इपिसियों 4:14 - नुवो नेम (मेवड़ी नया नियम)

¹⁴ जणीऊँ आपीं आगे बाळक कोयने रेवा, ज्यो ठग मनक की ठग-वद्‍याँ अन चतुराईऊँ, भेंम की बाताँ अन छळ का उपदेस का वइराऊँ ऊछाळ्यो जावे हे अन अटने-वटने भटके हे।

इपिसियों 4:14 Iomraidhean Croise

मत्ती 11:7

जद्याँ यहुन्ना का चेला वटेऊँ जाबा लागा हा, तो ईसू यहुन्ना का बारा में लोग-बागाऊँ केबा लागो, “थाँ हुन्ना कांकड़ में कई देकबा ग्या हाँ? कई हवा में हालता आकण्डा ने?

मत्ती 24:11

नरई जूटा मनक परमेसर का आड़ीऊँ बोलबावाळा का वाते ऊबा वेई, अन नरई ने भटकाई।

मत्ती 24:24

मूँ ओ केवूँ हूँ काँके जूटा मसी अन जूटा मनक परमेसर का आड़ीऊँ बोलबा का वाते ऊबा वेई अन अस्या अस्या नरोगा हेन्याण बताई अन अचम्बावाळा काम केरी के, वीं चुण्या तका ने भी भटका देई।

थरप्या तका का काम 23:21

पण थाँ वाँको केणो मानज्यो मती, काँके वाँका मूँ चाळीऊँ हेला जणा पोलुस ने मारबा वाते वाट नाळरिया हे। वणा होगन खादा हे के, जद्याँ तईं पोलुस ने मार ने नाके तद्याँ तईं ने कई खावा अन ने पिवाँ, अबाणू वीं त्यार वेग्या हे अन थाँके फेसला की वाट नाळरिया हे।”

1 कुरिन्थियों 12:2

थाँ जाणो हो के, जद्याँ थाँ परमेसर ने ने जाणता हा, तो गूंगी मूरत्याँ के पाच्छे जस्यान चलाया जाता हा, वस्यान चालता हा।

1 कुरिन्थियों 14:20

हो विस्वासी भायाँ थाँ थाँकी होच-हमज में बाळक मती बणो। बुरो करबा का वाते तो बाळक बण्या तका रेवो पण होच-हमज में हमजदार बणो।

1 कुरिन्थियों 3:19

काँके ईं दनियाँ को ग्यान परमेसर का हामे बेण्डोपणो हे। जस्यान के सास्तर में लिक्यो हे के, “परमेसर ग्यानवाळा मनकाँ ने वाँका खुद का ग्यान में फसा देई।”

2 कुरिन्थियों 2:17

परमेसर का बचनाँ को वोपार करबावाळा नरई मनक हे वीं आपणो नफो छावे हे पण माँ अस्यान ने हाँ। माँ तो परमेसर का आड़ीऊँ खन्दाया तका मनक का जस्यान मसी ने हाते लेन, हाँचऊँ बोला हाँ।

2 कुरिन्थियों 4:2

आपाँ वणा काम ने जणीऊँ हरम आवे हे, वाँने कोयने कराँ हाँ। अन ने आपाँ कपट राका हाँ अन नेई आपाँ परमेसर का बचन में गाल-गसोळ करा हाँ। पण आपाँ तो हाँच ने खुला रूपऊँ लोगाँ का हामे बतावा हाँ अन परबू का हामे खुद खरा बणा हाँ।

गलातियों 3:1

हे बना अकल का गलातिया का मनकाँ, थाँने कणी भेंम में नाक दिदा हे। में पुरो-पुरो बखाण अस्यान किदो हो के, मानो थाँकी आक्याँ का हामेईस तो ईसू मसी ने हूळी पे चड़ाया ग्या वे।

इपिसियों 6:11

परमेसर का हाराई हत्यार बांद लो, ताँके थाँ सेतान की चाल को सामनो कर सको।

1 तिमुतियूस 3:6

वो विस्वास में पाको वेणो छावे, काँके कटे अस्यान ने वेवे के, वो सेतान के जस्यान मेपणो करन दण्ड पावे।

2 तिमुतियूस 1:15

थूँ जाणे हे के, आसिया परदेस का रेबावाळा हाराई मने छोड़ दिदो हे, जणामें फुगिलुस अन हिरमुगीनेस भी हे।

2 तिमुतियूस 3:13

अन बुरा अन धोको देबावाळा मनक धोको देता अन खुद धोको खाता तका हेलाऊँ हेला बुरा वेता तका परा जाई।

2 तिमुतियूस 4:3

अस्यान को टेम आरियो हे जद्याँ मनक हव हिक ने, ने हूणी, पण ईंकी अलावा वीं आपणाँ वाते अस्यान का हिकाबावाळा होद लेई, जीं वाँने वीं बाताँइस हिकाई जस्यी हूणणी वाँने हव लागे हे।

इब्रानियों 13:9

अलग अलग तरियाँ का अणजाणी हिकऊँ भटको मती, काँके थाँका मन का वाते यो हव के, वो खाबा-पिबा की नेमा का बजाए दयाऊँ मजबूत बणे। अन जणा खाबा-पिबा का नेमाने मान्याँ वणाऊँ वाँको कदी भलो कोनी व्यो।

याकूब 1:6

पण जद्याँ थाँ विस्वासऊँ मांगो, तो सक मती करज्यो, काँके सक करबावाळो समन्द की लेराँ के जस्यान वेवे हे, वीं बेवे अन उछळे हे।

याकूब 3:4

पाणी में चालबावाळा जाँज ने देको, वो पलई कतराई मोटा काँ ने वेवे अन जोर का बईरा का हाते परो जावे हे, पण एक फोरीक पतवारऊँ वींने चलायो जावे अन चलाबावाळा वींने काबू में करन जटे ले जाणो छावे, वटे ले जावे हे।

2 पतरस 2:18

ईं मनक बेकार में मेपणा की बाताँ करन कुकरम की कामाँ के वजेऊँ वणा मनकाँ ने जीं अबे भटक्या तका मनक मेंऊँ निकाळणो छारियो हे वाँने देह की मनसा में फसा लेवे हे।

1 यहुन्ना 2:19

मसी का दसमण आपणाँ मेंऊँस बण्या हा, पण हाँची में वीं आपणाँ हाते कोयने हे, काँके यद्याँ वीं आपणाँ हाते वेता, तो आपाँने छोड़ता कोयने। पण वणा आपाँने छोड़ दिदा जणीऊँ वीं आपाँने ओ बता सके के, वीं हाँची में आपणाँ मेंऊँ कोयने।

1 यहुन्ना 2:26

में ईं बाताँ थाँने वणा मनकाँ का बारा में लिकरियो हूँ, जीं थाँने भटकावा की कोसीस करे हे।

1 यहुन्ना 4:1

हो मारा प्यारा भायाँ, हरेक आत्मा को विस्वास मती करो, पण हरेक आत्माने परको के, वाँ परमेसर का आड़ीऊँ हे के ने। मूँ यो थाँकाऊँ ईं वाते केरियो हूँ, काँके नरई जूटा परमेसर का आड़ीऊँ बोलबा ईं दनियाँ में हे।

यहूदा 1:12

ईं मनक थाँका हाते परेम को दिकावो करे हे अन थाँका हाते खावे पिवे हे, पण ईं तो समन्द का मयने हपी तकी मंगरी का जस्यान हे। ईं वणा गवाळ्याँ का जस्यान हे, ज्याँने गाराऊँ कई मतलब ने हे, वीं तो आपणो पेट भरणो जाणे हे। ईं वीं बना पाणीवाळा वादळा का जस्यान हे जिंने बईरो उड़ान ले जावे हे, ईं जंगल का वाँ रूँकड़ा का जस्यान हे, ज्याँके फळ ने लागे हे अन ज्याँने जड़ हमेत उकाड़ नाक्या वेवे।

परकासितवाक्य 19:20

वीं डरावणा जनावर ने अन वींके हाते जूटी आगेवाणी करबावाळा जी हेन्याण चमत्कार बतान वणा मनकाँ ने ज्यापे वीं जनावर की मोर लगई ही अन वींकी मूरत ने पुजा करता हा, वाँने पकड़ लिदा। वणा दुया ने वीं वादी की बळता तका नरक का कुण्ड में जीवताई नाक दिदा ग्या।