इपिसियों 4:24 - नुवो नेम (मेवड़ी नया नियम)

²⁴ अन थाँ नुवा चालचलन ने पेरलो, ज्यो परमेसर का गुण का जस्यान रच्यो ग्यो हे अन ज्यो हाँची में पुवितर अन परमेसर का हामे सई हे।

इपिसियों 4:24 Iomraidhean Croise

लूका 1:75

अन आपीं आपणी हारी जीवन में वाँका हामे पुवितर अन धरमी बण्या तका रेवा।

यहुन्ना 17:17

हाँचऊँ वाँने पुवितर करन थाँरी सेवा का वाते त्यार कर। थाँका बचन हाँचा हे।

रोमियों 12:2

अबे ओर ईं दनियाँ का गेला पे मती चालो, पण थाँका मना ने नवा करन खुद ने बदल लेवो, जणीऊँ थाँ परमेसर की मरजी ने परको अणजाण सको हे, मतलब ज्यो हव अन ज्यो वींने भावे हे अन ज्यो सिद हे।

रोमियों 13:12

रात वेबावाळी हे अन दन उगबावाळो हे। ईं वाते आवो, अंदारा का काम करणा छोड़ दा अन लड़बा का वाते उजिता का हत्यार लीला।

रोमियों 13:14

पण परबू ईसू मसी का हाव-भाव ने धारण करलो, अन आपणाँ पापी वेवार ने अन मन की मरजी ने काबू में राको।

रोमियों 6:4

तो वींकी मोत को बतिस्मो लेबाऊँ आपाँ भी वींके हातेईस गाड़्या ग्या हा, ताँके जस्यान परमेसर की मेमा की तागत का मस मसी ने मरिया तकाऊँ जिवाया हा वस्यानीस आपाँ भी एक नुवो जीवन जीवाँ।

रोमियों 7:6

पण अबे आपाँने नेमाऊँ छुटकारो मलग्यो हे। काँके जणा नेमा को आपणाँ पे हक हो, वींका वाते आपाँ मरग्या हा। ताँके पुराणा लिक्या तका नेमाऊँ ने, पण आत्मा की नुवी रितऊँ परमेसर की सेवा करा।

रोमियों 8:29

जिंने वणा पेल्याईं चुण्या, वाँने वणी आपणो बेटा का जस्या बणाबा का वाते ते किदो, जणीऊँ नरई भायाँ मेंऊँ वो पेली पतो का बणे।

1 कुरिन्थियों 15:53

काँके ईं नास वेबावाळी देह को नास ने वेबावाळी देह में बदलणो जरूरी हे अन आ मरबावाळी देह ने ने मरबावाळी देह में बदलणो जरूरी हे।

2 कुरिन्थियों 3:18

जद्याँ आपाँ उगाड़ा मुण्डाऊँ काँस का जस्यान परबू की चमक को चलको पाड़ा हाँ, तो आपाँ भी वींके जस्यान वेबा लागा हाँ अन वाँ चमक आपाँ में ओरू भी हेलीऊँ हेली वेबा लागे हे अन आ चमक भी परबू का आड़ीऊँइस आवे हे, मतलब आत्माऊँ।

2 कुरिन्थियों 4:16

जद्याँ के आपाँ देह कमजोर वेती जारी हे, तद्याँ भी आपाँ निरास ने वेवा हाँ काँके आपणी अंतर-आत्मा नुवी वेती जारी हे।

2 कुरिन्थियों 5:17

ईं वाते अबे ज्यो भी मसी में हे, वो परबू की नुवी रचना हे। पुराणी बाताँ परीगी हे अन अबे हारोई नुवो वेग्यो हे।

गलातियों 3:27

अन थाँकामूँ जतरा ईसू मसी में बतिस्मो लिदो हे वणा हाराई ईसू मसी ने मान लिदा हे।

गलातियों 6:15

काँके ने खतना करबा को नफो हे अन ने खतनो ने कराबा को नफो हे, नफो हे तो बेस नुवी रचना को हे।

इपिसियों 2:10

काँके आपीं वींका बणाया ग्या हा अन ईसू मसी का गट-जोड़ऊँ वणा भला कामाँ वाते बणाया ग्या हाँ ज्याँने परमेसर पेल्याई आपणे करबा का वाते त्यार किदा।

इपिसियों 2:15

वणा मूसा का नेम अन वींका काण-कायदा का हाते मटा दिदा हे ताँके वो दुयाँ ने आपणाँ गट-जोड़ऊँ एक नुवो मनक बणावे अन मेल-मिलाप करे।

इपिसियों 6:11

परमेसर का हाराई हत्यार बांद लो, ताँके थाँ सेतान की चाल को सामनो कर सको।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

इब्रानियों 1:8

पण आपणाँ बेटा का बारा में केवे हे के, “हो परमेसर, थाँकी गादी हमेस्यान रेई, थाँ थाँका राज का मनकाँ पे न्याव का हाते राज करो।

इब्रानियों 12:14

हाराई का हाते सान्ती का हाते रेवा वाते अन पुवितर वेबा का वाते हरेक तरियाऊँ कोसीस करता रेवो। काँके बना धारमिकता के कुई भी परबू का दरसण ने कर सकी।

1 पतरस 2:2

जस्यान नुवो जनम लिदो तको बाळक माँ का खरा दूद की मनसा करे हे वस्यानीस थाँ आत्मिक दूद की मनसा राको, जणीऊँ थाँकी आत्मिक बड़ोतरी वे सके अन बंचाया जा सको।

2 पतरस 1:4

अणीऊँस वणी आपाँने मोटा अन अनमोल वरदान दिदा हे, ज्याँने देबा का वाते वणा वादो किदो, ताँके वाँकाऊँ आपाँ खुद परमेसर का जस्यान वे जावा अन वणी नासऊँ बंच जावो ज्यो मनकाँ की बुरी मनसा का मस अणी दनियाँ में हे।