इपिसियों 4:11 - नुवो नेम (मेवड़ी नया नियम)

¹¹ वाँकाणी किंनेई तो थरप्या तका वेबा का वाते, अन किंनेई परमेसर का आड़ीऊँ बोलबावाळा, किंनेई तो हव हमच्यार हुणाबावाळा, अन किंनेई तो परमेसर का मनकाँ का गवाळ अन किंनेई हिकाबावाळा बणाया।

इपिसियों 4:11 Iomraidhean Croise

मत्ती 28:20

अन वाँने हारी बाताँ ज्यो में थाँने क्यो हो, वाँने मानबा हिकावो। आद राकज्यो, मूँ दनियाँ का अंत तईं हमेस्यान थाँका हाते हूँ।”

थरप्या तका का काम 13:1

अन्ताक्या का विस्वास्याँ की मण्डली में परमेसर का आड़ीऊँ बोलबावाळा अन हिकाबावाळा हा, बरनबास अन समोन जो नीगर केवावे हे, अन कुरेन को लुकियुस, देस का चोता हिस्सा को राजपाल हेरोदेस की लारे पळ्या-बड़्या मनाएन अन साउल जस्या नरई हिकाबावाळा हा।

थरप्या तका का काम 20:28

ईं वाते थाँ आपणो अन आपणी हाराई गारा को ध्यान राको जिंने पुवितर आत्मा थाँका हात में हुप्याँ हे के, थाँ परमेसर की मण्डली की रुकाळी करो, ज्याँने परमेसर आपणाँ बेटा का लुईऊँ मोल लिदी हे।

थरप्या तका का काम 21:8

दूजे दन माँ वटूँ केसरिया में आया, अन फिलिपुस नाम को एक मनक जो हव हमच्यार को परच्यार करतो हो, वटे यरूसलेम में चुण्या तका हात सेवा करबावाळा मूँ एक जणो हो, वींका वटे रिया।

रोमियों 12:7

जद्याँ किंने सेवा करबा को वरदान मल्यो हे, तद्याँ वो सेवा करे, जद्याँ कणी ने हिकाबा को वरदान मल्यो हे, तद्याँ वो हिकावे।

1 कुरिन्थियों 12:4

आत्मिक वरदान तो नरी तरियाँ का हे, पण एकीस आत्मा का हे।

इपिसियों 2:20

थाँ अस्यो एक मेल हो जणी की नीम थरप्या तका अन परमेसर का आड़ीऊँ बोलबावाळा हे, अन वींके नासीक को भाटो खुद ईसू मसी हे।

इपिसियों 3:5

पुराणी टेम में ईं राज ने मनकाँ पे परगट ने किदो ग्यो हो, अबाणू परमेसर पुवितर आत्माऊँ वींका पुवितर थरप्या तका अन वाँका आड़ीऊँ बोलबावाळा पे परगट किदो ग्यो।

इपिसियों 4:8

ईं वाते सास्तर केवे हे के, “वो ऊँसी जगाँ में ग्यो, बन्दीया तका ने आपणाँ हाते लेग्यो, अन मनकाँ ने वरदान दिदा।”

2 तिमुतियूस 4:5

थूँ सान्तीऊँ टक्यो तको रेज्ये अन दुक भोगबा का वाते त्यार रे। हव हमच्यार को परच्यार करबा का वाते घणी मेनत कर अन थाँरी जिमेदारी ने हव तरियाऊँ पुरी करज्ये।

इब्रानियों 5:12

अबाणू तईं तो थाँने हिक देबावाळा बण जाणो छावतो हो, पण थाँने अबाणू भी एक अस्या मनक की जरूत हे ज्यो थाँने सरूऊँ परमेसर की हिक की सरुवात की बाताँ हिकावे। थाँके तो अबाणू रोटी ने, बेस दूद की जरूत पड़री हे।

यहूदा 1:17

हो लाड़ला भायाँ, थाँ वणा बाताँ ने आद राकज्यो, ज्याँने थाँका नके परबू ईसू मसी का थरप्या तका चेला पेल्याँई बता दिदी ही।

परकासितवाक्य 18:20

“हे हरग, हो पुवितर मनकाँ, थरप्या तका खासतोर चेलो अन परमेसर का आड़ीऊँ बोलबावाळा राजी वेवो, काँके परमेसर वींको न्याव करन थाँको बदलो लिदो हे।

परकासितवाक्य 21:14

नगर को परकोटो बारा नीमा का भाटाऊँ बणायो ग्यो हो अन वींपे मेमना का बाराई थरप्या तका चेला का नाम लिक मेल्या हा।