कुलुसियों 3:10 - नुवो नेम (मेवड़ी नया नियम)

¹⁰ अन थाँ नुवा मनकपणा ने पेर लिदो हे, जणीऊँ थाँ आपणाँ बणाबावाळा परमेसर का जस्यान अन वाँके पाका ग्यान में हमेस्यान नुवा बणता जावो हो।

कुलुसियों 3:10 Iomraidhean Croise

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

रोमियों 12:2

अबे ओर ईं दनियाँ का गेला पे मती चालो, पण थाँका मना ने नवा करन खुद ने बदल लेवो, जणीऊँ थाँ परमेसर की मरजी ने परको अणजाण सको हे, मतलब ज्यो हव अन ज्यो वींने भावे हे अन ज्यो सिद हे।

रोमियों 13:12

रात वेबावाळी हे अन दन उगबावाळो हे। ईं वाते आवो, अंदारा का काम करणा छोड़ दा अन लड़बा का वाते उजिता का हत्यार लीला।

रोमियों 13:14

पण परबू ईसू मसी का हाव-भाव ने धारण करलो, अन आपणाँ पापी वेवार ने अन मन की मरजी ने काबू में राको।

रोमियों 6:4

तो वींकी मोत को बतिस्मो लेबाऊँ आपाँ भी वींके हातेईस गाड़्या ग्या हा, ताँके जस्यान परमेसर की मेमा की तागत का मस मसी ने मरिया तकाऊँ जिवाया हा वस्यानीस आपाँ भी एक नुवो जीवन जीवाँ।

रोमियों 8:29

जिंने वणा पेल्याईं चुण्या, वाँने वणी आपणो बेटा का जस्या बणाबा का वाते ते किदो, जणीऊँ नरई भायाँ मेंऊँ वो पेली पतो का बणे।

2 कुरिन्थियों 3:18

जद्याँ आपाँ उगाड़ा मुण्डाऊँ काँस का जस्यान परबू की चमक को चलको पाड़ा हाँ, तो आपाँ भी वींके जस्यान वेबा लागा हाँ अन वाँ चमक आपाँ में ओरू भी हेलीऊँ हेली वेबा लागे हे अन आ चमक भी परबू का आड़ीऊँइस आवे हे, मतलब आत्माऊँ।

2 कुरिन्थियों 4:16

जद्याँ के आपाँ देह कमजोर वेती जारी हे, तद्याँ भी आपाँ निरास ने वेवा हाँ काँके आपणी अंतर-आत्मा नुवी वेती जारी हे।

2 कुरिन्थियों 4:6

काँके परमेसर क्यो हो के, “अन्दारा में उजितो चमकी” अन वोईस आपणाँ हरदा में चमक्यो हे, जणीऊँ आपाँने ईसू मसीऊँ परमेसर की मेमा का वाते ग्यान को उजितो मल सके।

2 कुरिन्थियों 5:17

ईं वाते अबे ज्यो भी मसी में हे, वो परबू की नुवी रचना हे। पुराणी बाताँ परीगी हे अन अबे हारोई नुवो वेग्यो हे।

गलातियों 3:27

अन थाँकामूँ जतरा ईसू मसी में बतिस्मो लिदो हे वणा हाराई ईसू मसी ने मान लिदा हे।

गलातियों 6:15

काँके ने खतना करबा को नफो हे अन ने खतनो ने कराबा को नफो हे, नफो हे तो बेस नुवी रचना को हे।

इपिसियों 2:10

काँके आपीं वींका बणाया ग्या हा अन ईसू मसी का गट-जोड़ऊँ वणा भला कामाँ वाते बणाया ग्या हाँ ज्याँने परमेसर पेल्याई आपणे करबा का वाते त्यार किदा।

इपिसियों 2:15

वणा मूसा का नेम अन वींका काण-कायदा का हाते मटा दिदा हे ताँके वो दुयाँ ने आपणाँ गट-जोड़ऊँ एक नुवो मनक बणावे अन मेल-मिलाप करे।

कुलुसियों 3:12

काँके थाँ परमेसर का चुण्या तका लाड़ला अन पवितर मनक हो, ईं वाते दया, भलई, नरमाई, सेण करणो अन हुदापणा ने धारण करो।

कुलुसियों 3:14

अणा हारी बाताँ का ऊपरे परेम ने धारण करलो, काँके परेमईस हे ज्यो यो अणा हारी बाताँ ने हव तरियाऊँ भेळी करन राके हे।

फिलेमोन 1:6

मारी परातना या हे के, थाँ थाँका विस्वास ने हव तरियाऊँ बाटबावाळा वे जावो, ताँके ज्या भलई ईसू मसी में आपणाँ हाते हे, वींने थाँ पुरी तरियाऊँ हमज सको।

इब्रानियों 6:6

यद्याँ ईं मनक भटक जावे, तो अणाको मन फेरान पाच्छा परमेसर का गेला पे लाणा घणा अबका हे। काँके ईं परमेसर का बेटा ने आपणाँ वाते पाछो हूळी पे चड़ावे हे अन वींने परगट करन वींको अपमान करे हे।

1 यहुन्ना 2:3

परमेसर ने हाँची में जाणबा का वाते एकीस गेलो हे के, आपाँ वींका आदेस ने मानाँ अन जद्याँ आपाँ अस्यान करा हाँ, तो वींने हाँची में जाण लेवा हाँ।

1 यहुन्ना 2:5

पण ज्यो भी मनक परमेसर का बचना ने माने हे, तद्याँ वींका में परमेसर को परेम रेवे हे, काँके योईस एक गेलो हे, जणीऊँ आपाँ परमेसर में कल्डा बण्या तका रे सका हा।

परकासितवाक्य 21:5

ज्यो गादी पे बेट्या तको हे वणी क्यो, “देको, मूँ हारोई नुवो कररियो हूँ।” पछे पाछो वणी क्यो, “लिकी ले, काँके यो बचन विस्वास करबा के जोगो अन हाँचो हे।”