इपिसियों 5:2 - नुवो नेम (मेवड़ी नया नियम)

² मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

इपिसियों 5:2 Iomraidhean Croise

मत्ती 20:28

जस्यान के मनक को पूत ईं वाते ने आयो के, वींकी सेवा-चाकरी किदी जावे पण ईं वाते आयो के, नरई ने छुड़ाबा का वाते आपणी जीव देवे।”

यहुन्ना 13:34

मूँ थाँने एक नुवी आग्या देरियो हूँ के, एक-दूजाऊँ परेम राको। जस्यान में थाँकाऊँ परेम किदो वस्यानीस थाँ भी एक-दूजाऊँ परेम राको।

यहुन्ना 6:51

जीवन की रोटी जा हरगऊँ उतरी हे वाँ मूँईस हूँ। यद्याँ कुई अणी रोटी ने खाई, तो वीं हमेस्यान जीवता रेई अन ज्या रोटी मूँ दनियाँ का जीवन का वाते देवूँ, वाँ मारी देह हे। अणीऊँस दनियाँ का मनक जीवता रेवे हे।”

रोमियों 15:16

काँके जी यहूदी ने हे, वाँ मनकाँ का वाते ईसू मसी को दास वेन, मूँ परमेसरऊँ मल्या तका हव हमच्यार को परच्यार करबा का वाते मूँ एक याजक की जस्यान काम करूँ हूँ, जणीऊँ वीं मनक भी परमेसर के चड़बा जोगी भेंट बण सके अन पुवितर आत्मा के जरिये परमेसर का वाते पुरी तरियाँ पुवितर बणे।

रोमियों 4:25

ईसू ने आपणाँ पाप का वाते मरबा दिदो ग्यो अन आपाँने धरमी बणाबा का वाते मरिया तकाऊँ पाछो जिवायो ग्यो।

रोमियों 8:3

काँके ज्यो काम नेम मनकाँ का पापी हाव-भाव का मस कमजोर वेन ने कर सक्या, वो काम परमेसर किदो, मतलब ओ के, परमेसर आपणाँ बेटा ने आपणी जस्यान पाप की देह में आपणाँ पाप का वाते बली वेबा का वाते खन्दायो। जणीऊँ वो पापी देह में पाप ने दण्ड दिदो।

रोमियों 8:37

अणा हारी बाताँ में माँकाऊँ परेम करबावाळा की वजेऊँ माँ जीतबावाळाऊँ भी बड़कर हा।

1 कुरिन्थियों 16:14

थाँ ज्यो कई भी करो वो परेमऊँ करज्यो।

1 कुरिन्थियों 5:7

ईं वाते थाँ जूना हाज्या ने निकाळन ज्यो बुरा काम हे अणाऊँ, आपणाँ खुद ने पुवितर करो अन नुवो गुद्‍या तको आटो बण जावो, ताँके थाँ बना हाज्या का वो, काँके आपणाँ फसे को उन्यो ज्यो मसी हे, आपाँने पुवितर करबा का वाते बली व्यो हे।

2 कुरिन्थियों 2:14

परमेसर को धन्नेवाद वे ज्यो आपाँने मसी की वजेऊँ जीतावे हे अन खुद का ग्यान की हव बाना ने आपणाँऊँ हारी जगाँ फेलावे हे।

2 कुरिन्थियों 2:15

ज्यो नास वेरिया हे अन ज्यो बंचाया जारिया हे, वाँका बचमें आपाँ धुप की हव बाना का जस्यान हाँ, ज्या मसी परमेसर ने चड़ावे हे।

2 कुरिन्थियों 8:9

काँके थाँ आपणाँ परबू ईसू मसी की दया ने तो जाणोइस हो अन थाँ ओ भी जाणो हो के, वीं अमीर वेता तका भी थाँका वाते गरीब बणग्या। जणीऊँ वाँकी गरीबीऊँ थाँ अमीर वे जावो।

गलातियों 1:4

ईसू मसी आपणाँ पापाँ का वाते खुद ने बली वेबा का वाते हूँप दिदो, काँके बापू परमेसर की मरजी ही के, आपाँने अणी दनियाँ का पापाऊँ छेटी राके।

गलातियों 2:20

मूँ अबे जीवतो कोयने हूँ, पण मूँ ईसू मसी में जीवतो हूँ अन मूँ अणी देह में जीवतो हूँ तो बेस ईसू पे विस्वास करबा का मस जीवतो हूँ, ज्यो परमेसर को बेटो हो अन वणी माराऊँ अतरो परेम किदो के, आपणाँ खुद ने मारा वाते दे दिदो।

इपिसियों 1:4

जस्यान के, वाँकाणी अणी दनियाँ ने बणाबाऊँ पेल्याऊँ मसीऊँ गट-जोड़ करन आपाँने चुण लिदा, ताँके आपीं वणा की नजरा में पुवितर अन बना दोस का बण्या तका रेवा।

इपिसियों 3:17

अन विस्वासऊँ मसी थाँका हरदा में बसे अन थाँकी जड़ा अन नीम परेम में धस जावे।

इपिसियों 3:19

अन मसी का वीं परेम ने जान सको, ज्यो हाराई ग्यानऊँ बारणे हे, जणीऊँ थाँ परमेसर का हारई गुणऊँ भर जावो।

इपिसियों 4:15

पण माँकाणी परेम का हाते हाँचा बोलता तका हारई तरियाऊँ मसी ज्यो मातो हे जिंको मतलब मण्डली को मुक्यो, वींमें वदता जावाँ।

इपिसियों 4:2

ईंको मतलब दीनता अन नरमाई का हाते सेण करबा की तागत राकन परेमऊँ एक दूजाँ ने सेण करो।

इपिसियों 5:15

ईं वाते ध्यानऊँ देको के, कस्यी चाल चालो हो, बना ग्यान का जस्यान ने पण अकलमन्दा का जस्यान चालो।

इपिसियों 5:25

ओ धण्या, जस्यान मसी मण्डळीऊँ परेम राकन, वींने पाणी अन वसनऊँ धोन पुवितर बणाबा का वाते आपणाँ खुद ने बली कर दिदो। वस्यानीस थाँ भी आपणी-आपणी लुगायाऊँ परेम राको।

फिलिपियों 4:18

थाँ ज्यो खन्दायो हो वो मने मल्यो हे, वो मारा वाते नरोई हे। अबे ज्यो कई छारियो हे वो मारा नके हे। थाँ ज्यो खन्दायो हो इपापरदितुस मने दिदो हे। ईं चिजाँ परमेसर ने हव लागबा वाळी बली का जस्यान हे अन अणाने वीं माने हे अन अणीऊँ वीं राजी हे।

कुलुसियों 3:14

अणा हारी बाताँ का ऊपरे परेम ने धारण करलो, काँके परेमईस हे ज्यो यो अणा हारी बाताँ ने हव तरियाऊँ भेळी करन राके हे।

1 थिस्सुलुनिक्यों 4:9

भईचारा का परेम का बारा में मने लिकबा की कई जरूत ने हे, काँके ईंका बारा में थाँ खुद परमेसरऊँ हिक लिदो हे के, कस्यान एक-दूजाऊँ परेम राकणो छावे।

1 तिमुतियूस 2:6

जणा आपणाँ खुदाखुद ने हाराई मनकाँ ने बंचाबा का वाते गारन्टी का रूप में दे दिदो, ताँके सई टेम पे ईं बात की गवई वे के, परमेसर हाराई ने बंचाणा छारिया हे।

1 तिमुतियूस 4:12

थने किंका भी हामे रेटे ने देकणो पड़ी, काँके थूँ मोट्यार हे, पण बोली-चाली, चालचलन, परेम-भाव, विस्वास अन खरई में थूँ विस्वास्याँ का हामे नमुनो बणजा।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

इब्रानियों 8:3

हरेक मायाजक ने ईं वाते चुण्यो जावे हे के, वो भेंट अन बली दुई चड़ावे। अन ईं वाते अणी मायाजक का वाते भी ओ जरूरी हे के, वींका नके भी चड़ाबा का वाते कई वेवे।

इब्रानियों 9:14

आ बात हाँची हे तो मसी को लुई कतरो जोरावर वेई? जणी अनंत आत्माऊँ खुद ने निरदोस बली का रूप में हमेस्या वाते परमेसर के चड़ा दिदो। वींके अस्यान करबाऊँ अन वींके लुईऊँ आपाँने मोत का आड़ीऊँ लेन जाबावाळा करमाऊँ आपणाँ मन सुद कर करी, ताँके आपाँ जीवता परमेसर की सेवा कर सका।

इब्रानियों 9:23

ईं वाते ओ जरूरी हे के, जीं चिजाँ हरग का नकल का रूप में हे, वाँने जनावराँ का बलीऊँ पुवितर करणी छावे। पण हरग की चिजाँ तो अणाऊँ ओरी बड़िया बलीऊँ पुवितर किदी जावे हे।

इब्रानियों 9:26

यद्याँ अस्यान वेतो तो दनियाँ का रचनाऊँ लेन वींने आकोदाण दुक जेलणो पड़तो, पण अबे जुग का अन्त में वो एकीस दाण परगट व्यो हे, ताँके आपणाँ बलीदानऊँ पाप ने छेटी कर दे।

1 पतरस 4:8

हाराऊँ बड़िया बात आ हे के, एक-दूजाऊँ हाँचो परेम राको, काँके परेम नरई पापाँ ने धो देवे हे।

1 यहुन्ना 3:16

ईसू मसी आपाँ वाते आपणाँ जीवन त्याग कर दिदो हो, ईं वजेऊँ आपाँ जाण सका हाँ के, परेम कई हे? ईं वाते आपाँने भी आपणाँ भायाँ वाते जान भी देणी का वाते त्यार रेणो छावे।

1 यहुन्ना 3:23

अन परमेसर को आदेस ओ हे के, आपाँ परमेसर का बेटा ईसू मसी का नाम पे विस्वास कराँ अन जस्यान ईसू आदेस दिदो हे के, आपीं एक-दूजाऊँ परेम करा।

परकासितवाक्य 5:9

वीं एक नुवो गीत गाबा लागा हा के, “थाँ ईं किताब ने अन ईंपे लागी तकी मोराँ ने खोलबा जोगो हो, काँके थाँ बली चड़न थाँका लुईऊँ हाराई कुल का मनकाँ ने, हारी बोली बोलबावाळा ने, हारी जात्या का मनकाँ ने परमेसर वाते मोल लिदो हे।