कुलुसियों 3:8 - नुवो नेम (मेवड़ी नया नियम)

⁸ पण थाँ अणा हारी चिजाँ का हाते अबे गुस्सो अन रीस, रिस्याँ बेळणो, गाळा काड़णी, हुगली बाताँ ने परी छोड़ दो।

कुलुसियों 3:8 Iomraidhean Croise

मत्ती 5:22

पण मूँ थाँकाऊँ यो केऊँ हूँ के, ज्यो कुई आपणाँ भई पे रीस करी, वो सबा में दण्ड के जोगो मान्यो जाई। ज्यो कुई आपणाँ भई ने बेजत करी वींने मोटी सबा में दण्ड के जोगो मान्यो जाई। ज्यो कुई आपणाँ भई ने हराप देवे हे, वो नरक की वादी के जोगो वेई।

मरकुस 7:22

लोब-लाळच, हरेक तरे की दुस्टता, छळ-कपट, नागोपणो, रिस्याँ, नन्दयाँ, मेपणो अन बेण्डापणो बारणे आवे।

रोमियों 13:13

तो काँ ने आपाँ भी वणी तरियाऊँ रेवा, जस्यान मनक दन का उजिता में रेवे हे। ने तो खा-पीन धुत रेबावाळा का जस्यान, ने कुकरम, लुचापणा करबावाळा की तरियाँ अन ने लड़बावाळा का जस्यान अन ने रिस्याँ बळबावाळा का जस्यान।

1 कुरिन्थियों 3:3

काँके थाँ अबाणू तईं दनियाँ का मनकाँ का जस्यान हो, ईं वाते थाँकामें रिस्याँ बलणो अन कळेस मोजुद हे, तो कई थाँ दनियाँ का सांसारिक मनक ने हो अन थाँ सांसारिक मनकाँ के जस्यान वेवार करो हो?

2 कुरिन्थियों 12:20

काँके मने दरपणी हे के, जद्याँ मूँ थाँका नके आऊँ अन जस्यान थाँने देकणा छावूँ वस्यान थाँ मने ने मलो। जस्यान थाँ मने देकणा छारिया हो, वणीऊँ अलग मूँ थाँने ने मलूँ। मने आ भी दरपणी हे के, कदी थाँका मयने आपस की लड़ई, जळन, गुस्सो, एक दूजाँ की के हुणई, थाँकी खुद की कस्यी बुरी चाल, अन बेजती, आमी-हामी अन दादागिरी अन काम बगाड़्यो तको ने मले।

गलातियों 5:15

पण थाँ तो आपस में एक-दूजाऊँ बेर राको हो, अन यद्याँ थाँ अस्यानीस करता रिया तो ध्यान राकज्यो के, एक दन आपस में एक दूजाँ ने मार ने नाको।

गलातियों 5:20

मूरताँ ने पुजणी, जादु-मन्तर, बेर, लड़ायाँ, घरणा, गुस्सो, बुरी नजर, एक दूजाँ की खोट्याँ खाणी, मेपणो,

गलातियों 5:26

आपाँने ने तो मेपणो करबावाळा अन ने एक-दूँजा ने हताबावाळा, अन नेई रिस्याँ बळाबावाळा बणणा छावे।

इपिसियों 4:22

थाँके पाला जीवन को चालचलन ज्यो धोको देबावाळी मरजीऊँ बगड़ग्यो हे, वींने छोड़बा का वाते थाँने हिकायो ग्यो हो।

इपिसियों 4:25

ईं वाते थाँ जूट बोलणो छोड़ दो। आपणाँ हण्डाळ्याऊँ हारई ने हाँच बोलणो छावे, काँके आपाँ हाराई एकीस डील का अंग हाँ।

इपिसियों 4:26

रीस में आन पाप मती करो अन दन आत्याँ पेल्याइस आपणी रीस ने खतम कर दो।

इपिसियों 4:29

थाँका मुण्डाऊँ कई नकसाण करबावाळी बाताँ ने निकळणी छावे, पण लोगाँ के धिज्यो बंदाबा का वाते ज्याँने जरूत हे, अस्यी हव बाताँइस निकळणी छावे, ताँके ज्यो हुणे वाँको भलो वे।

इपिसियों 5:4

लाज अन फोगट की बाताँ अन हूँगला चुटकला की बाताँ थाँका बचमें ने वेणी छावे, पण वाँकी जगाँ पे थाँने धन्नेवाद देणो छावे।

कुलुसियों 3:5

ईं वाते थाँ कुकरम, हूँगला पणो, बुरी वासना, हुगली मरजी, लोब-लाळच ज्यो मूरत पुजा का जस्यान को हे, अस्यान का दनियादारी का गुण ने आपणाँ मेंऊँ मार दो।

कुलुसियों 3:9

एक-दूजाऊँ जूट मती बोलो, काँके थाँ थाँका जूना मनकपणा ने वींकी आदत का हाते छोड़ दिदो हे,

1 तिमुतियूस 1:13

पेल्याँ मूँ परमेसर का बारामें बुरो बोलबावाळो, वींका मनकाँ ने हताबावाळो अन वाँकी मजाक करबावाळो मनक हो। ईंका केड़े भी मारा पे दया वी, काँके एक बना विस्वासवाळा का जस्यान अणजाण में ईं हाराई में काम किदा हा।

1 तिमुतियूस 1:20

हुमिनयुस अन सिकन्दर अस्याईस हा, ज्याँने में सेतान का हाताँ में दे दिदा हे, ताँके वाँने परमेसर की बुरई ने करबा को पाट हिकायो जा सके।

इब्रानियों 12:1

ईं वाते जद्याँ गवा की एक मोटी भीड़ आपणाँ च्यारूँमेर हे, तो आवो, आड़ी देबावाळी हारी चिजाँ ने अन उलजाबा पाप ने छेटी करा अन ज्या दोड़ आपाँने दोड़णी हे, वींने सेण करता तका दोड़ता रा।

याकूब 2:7

अन कई वीं मसी का उतम नाम की बुरई ने करे? ज्यो थाँने दिदो ग्यो हे।

1 पतरस 2:1

ईं वाते थाँ छळ, ढोग, वेर भाव, कपट, दूजाँ पे दोस लगाणो अस्यी बुरईऊँ बंचन रेज्यो।

2 पतरस 2:18

ईं मनक बेकार में मेपणा की बाताँ करन कुकरम की कामाँ के वजेऊँ वणा मनकाँ ने जीं अबे भटक्या तका मनक मेंऊँ निकाळणो छारियो हे वाँने देह की मनसा में फसा लेवे हे।

2 पतरस 2:7

पण लुत धरमी मनक हो, ईं वाते परमेसर वींने बंचा लिदो हो, काँके वो पापी मनकाँ का पाप करबा की वजेऊँ दकी वेतो हो

यहूदा 1:13

ईं मनक आपणाँ बुरा का जस्यान फेलाई, जस्यान तोफान की लेराऊँ समन्द जाग फेके हे। ईं अस्यान का तारा हे जी एक जस्यान ने चाले हे, ज्याँका वाते जुग-जुग तईं बळबा वाते वादी बणईगी हे।

यहूदा 1:8

अस्यानीस वीं मनक जी थाँकी मण्डळ्याँ में आग्या हे, जीं हूँगला काम करता रेवे हे अन आपणी देह ने बगाड़रिया हे अन केवे हे अस्यान करबा का वाते परमेसर माने हपना में क्यो हे। वीं परमेसर की तागत ने बेकार हमजे अन हरग-दुताँ का विरोद में बोले हे।

परकासितवाक्य 16:9

जणीऊँ वणा मनकाँ को तपतऊँ बुरो हाल वेग्यो अन वीं परमेसर की नन्दयाँ करबा लाग्या, पण वणा आपणो मन ने बदल्यो अन ने परमेसर की मेमा किदी।