कुलुसियों 3:11 - नुवो नेम (मेवड़ी नया नियम)

¹¹ ईं वाते अबे मसी में ने कुई युनानी कन यहूदी, खतनावाळा कन बना खतनावाळा, ने जंगली हाव-भाव, ने बना अकल अन ने गुलाम कन आजाद, रियो हे। अणामें कई फरक ने रियो हे बेस मसीइस हारोई हे अन अणा हाराई में भी वींइस हे।

कुलुसियों 3:11 Iomraidhean Croise

यहुन्ना 14:23

ईसू वींने क्यो, “यद्याँ कुई माराऊँ परेम राकी, तो वो मारा बचनाने मानी, अन मारा बापू वाँकाऊँ परेम करी अन माँ वाँका नके आवा अन वाँका हाते रेवा।

यहुन्ना 15:5

“मूँ अंगूरा की वेलड़ी हूँ, थाँ डाल्याँ हो, ज्यो मारा में बणी रेवे हे अन मूँ वाँमें वाँ हेला फळ देवे हे। काँके माराऊँ न्यारा वेन थाँ कई भी ने कर सको हो।

यहुन्ना 17:23

मूँ वाँका में अन थाँ मारा में वेवो, जणीऊँ वीं पुरी तरियाऊँ आपाँ में एक वे जावे। अन दनियाँ जाणे के, थाँ मने खन्दायो हे, अन जस्यान थाँ माराऊँ परेम किदो वस्यानीस वाँकाऊँ भी परेम करो हो।

थरप्या तका का काम 15:17

ईंका वाते हारी दनियाँ का लोग जो बंच्या तका हे, वीं परबू ने होदे जो यहूदी ने हे, वाँने में बलाया हे, वे हारई मारा नके आई।

थरप्या तका का काम 28:2

वटे रेबावाळा लोग माकाँ पे दया किदी, काँके बरका वरवाऊँ ठन्ड लागरी ही, ईं वाते वणा वादी लगान माँ हारा की आवभगत किदी।

थरप्या तका का काम 28:4

जद्याँ वटा का रेबावाळा मनक वींका हात पे हाँप पळेट्यो तको देक्यो तो एक-दूजाऊँ क्यो, “हाँची में ओ मनक हत्यारो हे, समन्द में तो ओ बंचग्यो पण न्याव ईंने जीवतो ने रेवा देई”

रोमियों 1:14

काँके मूँ युनानी, जंगली, ग्यानी अन अग्यानी हाराई मनकाँने हव हमच्यार हुणाबा का वाते खुद ने जिमेदार हमजूँ हूँ।

रोमियों 10:12

यहूदी मनकाँ में अन ज्यो यहूदी ने हे वाँ मनकाँ में कई फरक ने हे, काँके वीं हाराई को एकीस परबू हे। अन वींकी मान दया वाँ हाराई वाते हे ज्यो वींको नाम लेवे हे।

रोमियों 3:22

हाराई विस्वास्याँ का वाते ईसू मसी में विस्वास का हाते बना भेद-भाव करिया परमेसर का आड़ीऊँ मलबावाळी धारमिकता परगट किदी गी हे।

रोमियों 3:29

कई परमेसर बेस यहूदी मनकाँ कोईस हे? कई वी ज्यो यहूदी ने हे, वाँ मनकाँ को ने हे? ने, वीं ज्यो यहूदी ने हे वाँका भी परमेसर हे।

1 कुरिन्थियों 12:13

काँके आपाँ हाराई में पलई यहूदी वो, पलई ज्यो यहूदी ने हे वीं वो, पलई दास वो, पलई आजाद वे, आपाँ हाराई ने एकीस आत्माऊँ एकीस देह वेबा का वाते बतिस्मो दिदो ग्यो हे अन आपाँने एकीस आत्मा दिदी गी हे।

1 कुरिन्थियों 14:11

अन यद्याँ मूँ कणी बोली को मतलब ने जाणूँ सकूँ तो मूँ बोलबावाळा की नजराँ में बारवासी हूँ अन वो बोलबावाळो मारी नजराँ में बारवासी हे।

1 कुरिन्थियों 7:19

खतनो तो कई ने हे, अन नेई खतनो ने वेणो कई हे, बेस परमेसर की आग्या ने मानणीस हारोई हे।

गलातियों 2:20

मूँ अबे जीवतो कोयने हूँ, पण मूँ ईसू मसी में जीवतो हूँ अन मूँ अणी देह में जीवतो हूँ तो बेस ईसू पे विस्वास करबा का मस जीवतो हूँ, ज्यो परमेसर को बेटो हो अन वणी माराऊँ अतरो परेम किदो के, आपणाँ खुद ने मारा वाते दे दिदो।

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

इपिसियों 1:23

विस्वास्याँ की मण्डली मसी को डील अन भरपुरी हे। अन मसी हाराई ने पूरो करे हे।

इपिसियों 2:14

काँके वणीस यहूदी अन ज्यो यहूदी ने हा वाँने मेल-मिलाप करन एक बणा दिदा अन वाँका डीलऊँ वाँ दुयाँ ने अलग करबावाळी दसमणी की भींत ने धड़ई दिदी।

इपिसियों 2:15

वणा मूसा का नेम अन वींका काण-कायदा का हाते मटा दिदा हे ताँके वो दुयाँ ने आपणाँ गट-जोड़ऊँ एक नुवो मनक बणावे अन मेल-मिलाप करे।

इपिसियों 3:17

अन विस्वासऊँ मसी थाँका हरदा में बसे अन थाँकी जड़ा अन नीम परेम में धस जावे।

इपिसियों 3:6

ओ राज ओ हे के, हव-हमच्यारऊँ यहूदियाँ का हाते ज्यो यहूदी ने हे वी भी वारिस वेवे अन एकीस डील का भाग वे अन ईसू मसी का गट-जोड़ऊँ परमेसर का वादा में पाँती लेवे।

इपिसियों 6:8

थाँ तो जाणो हो के, पलई हाळी वे कन पलई आजाद, परबू वाँने वणाके भला काम का जस्यान फळ देई।

कुलुसियों 2:10

अन थाँ वींका मेंईस पाका व्या तका हो, ज्यो हाराई परदानाँ अन आत्मिक सगत्याऊँ घणो मोटो हे।

1 यहुन्ना 5:20

अणी बात ने भी आपाँ जाणा हाँ के, परमेसर का बेटा ईसू मसी आया अन आपाँने हमज दिदी, जणीऊँ हाँचा परमेसर ने जाण सका अन आपाँ वींके हाते रेवा ज्यो हाँचो हे मतलब वींका बेटा ईसू मसी का हाते। योईस हाँचो परमेसर अन अनंत जीवन देबावाळो हे।

2 यहुन्ना 1:9

ज्यो मनक परबू की हिकऊँ न्यारो वे जावे हे, वो परमेसर का नके ने जा सके, पण ज्यो भी मनक मसी की हिक ने माने हे, वींके नके बापू परमेसर अन वींको बेटा दुई रेवे हे।