इपिसियों 1:10 - नुवो नेम (मेवड़ी नया नियम)

¹⁰ परमेसर को ओ बच्यार हो के, सई टेम आबा पे अन दन पूरा वेबा पे हरग की अन धरती की हारी चिजाँ ने मसी का अदिकार में लावे।

इपिसियों 1:10 Iomraidhean Croise

मत्ती 25:32

अन दनियाँ का हाराई मनक वाँका हामे भेळा वेई अन जस्यान गवाळ गारा ने बकरियाँऊँ अलग कर देवे हे, वस्यानीस वीं वाँने एक-दूजाऊँ अलग करी।

मरकुस 1:15

वाँकाणी क्यो, “अबे टेम पुरी वेगी हे अन परमेसर को राज आरियो हे। थाँ मन बदलो अन परमेसर का हव हमच्यार पे विस्वास करो।”

1 कुरिन्थियों 10:11

पण ईं हारी बाताँ, ज्यो वाँका पे अस्यान घटी के वाँका वाते एक हिक वीं अन आपणे चेतावणी का वाते लिकी गी काँके दनियाँ की अन्त टेम नके हे।

1 कुरिन्थियों 11:3

पण मूँ छावूँ हूँ के, थाँ ओ जाण लो के, लुगई को मातो वींको धणी हे, मनक को मातो मसी हे अन मसी को मातो परमेसर हे।

गलातियों 4:4

पण जदी ते किदो टेम पूरो वेग्यो, तो परमेसर आपणाँ छोरा ने आपणाँ नके खन्दायो, ज्यो एक कूँवारी लुगईऊँ जनम्यो अन मूसा का नेमाँ का केबा में रियो।

इपिसियों 1:22

परमेसर हारई ने मसी का पगतळ्याँ कर दिदा अन वणाईस वींने विस्वास्याँ की मण्डली का वाते हाराऊँ मोटो मुक्यो बणायो।

इपिसियों 2:15

वणा मूसा का नेम अन वींका काण-कायदा का हाते मटा दिदा हे ताँके वो दुयाँ ने आपणाँ गट-जोड़ऊँ एक नुवो मनक बणावे अन मेल-मिलाप करे।

इपिसियों 3:15

ज्याऊँ हरग अन दनियाँ में, हाराई परवाराँ ने ओळकाण मले।

इपिसियों 3:2

परमेसर करपा करन थाँकी भलई का वाते ज्यो काम मने हुप्यो हो, वींका बारा में थाँ हुण्योईस वेई।

कुलुसियों 1:16

काँके वाँकाऊँईस परमेसर हंगळी चिजाँ बणाई पलई हरग की वो कन धरती की, दिकबावाळी कन ने दिकबावाळी, पलई सिंघासन, राज, राजा अन अदिकारी, अन हंगळी चिजाँ वींकाऊँईंस बणी अन वींका वातेईस बणी तकी हे।

कुलुसियों 1:20

परमेसर हूळी पे मसी का बलीदान का लुईऊँ हारी चिजाँ ने मलान आपणाँ नके पाच्छी ले आबा को ते कर दिदो। पलई वीं धरती वे कन परमेसर का राज की।

कुलुसियों 3:11

ईं वाते अबे मसी में ने कुई युनानी कन यहूदी, खतनावाळा कन बना खतनावाळा, ने जंगली हाव-भाव, ने बना अकल अन ने गुलाम कन आजाद, रियो हे। अणामें कई फरक ने रियो हे बेस मसीइस हारोई हे अन अणा हाराई में भी वींइस हे।

इब्रानियों 1:2

पण अबे अणा आकरी दनाँ में परमेसर आपणाँ बेटा का जरिये आपाऊँ बाताँ किदी, अन वणीऊँस वणा ईं बरमाण्ड की रचना किदी। अन पछे वींने हारी चिजाँ पे अदिकारी बणायो।

इब्रानियों 11:40

परमेसर का नके आपणी ओजणा का जस्यान आपणाँ का वाते ओरी हव बात ही, ताँके वाँ आपणे बना सिद ने वे सके।

इब्रानियों 9:10

ईं हारी चिजाँ तो खाबा-पिबा, नावा-धोबा का सुद वेबा का मनकाँ का अलग अलग नेम हे। अन ईं नेम जद्याँ तईं परमेसर को आगलो क्रम लागू ने वेजावे, वतरे लागू रेई।

1 पतरस 1:20

वींने ईं धरती की रचना वेबाऊँ पेल्याँई चुण लिदो ग्यो हो, पण थाँ लोगाँ का वाते आकरी दनाँ में वींने परगट किदो ग्यो।

परकासितवाक्य 5:9

वीं एक नुवो गीत गाबा लागा हा के, “थाँ ईं किताब ने अन ईंपे लागी तकी मोराँ ने खोलबा जोगो हो, काँके थाँ बली चड़न थाँका लुईऊँ हाराई कुल का मनकाँ ने, हारी बोली बोलबावाळा ने, हारी जात्या का मनकाँ ने परमेसर वाते मोल लिदो हे।