इपिसियों 3:1 - नुवो नेम (मेवड़ी नया नियम)

¹ मूँ पोलुस थाँ ज्यो यहूदी ने हा थाँका वाते ईसू मसी को दास हूँ, ईंवाते जेळ में बन्द हूँ।

इपिसियों 3:1 Iomraidhean Croise

लूका 21:12

पण, अणा हारी बाताँऊँ पेल्याँ वीं मारा नाम का पाच्छे चालबा की वजेऊँ थाँने पकड़ी अन हताई अन यहूदियाँ का परातना घर में हूँपी अन जेल में नाक देई अन राजपाल अन अदिकारियाँ का हामें ऊबा करी।

थरप्या तका का काम 21:33

तद्याँ सेनापती पोलुस नके आयो अन वींने पकड़ लिदो अन दो हाकळाऊँ बांदबा को हुकम देन पूँछ्यो के “ओ कूण हे, अन अणी कई किदो?”

थरप्या तका का काम 23:18

ईं वाते अदिकारी सेनापती का नके वीं मोट्यार ने लेजान क्यो, “जेल में बन्द पोलुस माराऊँ क्यो के, ईं मोट्यार ने सेनापती नके ले जावो, ओ वाँने कई केणो छारियो हे।”

थरप्या तका का काम 26:29

पोलुस क्यो, “थोड़ाक टेमऊँ कन हेला टेम में, परमेसरऊँ मारी अरज हे के, बेस थूँईस ने पण जतरा लोग आज मारी हुणरिया हे, वीं हंगळा वस्यान वे जावे जस्यान मूँ हूँ, बेस हाँकळा ने छोड़न।”

थरप्या तका का काम 9:15

पण, परबू वींने क्यो, “थूँ जा। काँके ईं मनक ने हारी जात्या, राजा अन इजराएल का लोगाँ में मारो नाम फेलाबा वाते चुण्यो हे।

2 कुरिन्थियों 1:6

अन यद्याँ माँ कळेस भोगा हाँ तो थाँकी हिम्मत अन थाँने बंचाबा का वाते भोगा हाँ अन माँ राजी हा काँके थाँ राजी हो अन थाँको राजी रेणोइस थाँने धीरज का हाते वणा कळेस ने भोगबा का वाते हिम्मत देवे हे ज्यो आपाँ भोगा हा।

2 कुरिन्थियों 10:1

मूँ पोलुस, थाँका हामे मसी की नरमाई अन वींकी करपा की गवई देन थाँकाऊँ अरज करूँ हूँ। लोगाँ को केणो हे के, जद्याँ मूँ थाँका हामे रेऊँ हूँतो मूँ थाँका लारे नरमाईऊँ वेवार राकूँ हूँ, पण जद्याँ मूँ थाँका हामे ने रूँ तो मूँ नरमाई ने राकूँ हूँ।

2 कुरिन्थियों 11:23

कई वींइस मसी का दास हे? मूँ बेण्डा के जस्यान कूँ हूँ, मूँ वणाऊँ भी बड़न मसी को दास हूँ। वाँकाऊँ हेली मेनत करबा में, नरी दाण जेळ में बन्द वेबा में, कोड़ा की मार खाबा में, आकोदाण मोत का मुण्डो में जाबा में,

गलातियों 5:11

हो भायाँ, मनक अबाणू भी मारा पे लांछन लगावे हे के, मूँ खतनो करबा को परच्यार करूँ हूँ, तो मने अणी बात का वाते काँ हतायो जावे हे? अन यद्याँ मूँ अबाणू भी खतनो करबा को परच्यार करूँ हूँ, तो ईसू मसी का हूळी माँ मस अई मारा वाते हारी तकलिपाँ खतम वेणी छावती।

गलातियों 5:2

देको, मूँ पोलुस खुद थाँकाऊँ केवूँ हूँ के, यद्याँ अबे थाँ विस्वास करिया केड़े खतनो करावो तो, थाँको मसी ने मानणो बेकार हे।

गलातियों 5:24

अन जीं मनक ईसू मसी का हे, वणा आपणाँ देह की बुरी मरजी अन कामाँ ने हूळी पे चढा दिदा हे।

इपिसियों 3:11

परमेसर ओ, आपणाँ अमरकाळ का मकसद के जस्यान किदो हो अन ईंने आपणाँ परबू ईसू मसीऊँ किदो हो।

इपिसियों 3:13

ईं वाते मूँ हात-जोड़न केवूँ के, ज्यो कळेस थाँका वाते मने जेलणो पड़रिया हे, वीं मस हिम्मत ने छोड़ो, काँके ओ थाँकी भलई का वाते हे।

इपिसियों 3:8

मूँ हाराई पुवितर मनकाँऊँ फोरो हूँ, पण मारा पे आ करपा वीं के, मूँ मसी का अनमोल धन ने ज्यो हमजऊँ बारणे हे वींका हव हमच्यार ने ज्यो यहूदी ने हे वाँ लोगाँ ने हूणाऊँ

इपिसियों 4:1

ईं वाते मूँ ज्यो परबू की सेवा का वाते बन्दयो तको हूँ, थाँकाऊँ हाता-जोड़ी करूँ हूँ के, जीं मनसाऊँ परमेसर थाँने बलाया, वींके जस्यानीस चाल चालो।

इपिसियों 6:20

अणी हव हमच्यार को परच्यार करबा का वाते मूँ हाकळाऊँ बंद्‍यो तको परमेसर को दूत हूँ। मारा वाते परातना करो के, जस्यान मने परच्यार करणो छावे, वस्यानीस मूँ बना दरपणीऊँ कर सकूँ।

फिलिपियों 1:7

थाँ हाराई का वाते मने अस्याईस बच्यार राकणा हव हे, काँके थाँ हाराई मारा मन में बस्या तका हो। अन जद्याँ मूँ हाकळाऊँ बन्दयो तको हूँ अन हव हमच्यार ने साबत करबा अन पाको बणाबा में भी लागरियो हूँ, थाँ मारा हाते परमेसर की दिदी तकी अणीस करपा में भागी हो।

कुलुसियों 1:24

अबे मूँ ज्यो थाँका वाते दुक ऊटारियो हूँ वणीऊँ मूँ राजी हूँ। मसी की देह रूपी मण्डली का वाते मसी जीं दुक जेल्या हे, वाँमें मूँ हमेस्यान वींका हाते भागीदार बणरियो हूँ।

कुलुसियों 4:18

मूँ ज्यो पोलुस खुद थाँने नमस्कार लिकरियो हूँ। मारी हतकड़ीया आद राकज्यो। परमेसर की दया थाँका पे वेती रेवे। आमीन।

कुलुसियों 4:3

अन ईंका हातेई हाते माकाँ वाते भी परातना करता रेवो के, परमेसर माँके परच्यार करबा को अस्यो गेला खोल देवे के, माँ मसी का वीं भेद को बखाण कर सका। अन परच्यार करबा के मस मूँ जेल में बन्द हूँ।

2 तिमुतियूस 1:16

परमेसर उनेसिफुरस का घराणा पे दया करे, काँके वणा घणी दाण मारी मदत किदी हे अन मारा बन्दी वेवा की वजेऊँ भी हरमा ने मरिया हे।

2 तिमुतियूस 1:8

ईं वाते थूँ आपणाँ परबू अन मारी गवई देबा का वाते, ज्यो मसी का वाते बन्दी हूँ, हरमाज्ये मती, पण अस्यान करबा के, बजाय परमेसर, ज्या तागत थने दिदी हे, वींने मारा हाते हव हमच्यार का वाते दुक उटाबा में लगाज्ये।

फिलेमोन 1:1

ईसू मसी का हव हमच्यार का वाते बन्दी बण्यो मूँ पोलुस अन भई तिमुतियुस, आपणाँ खास हण्डाळ्याँ का हाते काम करबावाळो फिलेमोन,

फिलेमोन 1:23

इपफरास ज्यो मसी ईसू का वाते मारा हाते जेळ में हे। वो थाँने आद कररियो हे।

फिलेमोन 1:9

पण परेमऊँ मूँ थाँराऊँ अरज कररियो हूँ। मूँ पोलुस ज्यो अबे दानो अन ईसू मसी का हव-हमच्यार का वाते बंदी हूँ, थाँने आपणाँ धरम का बेटा उनेसिमुस का बारा में अरज कररियो हूँ ज्यो जेळ में ईसू पे विस्वास करन मारो बेटो बणग्यो हो।

परकासितवाक्य 2:10

जो दुक थने जेलणो हे वणीऊँ मती दरप, काँके सेतान थाँका मेंऊँ घणा ने परकबा का वाते जेल में नाक देई। थने वटे दस दनाँ तईं दुक जेलणो पड़ी, पण थूँ हाँचो रेज्ये पलई थाँरी मोत ईं कानी वे जावे। तो मूँ थने जुग-जुग का जीवन को मुकट देऊँ।