इपिसियों 1:11 - नुवो नेम (मेवड़ी नया नियम)

¹¹ परमेसर ज्यो कई करी आपणी मन की मरजी अन ते किदी तकी बात के जस्यान करी अन परमेसर आपाँने खुद का मकसद के जस्यानीस वाँके खुद की परजा बणबा का वाते ईसू मसी का हाते गट-जोड़ करन चुण्या हा, जिंने वणा पेल्याई ते कर मेल्यो हो।

इपिसियों 1:11 Iomraidhean Croise

थरप्या तका का काम 13:48

वाँ लोगाँ जो यहूदी ने हे जद्याँ ओ हुण्यो, तो वे घणा राजी व्या अन परमेसर का वसना को मान किदो अन जणा अमर जीवन जीबा ने चुण्यो वणा विस्वास किदो।

थरप्या तका का काम 2:23

ईसू ने परमेसर आपणी पाक्की ओजणा अन पेली का ग्यानऊँ होच-हमजन थाँने हूँप्यो अन थाँकाणी वींने नीच मनकाँ का हाताँ में पकड़वान हूळी पे खीलाँ ठुकवान मरवा नाक्यो।

थरप्या तका का काम 20:27

काँके मूँ परमेसर की हारी मरजी ने थाँने बताबा वाते कदी आगो-पाछो ने व्यो।

थरप्या तका का काम 20:32

अबे मूँ थाँने परमेसर अन वींकी करपा का संदेसा में थाँने हूँप दूँ हूँ। वोईस थाँने बणाई अन वींका मनकाँ ज्याँने पुवितर किदा हे वाँका हण्डे थाँने भी बापोती देई।

थरप्या तका का काम 26:18

थूँ वाँकी आक्याँ ने खोले अन वीं अंदाराऊँ उजिता का आड़ी, अन सेतान की सगतिऊँ परमेसर का आड़ी फरे ताँके वाँने पापाऊँ मापी मले अन परमेसर का चुण्या तका लोगाँ के हाते वीं भी बापोती में भेळा वेवे।’

थरप्या तका का काम 4:28

वीं हारोई करबा ने भेळा व्या, ताँके जो पेल्याऊँ थाँकी तागत अन मरजीऊँ पूरो व्यो हो, वो पूरो वेवे।

रोमियों 11:34

जस्यान सास्तर लिक्यो तको हे के, “परबू का मन ने कूण जाणे हे? अन वींने सला देबावाळो कूण वे सके हे?”

रोमियों 8:17

अन यद्याँ आपाँ वींकी ओलाद हा, तो परमेसर का वारिस अन मसी का हाते पांतीदार भी हा। अन यद्याँ हाँची में आपाँ वींके हाते दक-सक में पांतीदार हा, तो वींके हाते आपाँने भी मेमा भी पांतीदार हा।

रोमियों 8:28

अन आपाँ जाणा हा के, ज्यो मनक परमेसरऊँ परेम राके हे, वणा का वाते हारी बाताँ मलन भलई लावे हे। जीं परमेसर का मकसद का जस्यान बलाया ग्या हे।

रोमियों 8:29

जिंने वणा पेल्याईं चुण्या, वाँने वणी आपणो बेटा का जस्या बणाबा का वाते ते किदो, जणीऊँ नरई भायाँ मेंऊँ वो पेली पतो का बणे।

रोमियों 8:30

ज्याँने वणी पेल्याँईं चुण मेल्या हा, वाँने वणी बलाया अन ज्याँने वणी बलाया वाँने धरमी भी ठेराया हे, अन ज्याँने वणी धरमी ठेराया, वाँने वणी मेमा भी दिदी हे।

रोमियों 9:11

जोड़ला बाळक का जनमऊँ पेल्याँ अन वाँका कुई भी भलो-बुरो करबाऊँ पेल्याँ, परमेसर रिबकाऊँ क्यो, “मोटो बेटो फोरा की सेवा करी।” ताँके परमेसर के चुणाव को मकसद पूरो वेवे के, परमेसर को चुणाव वाँ दुयाँ के करमा का जस्यान ने हो। पण परमेसर की बुलाहट का जस्यान हे।

गलातियों 3:18

काँके यद्याँ बापोती मूसा का नेमाऊँ मले तो पछे वादाऊँ ने मलती, पण परमेसर आपणी दयाऊँ अबराम ने बापोती वादाऊँ दिदी।

इपिसियों 1:14

परमेसर आपणाँ लोगाँ ने ज्यो देबा वाते वादो किदो हे, ईंको पुवितर आत्मा गारन्टी का जस्यान हे, जद्याँ तईं वो आपणाँ लोगाँ ने पुरी तरियाऊँ छुटकारो ने देई। ईंका मस आपीं वींकी मेमा की बड़ई करा।

इपिसियों 1:18

अन थाँका मन की आक्याँ खुल जावे ताँके थाँने पतो चाल जावे के वा आस कई हे, जिंका वाते थाँने वणा बलाया हे। अन जणी हक ने वो आपणाँ हारई पुवितर लोगाँ ने देई, वो कतरो मोटो अन अनमोल हे।

इपिसियों 1:5

वाँकाणी परेम का हाते पेल्याँऊँ ओ ते किदो के, आपाँ ईसू मसीऊँ वाँकी गोद लिदी तकी ओलाद बणा। याईस वाँकी मरजी अन खुसी की बात ही।

इपिसियों 1:8

वाँ करपा परमेसर आपणाँ ऊपरे नरी ऊँदा दिदी हे। अन वणा आपणी हारी अकल अन हमज का हाते

इपिसियों 1:9

वाँका मरजी का राज ने आपणाँ में परगट किदो, जिंने ईसू मसीऊँ पूरो करबा का वाते वणा पेल्याइस खुसीऊँ ते कर लिदो हो।

इपिसियों 3:11

परमेसर ओ, आपणाँ अमरकाळ का मकसद के जस्यान किदो हो अन ईंने आपणाँ परबू ईसू मसीऊँ किदो हो।

कुलुसियों 3:24

आद राको के, परबू आपणाँ लोगाँ का वाते ज्यो ईनाम ते कर मेल्यो हे, वो थाँने देई, काँके थाँको हाँचो मालिक मसी हे।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

तीतूस 3:7

वीं करपाऊँईस आपाँ परमेसर का हामे सई ठेरा हा, जणीऊँ कदी ने खतम वेबावाळा जीवन का वारिस वेवा, जिंकी आपाँ आस राका हाँ।

इब्रानियों 6:17

परमेसर खुद का होगनऊँ वादा का वारिस ने या बात ओरी साप साप करणी छाया हा के, वीं आपणो बचन कदी ने टाळी। अस्यान वणा होगनऊँ वादा ने पको किदो।

याकूब 2:5

हो लाड़ला भायाँ, ध्यानऊँ हुणो। कई परमेसर वाँने ने चुण्या ज्यो ईं दनियाँ की देकणी में गरीब हे, जणीऊँ वीं विस्वास का धनी वेजावे अन वीं वणी राज का हकदार बणे, जिंने परमेसर आपणाँऊँ परेम करबावाळा ने देबा को वादो किदो हे।

1 पतरस 1:4

अबे थाँ हरग में राकी तकी बापोती का वारिस वेग्या हो, ज्या ने कदी हड़ी ने कदी नास वेई अन ने कदी खुवई।

1 पतरस 3:9

बुरई का बदले बुरई मती करो। जद्याँ कुई थाँकी बेजती करे, तो वींके हाते थाँ भी वींकी बेजती मती करो पण वींका बदले थाँ वींने आसिरवाद दो, काँके परमेसर थाँने आसिरवाद का वारिस वेबा का वाते बलाया हे।