कुलुसियों 4:6 - नुवो नेम (मेवड़ी नया नियम)

⁶ थाँकी बोली हरदाण दयाळू अन मिठी वे, ताँके थाँ जाण सको के, हाराई मनकाँ ने कस्यान जवाब देणो हे।

कुलुसियों 4:6 Iomraidhean Croise

मत्ती 5:13

“थाँ धरती का हाराई मनकाँ का वाते लूण हो, पण यद्याँ लूण को हवाद बगड़ जावे तो वो पाछो खारो ने बणायो जा सके हे। अन नेई वो कई कामे आवे हे पण वींने फेंक दिदो जावे, जणीऊँ वो मनकाँ का पगाँऊँ गुद्‍यो जावे।”

मरकुस 9:50

“लूण हव हे। पण, जदी लूण आपणो खार छोड़ देवे, तो वींने पाछो खारो कस्यान बणा सको? “खुद में उजळो करबावाळो लूण राको अन एक-दूजाऊँ सन्तोकऊँ रेवो।”

लूका 4:22

हाराई लोगाँ ईसू की बड़ई किदी अन जी दया की बाताँ वींका मुण्डाऊँ निकळी ही, वाँने हुणन अचम्बो किदो। वी केबा लागा, “कई यो युसुप को बेटो ने हे?”

इपिसियों 4:29

थाँका मुण्डाऊँ कई नकसाण करबावाळी बाताँ ने निकळणी छावे, पण लोगाँ के धिज्यो बंदाबा का वाते ज्याँने जरूत हे, अस्यी हव बाताँइस निकळणी छावे, ताँके ज्यो हुणे वाँको भलो वे।

कुलुसियों 3:16

मसी का बचना ने आपणाँ हरदा में नराऊँ-नरा वसबा दो अन हाराई ग्यानऊँ एक दूजाँ ने हिकावो अन हेंचेत करता रेवो। थाँका हरदाऊँ परमेसर को धन्नेवाद करता तका भजन, बड़ई का गीत अन आत्मिक गीत गाता रेवो।

1 पतरस 3:15

पण मसी ने परबू जाणन थाँ थाँका मनऊँ वाँको आदर करो। यद्याँ कुई थाँने थाँकी आस का बारा में पूछे, तो वींने जवाब देबा का वाते हमेस्या त्यार रेज्यो।