इपिसियों 6:19 - नुवो नेम (मेवड़ी नया नियम)

¹⁹ अन मारा वाते भी अरज करज्यो, ताँके जद्याँ मूँ बोलूँ वीं दाण परमेसर मने अस्यो बचन देवे के, मूँ हिम्मत राकन हव हमच्यार को भेंद बता सकूँ।

इपिसियों 6:19 Iomraidhean Croise

थरप्या तका का काम 13:46

पण पोलुस अन बरनबास बनाई दरप्या क्यो, “ओ जरूरी हे के, परमेसर का बचन सबऊँ पेल्याँ थाँने हूणावाँ, पण थाँकाणी वाँने नकारता तका खुद ने अमर जीवन जीबा के जोगा ने हमज्या। ईं वाते माँ अबे यहूदियाँ ने छोड़न जो यहूदी ने हे वाँका नके जारिया हा।

थरप्या तका का काम 14:3

वीं दुई जणा घणा दन तईं वटीस रिया अन बना दरप्याँ परबू की बाताँ ने बताता रिया, अन परबू वाँने तागत देन वाँकाऊँ अचम्बा अन हेन्याणी का काम करवान वाँका करपाऊँ भरया तका संदेसा को मान बड़ातो रियो।

थरप्या तका का काम 18:26

वो यहूदियाँ का परातना घर में बना दरप्या बोलतो हो। प्रिसकिल्‍ला अन अक्‍विला वींकी बाताँ ने हुणन वींने आपणाँ घरे लेग्या अन वणी वाँने परमेसर का गेला का बारा में एकदम सई तरियऊँ हमजाया।

थरप्या तका का काम 19:8

वो वटे यहूदियाँ का परातना घर में जान तीन मिना तईं बना दरप्या बचन बोलतो रियो, अन परमेसर का राज का बारा में बात-बच्यार करन लोगाँ ने हमजातो रियो।

थरप्या तका का काम 2:4

वीं हाराई जणा पुवितर आत्माऊँ भरग्या अन जस्यान पुवितर आत्मा की सामरत वाँने मली वीं तरे-तरे की बोली में बोलबा लागा।

थरप्या तका का काम 28:31

वो खुलेआम अन बना रोक-टोक परमेसर का राज को परच्यार करतो रियो अन परबू ईसू मसी की बाताँ हिकातो रियो।

थरप्या तका का काम 4:13

जद्याँ वणा पतरस अन यहुन्ना की हिम्मत देकी अन हमज्या के, वे दुई अणभण्या अन भला मनक हे। तो वाँने घणो अचम्बो व्यो। पछे वे जाणग्या के, ईं दुई ईसू की लारे रे चुक्या हाँ।

थरप्या तका का काम 4:29

अन अबे ओ परबू, थाँ वाँकी दरपावणी ने देको अन थाँका चेला ने बना दरप्या थाँरा बचन हुणाबा की सगती दो।

थरप्या तका का काम 4:31

जद्याँ वणा परातना कर लिदी, तो वाँ जगाँ जटे वे अगेटा व्या हाँ, हालगी। अन वे हारई पुवितर आत्माऊँ भरग्या अन परमेसर का वसना ने बना दरप्याई हुणाबा लागग्या।

थरप्या तका का काम 9:27

पण, बरनबास वींकी मदत करबा ने आयो अन वींने थरप्या तका का नके लेग्यो। वणी वाँने बतायो के, साउल परबू ने गेला में कस्यान देक्या अन परबू वींऊँ कस्यान बाताँ किदी ही अन पछे दमिसक में वे कस्यान हिम्मत राकन ईसू नाम में परच्यार किदो।

थरप्या तका का काम 9:29

वो युनानी भासा बोलबावाळा यहूदियाँऊँ बात-बच्यार करतो, पण वे वींने मारबा वाते ताकरिया हा।

रोमियों 15:30

हो मारा भायाँ, मूँ परबू ईसू मसी अन आत्मा का परेमऊँ थाँकाऊँ अरज करूँ हूँ, मारा वाते परमेसरऊँ परातना करता तका, मारी आत्मिक लड़ई में मने जेलो दो।

रोमियों 16:25

परमेसर की बड़ई वेवे। ईसू मसी का हव हमच्यार जिंको मूँ परच्यार करूँ हूँ, ईंके अन परमेसर को अबाणू परगट किदो ग्यो ईं भेंद जस्यान जिंको हाँच जुग-जुगऊँ हप्यो तको हे, वींके जस्यान परमेसर थाँने गाटा बणाबा में तागतवर हे।

1 कुरिन्थियों 1:5

थाँने ईसू मसी में वेन हारी बाताँ में जस्यान बोलबा में, हाराई ग्यान में पाका किदा ग्या हे।

1 कुरिन्थियों 2:7

पण आपाँ परमेसर का वीं भेद का ग्यान ने बतावा हा ज्यो मनकाँऊँ छाने हो, जिंने परमेसर सरुवातऊँ आपणाँ हाराई की मेमा का वाते ठेरायो हे।

1 कुरिन्थियों 4:1

माकाँ बारा में कणी मनक ने अस्यान होचणो छावे के, माँ मसी का दास हा। परमेसर के भेद की बाताँ का भण्डारी हा।

2 कुरिन्थियों 1:11

अन यद्याँ थाँ भी थाँकी परातना में माँने आद करन मदत किदी तो जीं मनक माकाँ वाते अरज करे हे के, माकाँ पे परबू की दया वे, अन परमेसर ज्यो माकाँ वाते किदो हे वींका वाते वणा मनकाँ ने भी धन्नेवाद देबा को मोको मल जाई।

2 कुरिन्थियों 3:12

आपाँ अणी नुवी आस का वजेऊँ बेधड़क वेन परच्यार कराँ हाँ।

2 कुरिन्थियों 6:11

हो कुरिन्थियाँ का लोगाँ माँ थाँकाऊँ खुलन बाताँ करा हा अन माँको मन थाँका वाते खुलो हे।

2 कुरिन्थियों 7:4

मूँ थाँका पे भरोसो करूँ हूँ। मने थाँका पे मेपणो हे। थाँ मने घणी हिम्मत दिदी अन माँकी दुक तकलिपाँ में भी मूँ थाँके वजेऊँ राजी-खुसी हूँ।

2 कुरिन्थियों 8:7

अन थाँ हारी बाताँ धनवान हो, जस्यान के विस्वास में, बोली में, ग्यान में, नरई तरियाऊँ भलई करबा में अन जणी परेम की हिक माँ थाँने दिदी ही, वीं परेम में थाँ पाका हो वस्यानीस थाँ अणी दान देबा का काम में भी बड़ता जावो।

इपिसियों 1:9

वाँका मरजी का राज ने आपणाँ में परगट किदो, जिंने ईसू मसीऊँ पूरो करबा का वाते वणा पेल्याइस खुसीऊँ ते कर लिदो हो।

इपिसियों 3:9

अन हाराई पे परमेसर का राज की ओजणा ने परगट करूँ, ज्यो हारई चिजाँ ने बणाबावाळा परमेसर ठेटऊँ छाने राक्यो हो,

कुलुसियों 2:2

मूँ यो ईं वाते करूँ हूँ, ताँके वाँका मन ने हिम्मत मले अन थाँ आपस में परेमऊँ बन्द जावो, जणीऊँ थाँ पुरी हमजऊँ हारोई धन पा लेवो अन बापू परमेसर का भेदऊँ भररियो हाँच ने, मतलब ईसू मसी ने जाण ले।

कुलुसियों 4:3

अन ईंका हातेई हाते माकाँ वाते भी परातना करता रेवो के, परमेसर माँके परच्यार करबा को अस्यो गेला खोल देवे के, माँ मसी का वीं भेद को बखाण कर सका। अन परच्यार करबा के मस मूँ जेल में बन्द हूँ।

1 थिस्सुलुनिक्यों 2:2

थाँ ओ भी जाणो हो के, थिस्सुलुनिक्यों आबाऊँ पेल्याँ फिलिप्पी नगर में माँ दुक उटायो अन बेजत व्या, पछे भी माँने परमेसर का आड़ीऊँ अस्यान की हिम्मत मली के, थाँने हव हमच्यार हूणावाँ।

1 थिस्सुलुनिक्यों 5:25

हो भायाँ-बेना, मारा वाते भी अरज करिया करज्यो।

2 थिस्सुलुनिक्यों 3:1

हो विस्वासी भायाँ, माकाँ वाते भी परातना करता रेज्यो, जणीऊँ परबू को हव हमच्यार जस्यान थाँका बचमें फेलरियो हे, वस्यानीस हाराई लोगाँ में बना रकावटऊँ हेलो फेले अन आदर-मान पावे।

1 तिमुतियूस 3:16

कुई ने नट सके के, आपणाँ धरम को भेद कस्यो मोटा हे, वो ज्यो मनक का रूप में परगट व्यो, पुवितर आत्मा जिंने धरमी बतायो, अन हरग-दुत जिंने देक्यो, देसा देसा में वींको परच्यार करियो ग्यो, दनियाँ में वींपे विस्वास करियो ग्यो, अन मेमावान हरग में उठा लिदो ग्यो।

फिलेमोन 1:22

एक ओरी बात हे, मारा वाते एक ओवरो त्यार राक, मने आस हे के, थाँकी परातनाऊँ मूँ थाँका नके पाछो जट आ जाऊँ।

इब्रानियों 13:18

माकाँ वाते परातना करता रेवो, काँके माँने भरोसो हे के, माँकी अंतर-आत्मा सुद हे। अन माँ हारी बाताँ में बड़िया चालचलन छावाँ हा।