इपिसियों 4:18 - नुवो नेम (मेवड़ी नया नियम)

¹⁸ वीं बना हमज का हे अन परमेसरऊँ मलबावाळा जीवनऊँ घणा छेटी हे, काँके वाँकी अकल अंदकारऊँ भरी तकी हे अन वाँका मन कल्डा वेग्या हे।

इपिसियों 4:18 Iomraidhean Croise

मत्ती 13:15

काँके अणा मनकाँ को मन गाटो वेग्यो हे, अणा वाँने कान्दड़ाऊँ हूणाणो बन्द वेग्यो अन वाँकाणी आपणी आक्याँ बन्द कर लिदी हे। ताँके कटे अस्यान ने वे जावे के, वाँकी आक्याँ देकती, कान्दड़ा हूणता, अन वाँका मनऊँ हमजता जणीऊँ वीं आपणाँ मन ने पापऊँ फेरन मारा नके आता अन मूँ वाँने बंचाऊँ।’”

मरकुस 3:5

ईसू गुस्सा में हा जद्याँ वणा च्यारूँमेर वाँने देक्या, पण वीं वाँकी बुरई अन हठ ने देकन घणा दकी व्या। पछे वीं मनकऊँ क्यो, “थारो हात लाम्बो कर।” वणी हात लाम्बो किदो अन वींको हात हव वेग्यो।

यहुन्ना 12:40

“परमेसर वाँकी आक्याँ ने आंदी अन वाँका मन कल्डा कर दिदा हे, ताँके वीं आक्याँऊँ ने देक सके अन मनऊँ ने हमजे सके, कदी अस्यान ने वे के, वी मारा आड़ी फरे अन मूँ वाँने हव करूँ।”

थरप्या तका का काम 17:30

ईं वाते परमेसर वीं दाण का मनकाँ की, परमेसर ने ने जाणबा अण-हमज पे ध्यान ने दिदो, पण अबे हरेक जगाँ लोगाँ ने मन फराबा की आग्या देवे हे।

थरप्या तका का काम 3:17

हो भई-लोगाँ, मने नंगे हे के, थाँ अन थाँका नेता ईसू के विरोद में जो कई भी किदो हे वो अणजाण में किदो,

रोमियों 1:28

वणा मनकाँ परमेसर का ग्यान ने ओळकणो किमती ने हमज्या, ईं वाते परमेसर भी वाँने वाँकी फालतू मरजी का जस्यान छोड़ दिदा। अन वीं हूँगला काम करबा लागग्या, ज्याँने करणा सई ने हे।

रोमियों 11:25

हो मारा भायाँ, कटे अस्यान ने वे के, थाँ खुद ने घणा हूँस्यार हमजबा लागो, ईं वाते मूँ थाँने ईं छाने का हाँचऊँ अणजाण ने राकणा छावूँ हूँ, काँके इजराएल का मनक अस्यानीस गाटा बणा दिदा ग्या हे अन अस्यानीस तद्याँ तईं गाटा बण्या रेई जद्याँ तईं जी यहूदी ने हे वाँ मनकाँ मेंऊँ जीं चुण्या तका हे, वीं हाराई परमेसर का नके ने आ जावे।

रोमियों 11:7

तो ईंको कई मतलब? इजराएल का मनकाँने वो ने मल्यो, जिंने वीं होदरिया हा, पण चुण्या तका ने वो मलग्यो। अन बाकी हाराई का मन ने गाटा कर दिदा ग्या।

रोमियों 2:19

थूँ ओ माने हे के, थूँ आंदा मनकाँ की आक्याँ हे अन जतरा अन्दारा में हे, वाँका वाते थूँ ज्योती हे।

1 कुरिन्थियों 1:21

परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।

1 कुरिन्थियों 2:8

जिंने ईं दनियाँ का हाकिमा मूँ कणी ने जाण्यो, काँके जाणता तो मेमावान परबू ने हूळी पे ने चड़ाता।

2 कुरिन्थियों 3:14

पण वाँकी अकल बन्द वेगी ही अन वीं अबाणू तईं वणी जूना करार ने भणे हे। ईं वजेऊँ अबाणू भी वोईस परदो वाँकी आक्याँ पे पड़्यो तको हे अन ओ परदा बेस मसीइस छेटी कर सके हे।

2 कुरिन्थियों 4:4

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

गलातियों 4:8

पेल्याँ जद्याँ थाँ परमेसर ने कोयने जाणता हा, तद्याँ वाँका दास हाँ, जीं हाँची में परमेसर ने हे।

इपिसियों 2:1

एक टेम ही, जद्याँ थाँ आपणाँ गुना अन पापाँ का मस आत्मिक जीवन में मरिया तका हा।

इपिसियों 2:12

वीं टेम थाँ मसी ने जाणता ने हा। थाँ पराया हा मतलब परमेसर का चुण्या तका इजराएली कोयने हा। परमेसर का दिदा तका वादा के करार का भागीदार ने हा अन ईं दनियाँ में बना आस अन बना परमेसर को जीवन जीरिया हा।

कुलुसियों 1:21

एक टेम ही जद्याँ थाँ थाँका बच्याराँ अन हूँगला कामाँ का मस परमेसरऊँ छेटी हा अन दसमणी राकता हा।

1 थिस्सुलुनिक्यों 4:5

अन ओ काम परमेसर ने ने मानबावाळा अधरमी लोगाँ का जस्यान बुरा बच्यार राकन ने करणो छावे।

इब्रानियों 5:2

काँके वो खुद भी कमजोरी का काबू में हे, ईं वाते वो बना हमज्या अन भटक्या तका का हाते नरमाईऊँ वेवार कर सके हे।

इब्रानियों 9:7

पण मयने का ओवरा में मायाजक साल में एक दाण जातो हो। वो बना वीं लुई के कदी ने जातो हो, जिंने वो खुद अन आपणाँ मनकाँ का अणजाण में किदा ग्या पापाँ का वाते परमेसर के भेंट चड़ातो हो।

याकूब 4:4

हो कुकरमी लोगाँ, कई थाँ ओ ने जाणो हो के, ईं दनियाऊँ भईच्यारो राकणो परमेसरऊँ दसमणी राकणी वेवे हे? ईं वाते जो दनियाऊँ भईच्यारो राके हे, वो खुद ने परमेसर को दसमण बणावे हे।

1 पतरस 1:14

आग्या मानबावाळा बाळक के जस्यान रेवो। पेल्याँ थाँकामें ज्या बुरी मरजी ही, वींके जस्यान मती रो, काँके तद्याँ थाँ बना ग्यान का हा।

1 यहुन्ना 2:11

पण ज्यो भी मनक आपणाँ विस्वासी भईऊँ दसमणी राके हे, वो अबाणू भी अंदारा मेंईस भटकतो रेवे हे अन अंदारा मेंईस जीवन जीवे हे। वो यो भी ने जाणे के, ईं अंदारा का मयने कटे जारियो हे। काँके अंदारे वींने आंदो कर दिदो हे।