कुलुसियों 3:12 - नुवो नेम (मेवड़ी नया नियम)

¹² काँके थाँ परमेसर का चुण्या तका लाड़ला अन पवितर मनक हो, ईं वाते दया, भलई, नरमाई, सेण करणो अन हुदापणा ने धारण करो।

कुलुसियों 3:12 Iomraidhean Croise

मत्ती 24:22

“यद्याँ वीं दनाँ ने परमेसर कम करबा को बच्यार ने किदो वेतो तो कुई भी मनक ने बंचतो, पण आपणाँ चुण्या जाबा का मस परमेसर वणा दनाँ ने कम करी।

मत्ती 24:24

मूँ ओ केवूँ हूँ काँके जूटा मसी अन जूटा मनक परमेसर का आड़ीऊँ बोलबा का वाते ऊबा वेई अन अस्या अस्या नरोगा हेन्याण बताई अन अचम्बावाळा काम केरी के, वीं चुण्या तका ने भी भटका देई।

मत्ती 24:31

वो रणभेरी की मोटी अवाज का हाते आपणाँ दुताँ ने खन्दाई, वीं धरती की च्यारई दिसा मेंऊँ अन बादळा का खुणाऊँ आपणाँ गण्या-चुण्या लोगाँ ने अगेटा केरी।

मरकुस 13:20

अन जदी परमेसर वाँ दनाँ ने कम ने किदा वेता, तो ईं धरती पे कुई ने बंच सकतो। पण, वाँ गण्या-चुण्या मनक का वाते, जाँने वणा चुण्या हे, वाँ दनाँ ने कम किदा हे।

मरकुस 13:22

काँके जूटा मसी अन जूटा मनक परमेसर का आड़ीऊँ बोलबावाळा आई। वे अस्या अस्या गजब का परच्या बतई अन अस्या अचम्बा में नाकबा का काम करी के, वे सके तो वे परमेसर का चुण्या तका लोगाँ ने भी डापा में नाक देई।

मरकुस 13:27

पछे वे आपणाँ हरग दुताँ ने खन्दाई अन वीं धरती की च्यारई दिसा मेंऊँ अन बादळा का खुणाऊँ आपणाँ गण्या-चुण्या लोगाँ ने अगेटा केरी।

लूका 1:78

आपणाँ परमेसर की दयाऊँ आपणाँ पे मुगतीदातो एक उगता तका सुरज का उजितो का जस्यान हरगऊँ आपणाँ ऊपरे वेई,

लूका 18:7

तो कई परमेसर आपणाँ चुण्या तका को हाँचो न्याव ने करी, जी रात-दन वाँकाऊँ अरज करता रेवे हे। कई वी वाँका न्याव करबा में मोड़ो करी?

रोमियों 13:14

पण परबू ईसू मसी का हाव-भाव ने धारण करलो, अन आपणाँ पापी वेवार ने अन मन की मरजी ने काबू में राको।

रोमियों 9:11

जोड़ला बाळक का जनमऊँ पेल्याँ अन वाँका कुई भी भलो-बुरो करबाऊँ पेल्याँ, परमेसर रिबकाऊँ क्यो, “मोटो बेटो फोरा की सेवा करी।” ताँके परमेसर के चुणाव को मकसद पूरो वेवे के, परमेसर को चुणाव वाँ दुयाँ के करमा का जस्यान ने हो। पण परमेसर की बुलाहट का जस्यान हे।

1 कुरिन्थियों 13:4

काँके जिंमें परेम वेवे हे वो धिज्यो राके हे अन दया करे हे अन वो रिस्याँ ने बळे हे अन ओ खुद की बड़ई ने करे अन मेपणोऊँ मोटो ने वेवे हे।

2 कुरिन्थियों 6:6

खुद ने पुवितर राकन, ग्यान अन धीरजऊँ, अन दया करन अन पुवितर आत्माऊँ, हाँचा परेमऊँ

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

इपिसियों 1:4

जस्यान के, वाँकाणी अणी दनियाँ ने बणाबाऊँ पेल्याऊँ मसीऊँ गट-जोड़ करन आपाँने चुण लिदा, ताँके आपीं वणा की नजरा में पुवितर अन बना दोस का बण्या तका रेवा।

इपिसियों 4:2

ईंको मतलब दीनता अन नरमाई का हाते सेण करबा की तागत राकन परेमऊँ एक दूजाँ ने सेण करो।

इपिसियों 4:24

अन थाँ नुवा चालचलन ने पेरलो, ज्यो परमेसर का गुण का जस्यान रच्यो ग्यो हे अन ज्यो हाँची में पुवितर अन परमेसर का हामे सई हे।

इपिसियों 4:32

एक दूजाँ का वाते करपा वाळा अन दयाळू बणो अन एक दूजाँ का गुना ने वस्यानीस माप करो जस्यान परमेसर थाँने मसीऊँ माप किदा।

फिलिपियों 1:8

ईंमें परमेसर मारा गुवा हे के, मूँ ईसू मसी का लगावऊँ थाँ हाराई का वाते वाट नाळरियो हूँ।

कुलुसियों 3:10

अन थाँ नुवा मनकपणा ने पेर लिदो हे, जणीऊँ थाँ आपणाँ बणाबावाळा परमेसर का जस्यान अन वाँके पाका ग्यान में हमेस्यान नुवा बणता जावो हो।

1 थिस्सुलुनिक्यों 5:15

कुई भी बुरई का बदले बुरई ने करे, पण एक दूजाँ को अन हाराई मनकाँ को भलो करबा का वाते आगता रेवो।

2 तिमुतियूस 1:9

वणा आपाँने परमेसर का मनक वेबा वाते बंचाया अन बलाया हे, ओ सोभाग्य आपणाँ पे आपणाँ कामाँ का जस्यान ने मल्यो हे, पण ओ तो वाँकी दया अन वाँका मकसद वाते आपाँ पे ने मल्यो हे, ज्यो ईसू मसी में सरुवातऊँ आपणाँ वाते हो।

2 तिमुतियूस 2:10

अणीऊँ मूँ चुण्या तका मनकाँ का वाते हारोई जेलूँ हूँ जणीऊँ वीं भी उदार ने ज्यो ईसू मसी में हे, अन वींका हाते कदी ने खतम वेबावाळा मेमा ने पा सके।

तीतूस 1:1

मूँ ईसू मसी का नामऊँ थरप्यो तको परमेसर को दास पोलुस, ओ कागद तीतूस ने लिकरियो हूँ। मने परमेसर का चुण्या तका मनकाँ ने विस्वास में बडाबा का वाते खन्दायो हे, जणीऊँ वीं हाँच ने जाणन हाँचो जीवन जीवे।

1 पतरस 1:2

बापू परमेसर थाँने आपणाँ पेल्या का ग्यानऊँ पेल्याई चुण लिदा हे, अन वाँकी पुवितर आत्मा थाँने पुवितर बणाया हे, अणीऊँ थाँ ईसू मसी की आग्या को पालण करो अन वींका खुनऊँ सुद वेवो। थाँका पे परमेसर की करपा अन सान्ती वेती रेवे।

2 पतरस 1:10

ईं वाते हो भायाँ, थाँ यो दिकाबा का वाते घणा ताकड़े रेवो के, थाँ हाँची में परमेसर का आड़ीऊँ बलाया अन चुण्या ग्या हो, काँके यद्याँ थाँ अणा हारी बाताँने करता रेवो, तो कदी ठोकर ने खावो अन नेई कदी रेटे पड़ो।

1 यहुन्ना 4:19

आपाँ ईं वाते परेम करा हाँ, काँके परमेसर पेल्याँ आपणाँऊँ परेम किदो हे।

2 यहुन्ना 1:13

थाँरी बेन का बेटा-बेटी भी थने नमस्कार केवे हे। ज्याँने भी परमेसर चुण्या हे।

परकासितवाक्य 17:14

वीं उन्याँऊँ लड़ी, पण वो उन्यो आपणाँ बलाया तका, चुण्या तका अन आपणाँ गेले चालबावाळा मनकाँ ने हाते लेन वींने हरा देई, काँके वो उन्यो राजावो को भी राजा अन परबू को भी परबू हे।”