इपिसियों 2:3 - नुवो नेम (मेवड़ी नया नियम)

³ पेल्याँ आपाँ हारई भी वाँके जस्यान आपणाँ डील की हुगली मनसा के जस्यान दन बिताता हा, डील अन मन की मरजी पुरी करता हा अन दूजाँ लोगाँ के जस्यान परमेसर का दण्ड के जोगा हा।

इपिसियों 2:3 Iomraidhean Croise

मरकुस 4:19

पण ईं जीवन की चन्ता, धन-दोलत को लाळच अन दूजी चिजाँ ने लेबा को मन वाँमें आ जावे अन वीं सन्देसा ने दबा देवे। ईं वाते वाँके फळ ने लागे।

यहुन्ना 1:13

परमेसर की ओलाद वेबा का वाते वीं मनक की मरजी का मस देहऊँ ने जनम्याँ, पण वीं तो परमेसर की मरजीऊँ आत्मिक रूप में जनम्याँ।

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

थरप्या तका का काम 14:16

वणी बित्या तका टेम में दनियाँ का लोगाँ ने आपणाँ-आपणाँ गेला पे चालबा दिदा।

रोमियों 1:24

ईं वाते परमेसर वाँने वाँका मन की बुरी मरजी जस्यान छोड़ दिदा के, वीं असुद वेवे अन एक-दूँजा का सरीर का हाते हरम-भरिया हूँगला काम करे।

रोमियों 11:30

काँके जस्यान पेल्याँ थाँ ज्यो यहूदी ने हो, थाँ परमेसर की आग्याने ने मानता हा, पण अबे यहूदी मनकाँ के आग्याने ने मानबा की वजेऊँ थाँने परमेसर के दया मली हे।

रोमियों 13:14

पण परबू ईसू मसी का हाव-भाव ने धारण करलो, अन आपणाँ पापी वेवार ने अन मन की मरजी ने काबू में राको।

रोमियों 2:14

पछे जीं यहूदी ने हे, ज्याँका नके नेम ने हे, तद्याँ भी वीं आपणाँ वेवारऊँ नेमा की बाताँ पे चाले हे, तो नेम वाँका नके ने वेबा पे भी वाँका वाते वीं खुदई नेम वेई।

रोमियों 5:10

काँके जद्याँ आपाँ परमेसर का दसमण हा। तो परमेसर आपणाँ बेटा की मोतऊँ आपणो मेल-मिलाप खुदऊँ किदो। अन जद्याँ अबे आपणाँ मेल-मिलाप वेग्यो हे तो वाँका जीवनऊँ आपाँ काँ ने बंचाया जावा?

रोमियों 5:9

काँके अबे आपाँ वाँका लुईऊँ धरमी वेग्या हा, तो पछे मसी जरियऊँ परमेसर का गुस्साऊँ काँ ने बंचाया जावा?

रोमियों 6:12

ईं वाते थाँकी नास वेबावाळी देह पे पाप की मरजी ने पुरी करबा का वाते पाप को जोर मती चालबा दो। जणीऊँ थाँ पाप की मरजी में कदी ने चालो।

रोमियों 7:18

हाँ, मूँ जाणूँ हूँ के, मारा पापी देह में कुई भी हव चीज वास ने करे हे। भलई करबा की मरजी तो मारा मयने हे पण भला का काम माराऊँ ने वेवे हे।

रोमियों 9:22

अस्यानीस जिंपे परमेसर आपणो गुस्सो अन तागत बताणी छावता हा, पण वणा गुस्सा का जोगा मनकाँ पे जी नास का आड़ी जारिया हा, वाँका पे खुब दया किदी।

1 कुरिन्थियों 4:7

थाँने दूजाऊँ कणी खास बणाया हे? अन थाँका नके ज्यो कई हे वो कई थाँने परमेसर ने दिदो? तो अस्यान काँ मेपणो करे हे के, थाँ कदी कणीऊँ कई लिदोई कोयने?

2 कुरिन्थियों 7:1

हो मारा प्यारा भायाँ, आपणाँ नके परमेसर को दिदो तको करार हे। ईं वाते थाँ आवो, अन परमेसर को मान करता तका खुद ने पुवितर करबा का वाते खुद की आत्माने अन देह ने मयनेऊँ अन बारणेऊँ हुगली चिजाँऊँ पुवितर करो।

गलातियों 3:22

पण सास्तर हाराई मनकाँ ने पाप का हाताँ में हूँप दिदा हे, ताँके परमेसर वो वादो ज्यो ईसू मसी पे विस्वास करबा दिदो ग्यो, वो विस्वास करबावाळा का वाते पूरो वे जावे।

इपिसियों 2:2

थाँ पेल्याँ दनियाँ का हूँगला नेमा पे चालता हा। अन वीं वादळा की आत्मिक सगत्याँ का राजा ने मानता हा, ज्यो आत्मा लोगाँ ने अबे परमेसर को मान ने करबा का वाते मजबूर करती ही।

इपिसियों 4:22

थाँके पाला जीवन को चालचलन ज्यो धोको देबावाळी मरजीऊँ बगड़ग्यो हे, वींने छोड़बा का वाते थाँने हिकायो ग्यो हो।

कुलुसियों 1:21

एक टेम ही जद्याँ थाँ थाँका बच्याराँ अन हूँगला कामाँ का मस परमेसरऊँ छेटी हा अन दसमणी राकता हा।

1 थिस्सुलुनिक्यों 4:13

हो भायाँ-बेना, माँ छावाँ हाँ के, थाँ मरिया तका विस्वासी भायाँ का पाच्छा जी उठबा का हाँच ने जाणो, जणीऊँ थाँ बना विस्वास करबावाळा के जस्यान दकी ने वेवो, ज्याँका नके आस ने हे।

1 थिस्सुलुनिक्यों 5:6

ईं वाते दूजाँ के जस्यान आपाँने हूतो तको ने रेणो छावे, पण हेंचेत अन खुद ने काबू में राकणो छावे।

1 तिमुतियूस 6:9

पण ज्याँने धन भावे, वीं लाळच अन उजाड़ करबावाळी बुरी मरजी में पड़ी, ज्या मनक ने बरबादी अन नास का गेला में नाके हे।

तीतूस 3:3

काँके मसी ने मानबाऊँ पेल्याँ आपाँ भी बना ग्यान का, केणो ने मानबावाळा, भटक्या तका अन हरेक तरियाँ की मो-माया का गुलाम हाँ। आपणो जीवन बुरई अन मेपणाऊँ भरियो हे। अन आपाँ एक-दूजाऊँ दसमणी राकता हाँ।

1 पतरस 1:14

आग्या मानबावाळा बाळक के जस्यान रेवो। पेल्याँ थाँकामें ज्या बुरी मरजी ही, वींके जस्यान मती रो, काँके तद्याँ थाँ बना ग्यान का हा।

2 पतरस 2:18

ईं मनक बेकार में मेपणा की बाताँ करन कुकरम की कामाँ के वजेऊँ वणा मनकाँ ने जीं अबे भटक्या तका मनक मेंऊँ निकाळणो छारियो हे वाँने देह की मनसा में फसा लेवे हे।

1 यहुन्ना 2:16

काँके ईं दनियाँ में मन की बुरी मरजी, जीवन को मेपणो, देह की बुरी मनसा हे ईं बाताँ बापू परमेसर का आड़ीऊँ कोयने, पण ईं दनियाँ का आड़ीऊँ हे।

1 यहुन्ना 2:8

मूँ थाँने एक ओरुँ नुवो आदेस लिकूँ हूँ। ईंको हाँच मसी का जीवन में अन थाँका जीवन में परगट व्यो हे, काँके अंदारो खतम वेरियो हे अन हाँचा को उजितो चमकणो सरू वेग्यो हे।