इपिसियों 3:19 - नुवो नेम (मेवड़ी नया नियम)

¹⁹ अन मसी का वीं परेम ने जान सको, ज्यो हाराई ग्यानऊँ बारणे हे, जणीऊँ थाँ परमेसर का हारई गुणऊँ भर जावो।

इपिसियों 3:19 Iomraidhean Croise

मत्ती 5:6

धन्ने हे वी ज्यो धरम का काम करबा में आगता रेवे हे, परमेसर वाँकी मरजी पुरी करी।

यहुन्ना 1:16

वाँकी दया की भरपईऊँ आपाँ हाराई ने आसिरवाद पे आसिरवाद मल्या।

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

रोमियों 8:35

कूण हे ज्यो आपाँने मसी का परेमऊँ अलग करी? कई दक, कई तकलिपाँ, कई हताव, कई काळ, कई गरीबी, कई मोत की दरप टेम कन कटारी?

रोमियों 8:39

अन ने उचाई, ने गेराई अन ने जग की कुई चीज आपाँने परमेसर का वीं परेमऊँ अलग कर सकी, ज्यो आपणाँ परबू ईसू मसी में हे।

2 कुरिन्थियों 5:14

मसी को परेम माँने बंस में राके हे, काँके माँ हमजग्या हा के, जद्याँ मसी हाराई का वाते मरग्या, तो वीं हाराई भी जूना जीवन का वाते मरग्या हे।

गलातियों 2:20

मूँ अबे जीवतो कोयने हूँ, पण मूँ ईसू मसी में जीवतो हूँ अन मूँ अणी देह में जीवतो हूँ तो बेस ईसू पे विस्वास करबा का मस जीवतो हूँ, ज्यो परमेसर को बेटो हो अन वणी माराऊँ अतरो परेम किदो के, आपणाँ खुद ने मारा वाते दे दिदो।

इपिसियों 1:23

विस्वास्याँ की मण्डली मसी को डील अन भरपुरी हे। अन मसी हाराई ने पूरो करे हे।

इपिसियों 3:18

हारई पुवितर मनकाँ का हाते हव तरिया ओ हमजबा की तागत पावो के, मसी को परेम कतरो लम्बो, चोड़ो, ऊसो अन ऊण्डो हे।

इपिसियों 5:2

मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

इपिसियों 5:25

ओ धण्या, जस्यान मसी मण्डळीऊँ परेम राकन, वींने पाणी अन वसनऊँ धोन पुवितर बणाबा का वाते आपणाँ खुद ने बली कर दिदो। वस्यानीस थाँ भी आपणी-आपणी लुगायाऊँ परेम राको।

फिलिपियों 1:7

थाँ हाराई का वाते मने अस्याईस बच्यार राकणा हव हे, काँके थाँ हाराई मारा मन में बस्या तका हो। अन जद्याँ मूँ हाकळाऊँ बन्दयो तको हूँ अन हव हमच्यार ने साबत करबा अन पाको बणाबा में भी लागरियो हूँ, थाँ मारा हाते परमेसर की दिदी तकी अणीस करपा में भागी हो।

फिलिपियों 4:7

तद्याँ परमेसर की सान्ती, ज्यो हारी हमजऊँ बारणे हे, थाँका हरदा अन थाँका बच्याराँ ने ईसू मसी का गट-जोड़ में हमाळ राकी।

कुलुसियों 1:10

ताँके थाँ वाँकी मेमा भरी तागतऊँ हारी तागत हाते तकड़ा वेन हाराई कामाँ में फळता अन परमेसर का ग्यान में बड़ता तका परमेसर का जस्यान जीवन जी सको अन वाँने हरेक विसय में राजी कर सको। ताँके थाँ हारई ने सेण कर सको अन हरेक टेम में राजी रेन धीरज राक सको। अन खुस वेन बापू परमेसर को धन्नेवाद दे सको। जणा थाँने उजिता का राज में परमेसर का पुवितर मनकाँ का हाते बापोती पाबा के जस्या बणाया।

1 पतरस 1:8

अन जद्याँ थाँ वींने देक्यो ने हे, तो भी थाँ वाँकाऊँ परेम करो हो अन अबाणू भी वींने ने देक पारिया हो, तो भी थाँ वींपे विस्वास करन अस्यान राजी-खुसी वेवो हो के, जिंको बखाण ने किदो जा सके हे, जो मेमाऊँ भरियो तको हे।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।