इपिसियों 1:1 - नुवो नेम (मेवड़ी नया नियम)

¹ मूँ पोलुस ज्यो, परमेसर की मरजीऊँ ईसू मसीऊँ खास थरप्यो तको मनक हूँ, परमेसर का पुवितर मनक ज्यो ईसू मसी ने माने हे अन इपिसुस नगर में रेवे हे, अणाने ओ कागद लिकरियो हूँ।

इपिसियों 1:1 Iomraidhean Croise

लूका 16:10

ज्यो थोड़ाऊँ थोड़ा में हाँचो हे, वो हेला में भी हाँचो निकळी। ज्यो थोड़ाऊँ थोड़ो में अधरमी हे। वो हारी बाताँ में भी अधरमी वेई।

थरप्या तका का काम 16:15

जदी वा लुगई अन वींका परवारवाळा हंगळा हाते बतिस्मो लिदो तो वणी माँकी मनवार किदी के, “यद्याँ थाँ मने परमेसर में विस्वास करबावाळी लुगई हमजो, तो अटूँ मारे हाते चालो अन मारे घरे रो।” जद्याँ तईं माँ राजी ने व्या, तद्याँ तईं वा मनवार करतिइस री।

थरप्या तका का काम 18:19

वणी इपिसुस नगर में जान वणा दुई ने वटेईस छोड़्या अन यहूदियाँ का परातना घर में जान यहूदियाँऊँ बात-बच्यार करबा लागो।

थरप्या तका का काम 18:21

पण पोलुस ओ केन वाँका नकेऊँ ग्यो, “यद्याँ परमेसर की मरजी वेई तो थाँका नके पाछो आऊँ”। तद्याँ वो इपीसुसऊँ जाँज में बेटन चाल पड़्यो।

थरप्या तका का काम 9:13

हनन्या जबाव दिदो, “परबू, में ईं मनक के वाते नरई लोगाऊँ हुण्यो हे। यरूसलेम में थाँने मानबावाळा लोगाँ की लारे अणी जो भी बुरो किदो हो, वो हारोई में हुण्यो हे।

रोमियों 1:1

मूँ पोलुस ज्यो ईसू मसी को दास अन थरप्यो तको चेलो हूँ, परमेसर मने चुणन आपणाँ हव हमच्यार को परच्यार करबा वाते ठेरायो। यो कागद मूँ थाँ हाराई रोम में रेबावाळा मनकाँ का नाम लिकरियो हूँ, जीं परमेसर का लाड़ला हे अन पुवितर वेबा का वाते बलाया ग्या हे। आपणाँ बापू परमेसर अन परबू ईसू मसी का आड़ीऊँ थाँने करपा अन सान्ती मले। हव हमच्यार जिंको वादो परमेसर का आड़ीऊँ बोलबावाळा पेल्याई पुवितर सास्तर में किदो हो। यो हव हमच्यार परमेसर का बेटा का बारा में हे, ज्यो देह का भावऊँ तो दाऊद का बंस में जनम्यो हो। अन पुवितर आत्मा की पवितरताऊँ वींने मरिया तकाऊँ जीवतो करन तागत का हाते परमेसर को बेटो ठेरायो ग्यो अन ईंस ईसू मसी आपणाँ परबू हे। मसी का आड़ीऊँ परमेसर मने करपा अन थरप्यो तको चेलो बणबा को अदिकार दिदो हे के, धरती का हाराई मनकाँ के वाँपे विस्वास करबा में अन वाँकी हिक में चालबा का वाते आगेवाणी करूँ, जणीऊँ वाँके नाम की मेमा वेवे। थाँ ज्यो रोम में हो थाँ भी ईंमें आवो हो, थाँने परमेसर ईसू मसी का वेबा वाते बलाया हे।

रोमियों 8:1

तो अबे ज्यो ईसू मसी में बण्या तका हे, वाँका वाते कई दण्ड ने हे।

1 कुरिन्थियों 4:12

माकाँ हाताऊँ काम करता तका माँ मेनत-मजदूरी करा हाँ। जद्याँ माँने कुई हराप देवे हे तो माँ वींने आसिरवाद देवाँ हाँ। अन जद्याँ माँने हतावे तो माँ वींने सेण करा हाँ।

1 कुरिन्थियों 4:17

ईं वाते मूँ तिमुतियुस ने ज्यो परबू का गट-जोड़ में लाड़लो अन मारा विस्वास जोगो बेटो हे, वींने थाँका नके खन्दायो हे, वो थाँने ईसू मसी में मारा वेवार का बारा में बताई, जिंने में हरेक जगाँ अन हरेक मण्डळ्याँ में हिकऊँ हे।

2 कुरिन्थियों 1:1

यो कागद मूँ पोलुस ज्यो परबू ईसू मसी की मरजीऊँ खन्दायो तको चेलो हूँ अन भई तिमुतियुस कुरिन्तुस नगर की मण्डली ने अन अखाया का हाराई परमेसर का मनकाँ ने लिकरिया हाँ।

गलातियों 1:1

यो कागद पोलुस का आड़ीऊँ जिंने थरप्यो तको चेलो वेबा का वाते चुण्यो ग्यो, वो ने तो मनकाँ का आड़ीऊँ अन ने मनकाऊँ चुण्यो ग्यो, वो तो ईसू मसी अन परम बापू परमेसर की ओरुँ चुण्यो ग्यो, जणा ईसू मसी ने मरिया तकाऊँ जीवता किदा हा।

गलातियों 3:26

थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो।

गलातियों 3:28

ईं वाते अबे ने कुई यहूदी, ने कुई युनानी, ने कुई दास ने आजाद, ने कुई मनक ने लुगई, काँके थाँ हाराई ईसू मसी में एक हो।

गलातियों 3:9

ईं वाते ज्यो मनक विस्वास करे हे, वीं हाराई विस्वासी अबराम का हाते आसीस पाई।

इपिसियों 1:15

ईं वाते, जद्याँऊँ में परबू ईसू पे थाँका विस्वास अन हारई परमेसर का पुवितर मनकाँ का वाते थाँका परेम का बारा में हुण्यो हे,

इपिसियों 2:10

काँके आपीं वींका बणाया ग्या हा अन ईसू मसी का गट-जोड़ऊँ वणा भला कामाँ वाते बणाया ग्या हाँ ज्याँने परमेसर पेल्याई आपणे करबा का वाते त्यार किदा।

इपिसियों 2:13

पण थाँ ज्यो पेल्याँ परमेसरऊँ छेटी हा, अबे ईसू मसी का गट-जोड़ में, मसी की मोतऊँ भड़े लाया ग्या हो।

इपिसियों 2:6

आपणो ईसू मसी का हाते गट-जोड़ हो, ईं वाते परमेसर आपाँने ईसू मसी का हाते पाच्छा जीवता कर दिदा अन हरग में वाँके नके बेठाया।

इपिसियों 6:21

मूँ कस्यान हूँ अन कई कररियो हूँ ईं हारी बाताँ परबू का विस्वास जोगो दास अन लाड़लो भई तुखिकुस थाँने बताई।

कुलुसियों 1:2

मसी में परमेसर का विस्वासी भायाँ ने नाम ओ कागद लिकरिया हे ज्यो कुलुस्से नगर में रेवे हे। आपणाँ बाप परमेसर का आड़ीऊँ थाँने दया अन सान्ती मले।

परकासितवाक्य 17:14

वीं उन्याँऊँ लड़ी, पण वो उन्यो आपणाँ बलाया तका, चुण्या तका अन आपणाँ गेले चालबावाळा मनकाँ ने हाते लेन वींने हरा देई, काँके वो उन्यो राजावो को भी राजा अन परबू को भी परबू हे।”

परकासितवाक्य 2:10

जो दुक थने जेलणो हे वणीऊँ मती दरप, काँके सेतान थाँका मेंऊँ घणा ने परकबा का वाते जेल में नाक देई। थने वटे दस दनाँ तईं दुक जेलणो पड़ी, पण थूँ हाँचो रेज्ये पलई थाँरी मोत ईं कानी वे जावे। तो मूँ थने जुग-जुग का जीवन को मुकट देऊँ।

परकासितवाक्य 2:13

मूँ जाणूँ हूँ के, थूँ वटे रेवे हे जटे सेतान की गाद्दी हे। अन मारा ईं नाम पे विस्वास करे हे जद्याँ के, थाँरा नगर में मारो विस्वास जोगो दास अन्तिपास वटे मारिया ग्यो, जटे सेतान की जगाँ हे। तो भी थूँ विस्वासऊँ ने छेटी व्यो।