इपिसियों 5:6 - नुवो नेम (मेवड़ी नया नियम)

⁶ कुई थाँने फोगट की बाताँऊँ धोको ने दे, काँके ईं कामाँ का मस परमेसर की रीस वींकी आग्या ने, ने मानबावाळा पे भड़के हे।

इपिसियों 5:6 Iomraidhean Croise

मत्ती 24:24

मूँ ओ केवूँ हूँ काँके जूटा मसी अन जूटा मनक परमेसर का आड़ीऊँ बोलबा का वाते ऊबा वेई अन अस्या अस्या नरोगा हेन्याण बताई अन अचम्बावाळा काम केरी के, वीं चुण्या तका ने भी भटका देई।

मत्ती 24:4

ईसू वाँने क्यो, “हूँस्यार रेवो, कुई थाँकाऊँ छळ ने कर लेवे,

मरकुस 13:22

काँके जूटा मसी अन जूटा मनक परमेसर का आड़ीऊँ बोलबावाळा आई। वे अस्या अस्या गजब का परच्या बतई अन अस्या अचम्बा में नाकबा का काम करी के, वे सके तो वे परमेसर का चुण्या तका लोगाँ ने भी डापा में नाक देई।

मरकुस 13:5

ईं बात पे ईसू क्यो, “हूँस्यार रेवो, कुई थाँकाऊँ छळ ने कर लेवे।

रोमियों 1:18

परमेसर की रीस हरगऊँ वणा मनकाँ का हरेक पाप अन बुरई का हामे परगट वेवे हे, जीं हाँच ने बुरईऊँ दबान राके हे।

कुलुसियों 2:18

कुई मनक दया को दिकावो करन हरग-दुताँ की पुजा करन थाँने थाँका फळऊँ छेटी ने कर दे। अस्यान मनक देकी तकी बाताँ में लाग्या तका रेवे, अन आपणी दनियादारी की हमज ने बेकार में फुलावे अन बड़ावे हे।

कुलुसियों 2:4

यो मूँ थाँने ईं वाते केवूँ के, “कुई मनक थाँने हव हव बाताँ करन धोको ने दे देवे।”

कुलुसियों 2:8

हूँस्यार रेज्यो, कुई थाँने अकलऊँ अन धोकाऊँ आपणाँ गुलाम ने बणा ले, ज्यो मनकाँ का रिति-रिवाजऊँ अन दनियाँ की बाताँ के जस्यान तो हे, पण ईसू मसी के जस्यान कोयने।

कुलुसियों 3:6

अणा हाराई कामाँ मस, परमेसर को कोप वींने ने मानबावाळा पे भड़के हे।

2 थिस्सुलुनिक्यों 2:3

काँके वो दन जद्याँ तईं ने आवे तद्याँ तईं आकरी विरोद ने जावे अन पाप को मनक परगट ने वे जावे, जिंने परमेसर नास करी, ईं वाते किंके भी अन किंकी ठग-वद्‍याँ में मती आ जाज्यो।

इब्रानियों 13:9

अलग अलग तरियाँ का अणजाणी हिकऊँ भटको मती, काँके थाँका मन का वाते यो हव के, वो खाबा-पिबा की नेमा का बजाए दयाऊँ मजबूत बणे। अन जणा खाबा-पिबा का नेमाने मान्याँ वणाऊँ वाँको कदी भलो कोनी व्यो।

इब्रानियों 3:19

ईं तरियाँ आपाँ देका हा के, वीं आपणाँ बना विस्वास के मस, रईम्बावाळी जगाँ में ने जा सक्या।

1 पतरस 2:8

अन वो “अस्यान को भाटो बणग्यो, जणीऊँ लोगाँ ने ठेस लागे। अन ठोकर खाबा वाते एक छाँट के जस्यान बणग्यो।” काँके वीं तो बचन ने मानन ठोकर खावे हे अन योईस वाँका वाते ठेरायो भी ग्यो हे।

1 यहुन्ना 4:1

हो मारा प्यारा भायाँ, हरेक आत्मा को विस्वास मती करो, पण हरेक आत्माने परको के, वाँ परमेसर का आड़ीऊँ हे के ने। मूँ यो थाँकाऊँ ईं वाते केरियो हूँ, काँके नरई जूटा परमेसर का आड़ीऊँ बोलबा ईं दनियाँ में हे।