इपिसियों 1:17 - नुवो नेम (मेवड़ी नया नियम)

¹⁷ मूँ अरज करिया करूँ हूँ के, आपणाँ परबू ईसू मसी का परमेसर जी मेमाऊँ भरिया तका हे, थाँने अकल अन चोड़ो करबावाळी आत्मा दे देई, ताँके थाँ परमेसर ने जान सको।

इपिसियों 1:17 Iomraidhean Croise

मत्ती 11:25

वीं दाण ईसू क्यो, “हो परम बापू, हरग अन धरती का परबू, मूँ थाँको धन्नेवाद करूँ हूँ के, थाँ अणा बाताँ ने ग्यानी अन स्याणाऊँ हपान राकी अन भोळा मनकाँ पे परगट किदी हे।

मत्ती 11:27

“मारा परम बापू मने हारोई हूँप्यो हे, परमेसर के अलावा कुई बेटा ने कोयने जाणे हे, अन ने कुई बेटा के अलावा परमेसर ने जाणे हे, पण अबे वीं मनक परमेसर ने जाणे हे जाँने बेटो बतावे हे।

मत्ती 16:17

ईसू वाँने जवाब दिदो, “हो समोन, योना का पूत, थूँ धन्न हे, काँके थने आ बात कणी मनक ने क्यो, पण मारा बाप ने ज्यो हरग में हे, आ बात थाँरा पे परगट किदी हे।

मत्ती 20:33

वाँकाणी वाँने क्यो “ओ परबू, ओ करो के, माँ देकबा लाग जावा।”

मत्ती 6:13

माँने अस्यी तागत देज्यो ताँके, माँ हारी तरिया की परक को सामनो कर सका, अन माने बुरईऊँ बचावो। काँके राज अन तागत अन मेमा हमेस्यान थाँकीस हे।’” आमीन।

लूका 12:12

काँके पुवितर आत्मा थाँने हिकाई के, वणी टेम थाँने कई केणो हे।”

लूका 2:14

“हरग में परमेसर की बड़ई अन धरती पे वाँ मनकाँ ने सान्ती मले, ज्याऊँ वो राजी हे।”

लूका 21:15

मूँ थाँने अस्या बोल अन अकल देवूँ के, थाँका हाराई दसमण थाँको सामनो ने कर सकी अन थाँने रोक ने पाई।

यहुन्ना 14:17

वाँ पुवितर आत्मा हे। ज्या दनियाने ने मल सके हे, काँके दनियाँ वींने ने देक सके हे अन ने ओळके हे। पण थाँ वींने ओळको हो, काँके वाँ थाँका लारी रेई अन वाँ थाँकामें वास करी।”

यहुन्ना 14:26

पण हण्डाळी को मतलब पुवितर आत्मा जिंने परमेसर मारा नामऊँ खन्दाई, वाँ थाँने हारी बाताँ हिकाई अन ज्यो कई में थाँकाऊँ क्यो हे, वो हारोई थाँने आद अवाड़ी।

यहुन्ना 16:3

वीं यो ईं वाते करी काँके, वीं बापू परमेसर ने ने जाणे अन ने मने जाणे हे।

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

यहुन्ना 20:17

ईसू वींने क्यो, “मारे हात मती लगा, काँके मूँ अबाणू बाप का नके ने ग्यो हूँ। पण, मारा भायाँ का नके जान वाँने के दे के, ‘मूँ मारा बाप अन थाँका बाप अन मारा परमेसर अन थाँका परमेसर का नके ऊपरे जारियो हूँ।’ ”

थरप्या तका का काम 6:10

पण, वो पुवितर आत्माऊँ मली तकी अस्यी अकल की बाताँ केतो के, वे वींका हामे ने आ सक्या।

थरप्या तका का काम 7:2

इस्तीपनुस जवाब दिदो, “ओ यहूदी भई-बन्दा अन बड़ा-बुड़ा लोगाँ हुणो, आपणाँ बापू अबराम हारान देस में रेबाऊँ पेल्याँ जद्याँ मेसोपोटामियाँ में हो, तद्याँ वींने मेमामय परमेसर दरसावो दिदो

रोमियों 1:28

वणा मनकाँ परमेसर का ग्यान ने ओळकणो किमती ने हमज्या, ईं वाते परमेसर भी वाँने वाँकी फालतू मरजी का जस्यान छोड़ दिदा। अन वीं हूँगला काम करबा लागग्या, ज्याँने करणा सई ने हे।

रोमियों 15:6

जणीऊँ थाँ एक मन अन एक अवाज वेन आपणाँ परबू ईसू मसी का बापू परमेसर की मेमा करो।

1 कुरिन्थियों 12:8

अन ईं आत्माऊँ किंने तो अकलऊँ बात करबा को अन वणीइस आत्माऊँ दूजाँ ने ग्यानऊँ बात करबा को वरदान दिदो जावे हे।

1 कुरिन्थियों 14:6

हो विस्वासी भायाँ यद्याँ मूँ थाँका नके आन दरसण, परमेसर का आड़ीऊँ बात, हिक देबावाळी अन ग्यान देबावाळी बाताँ ने बोलूँ पण अलग अलग बोली बोलूँ तो थाँने माराऊँ कई नफो?

1 कुरिन्थियों 2:10

पण परमेसर वणा भेद की बाताँ ने आपणी आत्माऊँ आपाँने परगट किदा, काँके आत्मा हाराई बाताँइस ने पण परमेसर का भेद की बाताँ भी जाणे हे।

1 कुरिन्थियों 2:8

जिंने ईं दनियाँ का हाकिमा मूँ कणी ने जाण्यो, काँके जाणता तो मेमावान परबू ने हूळी पे ने चड़ाता।

2 कुरिन्थियों 12:1

मेपणो करबा को कई नफो ने हे, तो भी मूँ करूँ हूँ, ईं वाते मूँ परबूऊँ मल्या दरसण अन परकासण को बखाण करूँ।

इपिसियों 1:3

आपणाँ परबू ईसू मसी का बापू, परमेसर की मेमा वेवे, काँके वणा आपाँने हरग में मसीऊँ हंगळी तरियाँ की आत्मिक आसिसाँ दिदी हे।

इपिसियों 3:5

पुराणी टेम में ईं राज ने मनकाँ पे परगट ने किदो ग्यो हो, अबाणू परमेसर पुवितर आत्माऊँ वींका पुवितर थरप्या तका अन वाँका आड़ीऊँ बोलबावाळा पे परगट किदो ग्यो।

इपिसियों 4:13

ओ तद्याँ तईं वेई जद्याँ तईं आपाँ हाराई विस्वास में अन परमेसर का बेटा का ग्यान में एक कोयने वे जावाँ अन मसी का हारई गुण में पाका कोयने वे जावाँ।

फिलिपियों 3:15

ईं वाते आपाँ मूँ हाराई मोतबीराँ ने अस्याईस बच्यार राकणा छावे। यद्याँ कणी बात में किंको दूज्यो बच्यार वे तो परमेसर वाँने भी हमजा देई।

2 तिमुतियूस 2:25

अन ज्यो विरोद करे वाँने नरमाईऊँ हमजबा वाळो वेणो छावे, कई पतो, परमेसर वाँने भी आपणी गलती मानन मापी माँगबा को मन दे देवे अन वीं भी हाँच जाण जावे।

तीतूस 1:1

मूँ ईसू मसी का नामऊँ थरप्यो तको परमेसर को दास पोलुस, ओ कागद तीतूस ने लिकरियो हूँ। मने परमेसर का चुण्या तका मनकाँ ने विस्वास में बडाबा का वाते खन्दायो हे, जणीऊँ वीं हाँच ने जाणन हाँचो जीवन जीवे।

याकूब 2:1

हो मारा भायाँ, थाँ मेमामय परबू ईसू मसी पे विस्वास राकबावाळा हो, ईं वाते थाँका बचमें भेद-भाव ने वेणो छावे।

2 पतरस 1:3

जीवन जीवबा का वाते अन परमेसर की सेवा करबा का वाते जो कई भी आपणे छावे हे, वो हारोई परमेसर आपणी तागतऊँ आपाँने दिदो हे। काँके आपाँ वींने जाणा हाँ, जणी आपणी धारमिकता अन मेमा की वजेऊँ आपाँने बलाया हे।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।

परकासितवाक्य 7:12

पछे वणा क्यो, “आमीन! आपणाँ परमेसर की जे-जेकार, मेमा, अकल, धन्नेवाद, मान, तागत अन सगती हमेस्यान बणी तकी रेवे। आमीन।”