इपिसियों 1:4 - नुवो नेम (मेवड़ी नया नियम)

⁴ जस्यान के, वाँकाणी अणी दनियाँ ने बणाबाऊँ पेल्याऊँ मसीऊँ गट-जोड़ करन आपाँने चुण लिदा, ताँके आपीं वणा की नजरा में पुवितर अन बना दोस का बण्या तका रेवा।

इपिसियों 1:4 Iomraidhean Croise

मत्ती 24:22

“यद्याँ वीं दनाँ ने परमेसर कम करबा को बच्यार ने किदो वेतो तो कुई भी मनक ने बंचतो, पण आपणाँ चुण्या जाबा का मस परमेसर वणा दनाँ ने कम करी।

मत्ती 24:24

मूँ ओ केवूँ हूँ काँके जूटा मसी अन जूटा मनक परमेसर का आड़ीऊँ बोलबा का वाते ऊबा वेई अन अस्या अस्या नरोगा हेन्याण बताई अन अचम्बावाळा काम केरी के, वीं चुण्या तका ने भी भटका देई।

मत्ती 24:31

वो रणभेरी की मोटी अवाज का हाते आपणाँ दुताँ ने खन्दाई, वीं धरती की च्यारई दिसा मेंऊँ अन बादळा का खुणाऊँ आपणाँ गण्या-चुण्या लोगाँ ने अगेटा केरी।

मत्ती 25:34

“तद्याँ राजो आपणी जीमणी पाल्ड़े वाळाऊँ केई, ‘हो मारा बापू का धन्न मनकाँ, आवो, वीं राज का हकदार वे जावो, ज्यो जग का बणावाऊँ पेल्या थाँका वाते त्यार किदो ग्यो हे।

यहुन्ना 10:16

मारे ओर भी गारा हे, ज्यो ईं बाड़ा में ने हे। मने वाँने भी लाणा घणा जरूरी हे। वीं मारी बोली ओळकी, तद्याँ एकीस रेवड़ वेई अन एकीस गवाळ्यो वेई।

यहुन्ना 15:16

थाँ मने ने चुण्यो पण में थाँने चुण्या हे अन थाँने ठेराया हे के, थाँ अस्या फळ-फळो जीं हमेस्या बण्या रेवे। तद्याँ थाँ मारा नामऊँ ज्यो कई बापऊँ मांगो, वो थाँने दे।

यहुन्ना 17:24

“हो बापू, मूँ छावूँ हूँ के, ज्याँने थाँ मने दिदा हे, वीं जटे मूँ हूँ वटे वीं भी मारा लारे वेवे। ताँके वीं मारी वणी मेमा ने देके ज्यो थाँ मने दिदी, काँके थाँ दनियाँ का बणावाऊँ पेल्याऊँ माराऊँ परेम किदो।

थरप्या तका का काम 13:48

वाँ लोगाँ जो यहूदी ने हे जद्याँ ओ हुण्यो, तो वे घणा राजी व्या अन परमेसर का वसना को मान किदो अन जणा अमर जीवन जीबा ने चुण्यो वणा विस्वास किदो।

थरप्या तका का काम 15:18

वेईस बाताँ हे, ज्याँने मूँ पेल्याऊँ केतो आरियो हूँ।’”

थरप्या तका का काम 18:10

काँके मूँ थारे हाते हूँ, अन कुई थने नकसाण करबा के वाते हमलो ने केरी, काँके अणी नगर में नरई लोग मारा हे”।

रोमियों 8:33

परमेसर का चुण्या तका मनकाँ पे कूण दोस लगा सके हे? वो परमेसर ईं हे ज्यो वाँने निरदोस बणावे हे।

1 कुरिन्थियों 1:8

परबू ईसू मसी थाँने अन्त टेम हुदी पाका राकी के, थाँ आपणाँ परबू ईसू मसी का पाच्छे आबा का दन तईं बना दोस का रे सको।

गलातियों 5:13

पण हो भायाँ, थाँने तो परमेसर आजाद वेवा के वाते बलाया हे, पण अणी आजादी ने थाँ आपणाँ सरीर का कामाँ ने पूरा करबा का वाते काम में मती लावो, पण परेम-भावऊँ एक दूजाँ की सेवा करो।

गलातियों 5:22

पण आत्मा का फळ परेम, आणन्द, मेल-मिलाप, करपा, भलई, दया, धीरज,

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

इपिसियों 2:10

काँके आपीं वींका बणाया ग्या हा अन ईसू मसी का गट-जोड़ऊँ वणा भला कामाँ वाते बणाया ग्या हाँ ज्याँने परमेसर पेल्याई आपणे करबा का वाते त्यार किदा।

इपिसियों 3:17

अन विस्वासऊँ मसी थाँका हरदा में बसे अन थाँकी जड़ा अन नीम परेम में धस जावे।

इपिसियों 4:2

ईंको मतलब दीनता अन नरमाई का हाते सेण करबा की तागत राकन परेमऊँ एक दूजाँ ने सेण करो।

इपिसियों 5:2

मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

इपिसियों 5:27

ताँके मसी वणी मण्डली ने अस्यी पुवितर अन बना दोस की बणान सजी-धजी तकी आपणाँ हामे लावे, ज्यामें ने कळंक, ने हळ, ने कई अस्यी कमी वे।

फिलिपियों 2:15

ताँके थाँ ईं टेड़ी अन नसंगी हुगली पीड़ी का बचमें परमेसर का खरा, स्यवकार अन बना दोस का छोरा-छोरी वे जावो। थाँ अस्यी दनियाँ में तारा के जस्यान चमको,

कुलुसियों 1:22

पण अबे परमेसर सरीर में मसी की देह की मोतऊँ थाँको मेल-मिलाप खुदऊँ करा दिदो हे। ताँके वो थाँने पुवितर, बना कळंक का अन निरदोस बणान खुद का हामे लावे।

कुलुसियों 2:2

मूँ यो ईं वाते करूँ हूँ, ताँके वाँका मन ने हिम्मत मले अन थाँ आपस में परेमऊँ बन्द जावो, जणीऊँ थाँ पुरी हमजऊँ हारोई धन पा लेवो अन बापू परमेसर का भेदऊँ भररियो हाँच ने, मतलब ईसू मसी ने जाण ले।

कुलुसियों 3:12

काँके थाँ परमेसर का चुण्या तका लाड़ला अन पवितर मनक हो, ईं वाते दया, भलई, नरमाई, सेण करणो अन हुदापणा ने धारण करो।

1 थिस्सुलुनिक्यों 3:12

परबू करे, जस्यान माँको परेम थाँका वाते हे वस्यानीस थाँको परेम एक-दूँजा में अन हाराई मनकाँ का हाते रात-दन बड़तो जावे।

1 थिस्सुलुनिक्यों 4:7

परमेसर आपाँने हूँगला वेबा का वाते ने पण पुवितर वेबा का वाते बलाया हे।

2 तिमुतियूस 1:9

वणा आपाँने परमेसर का मनक वेबा वाते बंचाया अन बलाया हे, ओ सोभाग्य आपणाँ पे आपणाँ कामाँ का जस्यान ने मल्यो हे, पण ओ तो वाँकी दया अन वाँका मकसद वाते आपाँ पे ने मल्यो हे, ज्यो ईसू मसी में सरुवातऊँ आपणाँ वाते हो।

2 तिमुतियूस 2:10

अणीऊँ मूँ चुण्या तका मनकाँ का वाते हारोई जेलूँ हूँ जणीऊँ वीं भी उदार ने ज्यो ईसू मसी में हे, अन वींका हाते कदी ने खतम वेबावाळा मेमा ने पा सके।

2 तिमुतियूस 2:19

पण परमेसर की पाकी नीम हाले कोयने, जिंपे आ छाप लागरी हे के, “परबू आपणाँ मनकाँ ने जाणे हे,” अन, “ज्यो कुई परबू को नाम लेवे हे, वींने बुरा कामऊँ बच्यो तको रेणो छावे।”

याकूब 2:5

हो लाड़ला भायाँ, ध्यानऊँ हुणो। कई परमेसर वाँने ने चुण्या ज्यो ईं दनियाँ की देकणी में गरीब हे, जणीऊँ वीं विस्वास का धनी वेजावे अन वीं वणी राज का हकदार बणे, जिंने परमेसर आपणाँऊँ परेम करबावाळा ने देबा को वादो किदो हे।

1 पतरस 1:2

बापू परमेसर थाँने आपणाँ पेल्या का ग्यानऊँ पेल्याई चुण लिदा हे, अन वाँकी पुवितर आत्मा थाँने पुवितर बणाया हे, अणीऊँ थाँ ईसू मसी की आग्या को पालण करो अन वींका खुनऊँ सुद वेवो। थाँका पे परमेसर की करपा अन सान्ती वेती रेवे।

1 पतरस 1:20

वींने ईं धरती की रचना वेबाऊँ पेल्याँई चुण लिदो ग्यो हो, पण थाँ लोगाँ का वाते आकरी दनाँ में वींने परगट किदो ग्यो।

1 पतरस 2:9

पण थाँ तो अस्या मनक कोयने हो, थाँ तो परमेसर का थरप्या तका मनक हो, थाँ रजवाड़ी याजकाँ की टोळी अन पुवितर परवार का हो, परमेसर थाँने अंदारा का राज मेंऊँ अचम्बावाळा उजिता में लाया हे, जणीऊँ थाँ परबू का अचम्बावाळा काम का बारा में बता सको।

2 पतरस 3:14

ईं वाते हो मारा लाड़ला भायाँ, थाँ अणा बाताँ की वाट नाळरिया हो, ईं वाते थाँ पुरी कोसीस करो के, परमेसर की नजरा में खरा, बना दोस का अन सान्तीऊँ रेबावाळो केवावो।

1 यहुन्ना 4:16

जस्यान को परेम परमेसर आपाऊँ राक्यो हे वींने आपाँ जाणा हाँ अन आपाँ वींमें विस्वास भी किदो हे। परमेसरइस परेम हे। ज्यो भी मनक परेम करे हे वो वींमें बण्यो तको रेवे हे अन परमेसर वींमें वास करे हे।

परकासितवाक्य 13:8

जणा मनकाँ को नाम वीं उन्याँ की जीवन की किताब में ने लिक्यो तको हो, वीं हाराई वी डरावणा जनावर के धोक लागी। अन यो उन्यो ज्यो ईं दनियाँ की सरुआतऊँ बली वेबा का वाते ते किदो ग्यो हो।

परकासितवाक्य 17:8

जीं डरावणा जनावर ने थें देक्यो हे, वो अबे ने, पण पेल्याँ जीवतो हो, पण वो पाताळऊँ निकळबा वाळो हे, अन तद्याँ वींको नास वे जाई। धरती पे रेबावाळा वीं मनक ज्याँका नाम सरुआतऊँ ईं जीवन की किताब में ने लिक्या हे, वीं ईं डरावणा जनावर ने देकन अचम्बो करी, काँके ओ पेला जीवतो हो पण अबे ने, तद्याँ भी वो आबावाळो हे।