इपिसियों 2:2 - नुवो नेम (मेवड़ी नया नियम)

² थाँ पेल्याँ दनियाँ का हूँगला नेमा पे चालता हा। अन वीं वादळा की आत्मिक सगत्याँ का राजा ने मानता हा, ज्यो आत्मा लोगाँ ने अबे परमेसर को मान ने करबा का वाते मजबूर करती ही।

इपिसियों 2:2 Iomraidhean Croise

मत्ती 11:19

पछे मनक को पूत दूजाँ का जस्यान खातो-पितो आयो अन वीं केवे हे के देको, ‘यो खवगड़्यो अन दारुड़्यो हे, कर लेबावाळा को अन पाप्याँ को गोटी हे।’ पण परमेसर का ग्यान पे चालबावाळा आपणाँ करमाऊँ वींको ग्यान हाँचो साबत वेवे हे।”

मत्ती 13:22

ज्यो बीज झाड़क्याँ में वाया ग्या, वीं वणा मनकाँ का जस्यान हे, ज्यो परमेसर का बचन ने हुणे हे, पण ईं दनियाँ की चन्ता अन धन-माया को लोब-लाळच वाँने परमेसर को बचन भुलई दे के, परमेसर वाँकाऊँ कई छावे हे अन वो फळ ने लावे।

मत्ती 13:38

खेत या दनियाँ हे, हव बीज परमेसर का राज का मनक अन चारो सेतान की ओलाद हे।

मरकुस 4:19

पण ईं जीवन की चन्ता, धन-दोलत को लाळच अन दूजी चिजाँ ने लेबा को मन वाँमें आ जावे अन वीं सन्देसा ने दबा देवे। ईं वाते वाँके फळ ने लागे।

लूका 16:8

वणी मालिक वणी अधरमी मुनीम ने सेबासी दिदी, काँके वणी चालाकीऊँ काम किदो हे, अणी दनियाँ का लोग-बाग परमेसर का मनकाँ का वेवारऊँ घणाई चतूर हे।”

लूका 22:31

ईसू पतरसऊँ क्यो, “समोन, ए समोन हुण, जस्यान एक करसाण गव ने होजा करे हे वस्यान थाँने परकबा का वाते थाँने सेतान मांग लिदा हे।

यहुन्ना 12:31

अबे ईं दनियाँ को न्याव वेबा में हे, अबे अणी दनियाँ का हाकम ज्यो सेतान हे, वींने निकाळ दिदो जाई।

यहुन्ना 13:2

जद्याँ ईसू अन वींका चेला हाजकाँ की टेम में खाणो खारिया हा, वीं टेम समोन का पूत यहूदा इसकरियोती का मन में सेतान ईसू ने धोकाऊँ पकड़वाबा की बाताँ नाक दिदी ही।

यहुन्ना 13:27

कवो लेताई सेतान वींमें धसग्यो। तद्याँ ईसू वींने क्यो, “ज्यो थूँ करबा ने जारियो हे, वो जट कर।”

यहुन्ना 14:30

“मूँ अबे थाँकाऊँ ओरी बाताँ ने कर सकूँ हूँ, काँके अणी दनियाँ का हाकम सेतान आवे हे। ईंको मारा पे कई हक ने हे।

यहुन्ना 15:19

यद्याँ थाँ दनियाँ का वेता, तो दनियाँ थाँकाऊँ परेम राकती। पण ईं वाते के, थाँ दनियाँ का ने हो पण में थाँने दनियाँ मेंऊँ चुण लिदा हे ईं वाते दनियाँ थाँकाऊँ दसमणी राके हे।

यहुन्ना 16:11

अन न्याव की बात ईं वाते बताई, काँके परमेसर पेल्याईं ते कर मेल्यो हो के, ईं दनियाँ का हाकम ज्यो सेतान हे, वो दोसी ठेरायो ग्यो।

यहुन्ना 7:7

या दनियाँ थाँकाऊँ नपरत ने राके हे, पण माराऊँ नपरत राके हे, काँके मूँ वाँका विरोद में केऊँ के, वाँका काम बुरा हे।

यहुन्ना 8:23

ईंपे ईसू वाँने क्यो, “थाँ ईं धरती का हो पण मूँ ने हूँ, मूँ ऊपरे हरगऊँ आयो हूँ। थाँ अणी दनियाँ का हो, पण मूँ अणी दनियाँ को ने हूँ।

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

थरप्या तका का काम 19:35

तद्याँ नगर के बाबू, लोगाँ ने छाना करन क्यो “हो इपिसुस का लोगाँ, हंगळा मनक जाणे हे के, इपिसुस मोटी देवी अरतिमिस का मन्दर को रुकाळ्यो हे अन वींकी मूरत हरगऊँ अई हे।

थरप्या तका का काम 5:3

ईं बात पे पतरस क्यो, “ए हनन्या, सेतान थाँरा मन में आ बात कस्यान ले आयो के, थूँ पुवितर आत्माऊँ जूट बोले अन जगाँ-जमीं का आया रिप्या-कोड़ीऊँ थोड़ाक बंचान आपणाँ नके राक ले।

रोमियों 12:2

अबे ओर ईं दनियाँ का गेला पे मती चालो, पण थाँका मना ने नवा करन खुद ने बदल लेवो, जणीऊँ थाँ परमेसर की मरजी ने परको अणजाण सको हे, मतलब ज्यो हव अन ज्यो वींने भावे हे अन ज्यो सिद हे।

1 कुरिन्थियों 5:10

मारा केवा को ओ मतलब ने हो के, थाँ ईं दनियाँ का कुकरमी, लोबी मनकाँ, ठगी मनकाऊँ, मूरत्याँ पूजबावाळाऊँ कई भी वेवार मती राको, अस्यो वेबा पे तो थाँने ईं दनियाऊँ जाणो पड़ जाई।

1 कुरिन्थियों 6:11

अन थाँकामूँ करता तो अस्याईस हा, पण थाँ परबू ईसू मसी का नामऊँ अन आपणाँ परमेसर की आत्माऊँ धोया ग्या हो अन पुवितर वेन परमेसर का हामे सई ठेरिया हो।

2 कुरिन्थियों 4:4

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

गलातियों 1:4

ईसू मसी आपणाँ पापाँ का वाते खुद ने बली वेबा का वाते हूँप दिदो, काँके बापू परमेसर की मरजी ही के, आपाँने अणी दनियाँ का पापाऊँ छेटी राके।

इपिसियों 1:21

मसी वटे हारई मोटा राजा, अदिकारियाँ, आत्मिक सगत्याँ, मालिकाँ पे बेस अणी जुग में ने पण आबावाळा जुग में भी हाराई पद का ऊपरे राज करी।

इपिसियों 2:11

ईं वाते आद करो के थाँ जनमऊँ यहूदी ने हो। डील में मनकाँ का हाताऊँ खतनो किदा तका यहूदी मनक आपणाँ खतना पे मेपणो करे हे अन थाँने बना खतना का केवे हे।

इपिसियों 2:13

पण थाँ ज्यो पेल्याँ परमेसरऊँ छेटी हा, अबे ईसू मसी का गट-जोड़ में, मसी की मोतऊँ भड़े लाया ग्या हो।

इपिसियों 2:3

पेल्याँ आपाँ हारई भी वाँके जस्यान आपणाँ डील की हुगली मनसा के जस्यान दन बिताता हा, डील अन मन की मरजी पुरी करता हा अन दूजाँ लोगाँ के जस्यान परमेसर का दण्ड के जोगा हा।

इपिसियों 4:17

मूँ ईं वाते ओ केवूँ हूँ अन परबू का नाम में थाँने हेंचेत करूँ हूँ के, ज्यो विस्वास ने करे हे वाँके जस्यान अबे कदी भी जीवन ने जीवो, जिंको बच्यार कई काम को ने हे।

इपिसियों 4:22

थाँके पाला जीवन को चालचलन ज्यो धोको देबावाळी मरजीऊँ बगड़ग्यो हे, वींने छोड़बा का वाते थाँने हिकायो ग्यो हो।

इपिसियों 5:6

कुई थाँने फोगट की बाताँऊँ धोको ने दे, काँके ईं कामाँ का मस परमेसर की रीस वींकी आग्या ने, ने मानबावाळा पे भड़के हे।

इपिसियों 5:8

काँके थाँ तो पेल्याँ अन्दारो हा, पण अबे परबू का गट-जोड़ में थाँ उजाळो हो, ईं वाते उजाळो का मनकाँ का जस्यान चालो।

इपिसियों 6:12

काँके आपणो युद मनकाँऊँ कोयने पण आकास में रेबावाळा मोटा राजा, अदिकारियाँ, ईं अंदारा की दनियाँ में राज करबावाळी सगत्याँ अन हुगली आत्माऊँ हे।

कुलुसियों 1:21

एक टेम ही जद्याँ थाँ थाँका बच्याराँ अन हूँगला कामाँ का मस परमेसरऊँ छेटी हा अन दसमणी राकता हा।

2 तिमुतियूस 4:10

काँके देमास तो ईं दनियादारी का मो-माया में पड़न मने छोड़न थिस्सुलुनिक्यों नगर परोग्यो हे। क्रेसकेस गलातिया नगर में अन तीतूस दलमतिया नगर में परोग्यो हे।

याकूब 1:27

पण परमेसर का हामे खरी अन पुवितर भगती तो आ हे के, अनात अन विदवा के वाँके दुक सक में देक-रेक करे अन खुद पे दनियादारी को कळंक ने लागबा देवे।

याकूब 1:7

अस्यान का मनक ने ओ ने हमजणो छावे के, वींने परबूऊँ कई मल जाई।

याकूब 4:4

हो कुकरमी लोगाँ, कई थाँ ओ ने जाणो हो के, ईं दनियाऊँ भईच्यारो राकणो परमेसरऊँ दसमणी राकणी वेवे हे? ईं वाते जो दनियाऊँ भईच्यारो राके हे, वो खुद ने परमेसर को दसमण बणावे हे।

1 पतरस 1:14

आग्या मानबावाळा बाळक के जस्यान रेवो। पेल्याँ थाँकामें ज्या बुरी मरजी ही, वींके जस्यान मती रो, काँके तद्याँ थाँ बना ग्यान का हा।

1 पतरस 4:3

काँके विस्वास करबाऊँ पेल्याँ थाँ ज्यो यहूदी ने हे वाँके जस्यान लुचोपणो, बुरी मरजी, खा-पीन वेण्डा वेन, कुकरम करता तका, हरमऊँ भरिया तका काम में अन बेकार की मूरत्याँ की पुजा करता तका घणो टेम वीता नाक्यो हे।

1 यहुन्ना 3:10

थाँ कस्यान जाण सको के, कूण परमेसर को बेटा हे? कूण सेतान को बेटा हे? हरेक वीं मनक ज्यो धरम का काम ने करे अन आपणाँ विस्वासी भईऊँ परेम ने करे वीं परमेसर का आड़ीऊँ कोयने हे।

1 यहुन्ना 3:8

ज्यो भी मनक पाप करतो रेवे हे, वो सेतान को हे, काँके सेतान सरुआतऊँ पाप करतो आयो हे। ईं वाते तो परमेसर को बेटो परगट व्यो, ताँके वो सेतान का कामाँ ने नास कर देवे।

1 यहुन्ना 4:4

हो मारा प्यारा बाळकाँ, थाँ परमेसर का हो। ईं वाते थाँ जूटा परमेसर की आड़ीऊँ बोलबावाळाऊँ जितग्या हो। काँके थाँका मयने वो परमेसर वास करे हे वीं ईं दनियाँ में रेबावाळा सेतानऊँ जोरावर हे।

1 यहुन्ना 5:19

आपाँ ओ भी जाणा हा के, या हारी दनियाँ सेतान का बंस में हे, पण आपाँ परमेसर का हाँ।

1 यहुन्ना 5:4

ज्यो भी मनक परमेसर को बेटा वेई, वो दनियाँ ने जीत लेवे हे अन ईंको कारण आपणो विस्वास हे।

परकासितवाक्य 12:9

अन वीं मोटा अजगर ने धरती पे फेंक दिदा ग्यो ओ वोईस पुराणो मोटा हाँप हे जिंने दानव कन सेतान क्यो ग्यो हे। ओ हारी दनियाँ ने भरमातो रेवे। ईं अजगर ने ईंका दुताँ का हाते धरती पे फेंक दिदा ग्या।

परकासितवाक्य 13:14

वो पेला डरवाणा जनावर का हकऊँ चमत्कार बतातो हो। वो धरती पे रेबावाळा मनकाँ ने भरमातो अन बोलतो हो के, जीं पेला जनावर के तरवारऊँ घाव व्यो हो, वो ठीक वेग्यो हे, थाँ वींकी मूरत बणावो, ताँके वींने मान मले।

परकासितवाक्य 13:8

जणा मनकाँ को नाम वीं उन्याँ की जीवन की किताब में ने लिक्यो तको हो, वीं हाराई वी डरावणा जनावर के धोक लागी। अन यो उन्यो ज्यो ईं दनियाँ की सरुआतऊँ बली वेबा का वाते ते किदो ग्यो हो।

परकासितवाक्य 16:17

ईंका केड़े हातवे हरग-दुत आपणो प्यालो बईरा में उँन्धई दिदो अन मन्दर की गादीऊँ जोरकी अवाज हुणई दिदी, “हारोई खतम वेग्यो।”

परकासितवाक्य 20:2

वो वीं अजगर ने ज्या पुराणो हाँप ज्यो इबलिस अन सेतान केवातो हो, वींने पकड़न एक हजार वर का वाते हाँकळऊँ बांद दिदो।