इपिसियों 5:3 - नुवो नेम (मेवड़ी नया नियम)

³ थाँ तो परमेसर का मनक हो, ईं वाते थाँकामें कुकरम, कणी तरिया का हूँगला काम अन लोब-लाळच अस्सी बाताँ का बात-बच्यार भी थाँका बचमें ने वेणो छावे।

इपिसियों 5:3 Iomraidhean Croise

मत्ती 15:19

काँके मनऊँ खराब बच्यार, हत्या, पराई लगाई का हाते हूँगला काम, कुकरम, चोरी, जूटी गवई अन परमेसर की बुरई निकळे हे।

लूका 12:15

अन वणा ओरी भी क्यो, “हेंचेत रेवो अन हारी तरियाँ का लोब-लाळचऊँ आपणाँ खुद ने बचान राको, काँके कणी को जीवन वींकी धन-दोलतऊँ बड़न ने वेवे हे।”

लूका 16:14

जद्याँ फरीसी जी धन का लोबी हा, वणा ईं हारी बाताँ हूणी, तो ईसू की रोळ करबा लागग्या।

थरप्या तका का काम 15:20

पण वाँने आपाँ ओ लिकीन खन्दावाँ के, थाँ मूरताँ पे चड़ई तकी चिजाँ ने मत खाज्यो अन कूकरमऊँ छेटी रेज्यो, गळो मरोड़िया तका को माँस ने खावो, अन लुई ने पीजो।

थरप्या तका का काम 20:33

में कणी भी मनक की चाँदी अन होना अन गाबा को लाळच ने किदो।

रोमियों 1:29

अन वीं हाराई तरिया का अधरम, बुरई, लोब, बुरी आदत, रिस्याँ बळणो, हत्या, लड़ई, धोको, बुरी भावना अन आमी-हामीऊँ भरग्या।

रोमियों 16:2

के, थाँ वींकी ईं तरियाऊँ आवभगत करज्यो, जणी तरियाऊँ परमेसर का मनकाँ की किदी जावे हे। वींने थाँकाऊँ ज्या भी मदत छावे, वाँ मदत वींने दिज्यो, काँके वणी घणा मनकाँ की मदत किदी अन मारी भी मदत किदी।

रोमियों 6:13

थाँका देह का अंग ने अधरम का सादन वेबा वाते पाप का हाताँ में मती दिज्यो, पण मरिया तका मेंऊँ जी उटबावाळा के जस्यान परमेसर का हाताँ में दिज्यो। अन थाँकी देह का अंगा ने धारमिकता का सादन वेबा वाते परमेसर ने हूँप दो।

1 कुरिन्थियों 10:8

अन ने आपीं कुकरम कराँ, जस्यान के वणा मूँ नरई किदो हो, अणीऊँस वाँका मूँ एक दन में तेईस हजार मरग्या हाँ।

1 कुरिन्थियों 5:1

हाँची में मने बतायो ग्यो हे के, थाँ लोगाँ में कुकरम फेल्यो तको हे, अस्यो कुकरम ज्यो अधरम्याँ में भी ने मले हे के, एक मनक आपणी सोतेली बई का लारे कुकरम करे हे।

1 कुरिन्थियों 6:13

क्यो जावे हे के, “खाणो पेट का वाते अन पेट खाणा का वाते हे।” पण परमेसर अणा दुयाँ ने खतम कर देई अन देह कुकरम का वाते ने हे, पण परबू की सेवा का वाते हे अन देह का वाते परबू वेवस्ता करे हे।

1 कुरिन्थियों 6:18

कूकरमऊँ बंचन रेवो, काँके जतरा ओरी पाप मनक करे हे, वीं देहऊँ बारणे हे, पण कुकरम करबावाळा आपणी देह का विरोद मेंईस पाप करे हे।

2 कुरिन्थियों 12:21

मने आ भी दरपणी लागे हे के, जद्याँ मूँ थाँकाऊँ मलबा आऊँ तो थाँका हामे मारो परमेसर मने हरमा ने मारे। मने वाँका वाते ज्यो पेल्याँ पाप किदो हो जस्यान कुकरम, हूगळोपणो अन भोग-विलास में जीव जियो हो अन आ बाताँ ने करबा का केड़े भी वीं आपणाँ मन ने ने फेरिया, वाँ वाते रोणो ने पड़े।

इपिसियों 5:12

काँके अस्या काम ज्याँने वीं छाने करे हे वाँ काम का बारा में बात करणी भी हरम की बात हे।

इपिसियों 5:5

थाँने ओ जाणणो हे के, कुकरमी, हूँगला मनक, अन लोबी मनक ज्यो मूरत पुजा करबावाळा का जस्यान हे अस्या मनकाँ का वाते मसी अन परमेसर का राज में बापोती कोयने हे।

फिलिपियों 1:27

थाँ थाँको जीवन मसी का हव हमच्यार के जोगो जियो, ताँके यद्याँ मूँ आन थाँने देकूँ कन ने देकूँ पण थाँका बारा में मूँ ओ हुण सकूँ के, थाँ एक मन अन एक मकसदऊँ अटल रेन हव हमच्यार का विस्वास का वाते कल्ड़ी मेनत कररिया हो।

कुलुसियों 3:5

ईं वाते थाँ कुकरम, हूँगला पणो, बुरी वासना, हुगली मरजी, लोब-लाळच ज्यो मूरत पुजा का जस्यान को हे, अस्यान का दनियादारी का गुण ने आपणाँ मेंऊँ मार दो।

1 थिस्सुलुनिक्यों 4:3

परमेसर ओईस छावे हे के, थाँ पुवितर बणो अन कूकरमऊँ बचन रेवो।

1 थिस्सुलुनिक्यों 4:7

परमेसर आपाँने हूँगला वेबा का वाते ने पण पुवितर वेबा का वाते बलाया हे।

1 तिमुतियूस 2:10

अस्यान की लुगायाँ ज्यो खुद ने परमेसर की दासी माने हे, वणा वाते योईस हव हे के, वीं खुद ने भला कामाँऊँ सजावे।

1 तिमुतियूस 3:3

वो दारू पियावाळो ने वेवे, लड़ई-जगड़ो करबावाळो ने वेवे, पण दयाऊँ भरियो तको अन सान्तीऊँ रेबावाळो वेणो छावे, वींको मन रिप्या-कोड़ी में ने वेवे।

1 तिमुतियूस 6:10

काँके रिप्या-कोड़ी को लाळच हारी बुरई की जड़ हे। घणा मनक रिप्या-कोड़ी का चकर में, विस्वासऊँ मुण्डो फेरन घणा दुक मोल ले लिदो हे।

2 तिमुतियूस 3:2

काँके मनक मतलबी, लोबी, मेपणा करबावाळा, फाकलेट अन बेजत करबावाळा, आपणाँ बई-बापू को क्यो ने करबावाळा, दया ने करबावाळा, अधरमी वेई।

तीतूस 1:11

ओ जरूरी वेग्यो हे के, वाँको मुण्डो बन्द किदो जावे, जीं ईं गलत बाताँ हिकान विस्वास्याँ का घर ने बगाड़रिया हे अन ईं हाराई नीचपणाऊँ रिप्या-कोड़ी कमावा का चकर में अस्यान करता रेवे हे।

तीतूस 1:7

परमेसर का काम ने आपणाँ हाताँ में लेबा का वाते एक मण्डली का परदानाँ में ओ जरूरी हे के, वींमें एक भी खोट ने वेणी छावे। वीं ने तो घमण्डी वेवे, ने फटाकऊँ गुस्सो करबावाळा वेवे, नेईं पियावाळा, ने लड़ायाँ करबावाळा अन नेई रिप्या-कोड़ी का लालची वेवे।

तीतूस 2:3

अस्यानीस भूड़ी लुगायाँ ने भी खरो जीवन जीवावाळी लुगायाँ की जस्यान जीवन जीणो छावे। वीं आमी-हामी करबावाळी अन पीयावाळी ने वेवे, पण हव हिक देबावाळी वेवे,

इब्रानियों 12:16

देको कुई भी कुकरम ने करे अन वीं एसाव के जस्यान परमेसरऊँ छेटी ने जावे ज्यो पाटवी बेटो हो अन उतरादिकार पाबा को अदिकार हो, पण वणी बेस एक दाण का खाणा का वाते वो पद बेंच दिदो।

1 पतरस 5:2

मूँ थाँने हमजाऊँ हूँ के, परमेसर की मडळी ज्याँ थाँकी देक-रेक में हे वींकी रुकाळी करो। ओ काम किंकई दबाव में आन मती करो पण परमेसर की मरजीऊँ राजी वेन करो। धन का लाळच की वजेऊँ ओ काम मती करो, पण मन लगान यो काम करो।

2 पतरस 2:10

अन परमेसर खासकर वणा मनकाँ ने दण्ड देई, जीं बुरी मनसा का गेले चालन देह का जस्यान चाले हे अन परमेसर की माहनताऊँ नपरत करे हे। अस्यान का मनक बेकार अन टगीला हे अन ईं हरग की ताकता को भी अपमान करबाऊँ भी ने दरपे हे।

2 पतरस 2:3

वीं लाळच की वजेऊँ थाँने दिकावटी बाताँ बोलन थाँकाऊँ धन कमाई। वाँको दण्ड तो पेल्याँऊँ परमेसर ते कर मेल्यो हे अन वाँको नास वाँकी वाट नाळरियो हे।

परकासितवाक्य 2:14

कई भी वे मने थाँरा विरोद में थोड़ीक बात केणी हे। थाँरी मण्डली में अस्यान का थोड़ाक मनक हे ज्यो बिलाम की हिक पे चाले हे। काँके बिलाम बालाक ने हिकायो हो के, वो इजराएली मनकाँ ने मूरत पे चड़ायो तको चड़ावो खाबा अन कुकरम करबा का वाते उकसावे।

परकासितवाक्य 2:21

में वींने मन फेरबा को मोको दिदो हो, पण वणी आपणाँ मन ने कूकरमऊँ ने फेरयो।

परकासितवाक्य 21:8

पण दरपण्या अन बना विस्वासवाळा, भरस्ट, हत्यारा अन कुकरमी, जादु-टोना करबावाळा, मूरती पुजबावाळा, अन हाराई जूट बोलबावाळा को भाग वीं कुण्ड में मली ज्यो हमेस्यान बळतो रेवे हे। या दूजी मोत हे।”

परकासितवाक्य 22:15

पण जादु-टोना करबावाळा, कुकरमी, हत्यारा, मूरती पुजबावाळा, अन हरेक तरियाऊँ जूट पे चालबावाळा, जूटऊँ परेम करबावाळा ईं अड़क्या गण्डकड़ा का जस्यान हे अन ईं हाराई नगरऊँ बारणे पड़्या रेई।

परकासितवाक्य 9:21

अन वणा आपणाँ मन ने हत्या, जादु-टोना, कुकरम, चोरी जो वीं करता हा, वणीऊँ भी ने बदल्यो।