँने क्यो। हो मारा लाड़ला भायाँ, माँ ज्यो कई भी थाँने केरिया हाँ, वो थाँने आत्मिक रूपऊँ जोरावर बणाबा का वाते केरिया हाँ।

इपिसियों 6:6

मनकाँ ने खुस करबावाळा के जस्यान दिकाबा का वाते वाँकी सेवा-चाकरी ने करो, पण मसी का दास का जस्यान मनऊँ परमेसर की मरजी पे चालो।

फिलिपियों 1:1

ईसू मसी का दास पोलुस अन तिमुतियुस, फिलिपी नगर का हाराई मसी का गट-जोड़ में रेबावाळा परमेसर का पुवितर मनकाँ, मण्डली की देकरेक कराबावाळा अन काम में मदत करबावाळा ने ओ कागद लिकरिया हा।

कुलुसियों 3:22

ओ हाळयाँ, ज्यो दनियादारी में थाँका मालिक हे, वाँकी हारई बाताँ ने मान्याँ करो, मनकाँ ने खुस करबा वाते वींका हामेईस ने, पण हाँचा मनऊँ अन परमेसर की दरपणी का हाते मान्याँ करो।

1 थिस्सुलुनिक्यों 2:4

पण जस्यान परमेसर माँने ईं जोगा जाणन हव हमच्यार ने हुणाबा को काम हूँप्यो हे। माँ ईंने वस्यानीस हुणावा हा अन अस्यान करन माँ मनकाँने ने, पण परमेसर ने जीं हरदा ने परके हे वाँने राजी कराँ हाँ।

याकूब 4:4

हो कुकरमी लोगाँ, कई थाँ ओ ने जाणो हो के, ईं दनियाऊँ भईच्यारो राकणो परमेसरऊँ दसमणी राकणी वेवे हे? ईं वाते जो दनियाऊँ भईच्यारो राके हे, वो खुद ने परमेसर को दसमण बणावे हे।

1 यहुन्ना 3:9

ज्यो भी मनक परमेसर को बेटा बणग्यो हे, वो पाप में रेवे हे, काँके वींके मयने मसी वास करे हे। ईं वाते वो पाप करतो ने रेवे, काँके वो परमेसर को बेटो बणग्यो हे।