इपिसियों 4:23 - नुवो नेम (मेवड़ी नया नियम)

²³ जणीऊँ थाँको मन अन आत्मा बदलन नुवी वेणी छावे।

इपिसियों 4:23 Iomraidhean Croise

रोमियों 12:2

अबे ओर ईं दनियाँ का गेला पे मती चालो, पण थाँका मना ने नवा करन खुद ने बदल लेवो, जणीऊँ थाँ परमेसर की मरजी ने परको अणजाण सको हे, मतलब ज्यो हव अन ज्यो वींने भावे हे अन ज्यो सिद हे।

रोमियों 6:4

तो वींकी मोत को बतिस्मो लेबाऊँ आपाँ भी वींके हातेईस गाड़्या ग्या हा, ताँके जस्यान परमेसर की मेमा की तागत का मस मसी ने मरिया तकाऊँ जिवाया हा वस्यानीस आपाँ भी एक नुवो जीवन जीवाँ।

रोमियों 8:6

देह की बाताँ पे मन लगाणो तो मोत हे, पण आत्मा पे मन लगाणो जीवन अन सान्ती हे।

इपिसियों 2:10

काँके आपीं वींका बणाया ग्या हा अन ईसू मसी का गट-जोड़ऊँ वणा भला कामाँ वाते बणाया ग्या हाँ ज्याँने परमेसर पेल्याई आपणे करबा का वाते त्यार किदा।

कुलुसियों 3:10

अन थाँ नुवा मनकपणा ने पेर लिदो हे, जणीऊँ थाँ आपणाँ बणाबावाळा परमेसर का जस्यान अन वाँके पाका ग्यान में हमेस्यान नुवा बणता जावो हो।

तीतूस 3:5

यो ईं वाते ने व्यो के, आपाँ धरम का काम कररिया हा, पण आ वाँकी करपाइस ही के, वो आपाँने पुवितर आत्मा का आड़ीऊँ बंचावे, ज्या आपाँने धोन नुवो जनम अन नुवो जीवन देवे हे।

1 पतरस 1:13

ईं वाते थाँ थाँका मन ने बंस में राको अन खुद ने भी बंस में राको अन वीं वरदान की आस लगई तकी राको, ज्यो थाँने ईसू मसी परगट वेई, वीं दाण दिदो जाई।