कुलुसियों 3:1 - नुवो नेम (मेवड़ी नया नियम)

¹ जदी थाँ हंगळा मसी के हाते आत्मा में पाच्छा जीवता व्या हो, तो थाँको मन हरग की चिजाँ पे लगावो। जटे ईसू मसी परमेसर का जीमणी पाड़े बेटा तका हे।

कुलुसियों 3:1 Iomraidhean Croise

मत्ती 22:44

“‘परबू, मारा परबूऊँ क्यो, मारा जींमणी पाल्ड़े बेटन राज कर, जद्याँ तईं मूँ थाँका दसमणा ने थाँका पगतळ्याँ ने कर दूँ।’”

मत्ती 26:64

ईसू वाँने क्यो, “थें खुदई के दिदो, पण मूँ थाँकाऊँ ओ भी केवूँ हूँ के, अबेऊँ थाँ मनक का पूत ने मेमावान परमेसर का जीमणा पाल्ड़े बेट्यो तको अन आकास का वादळा पे आतो तको देको।”

मत्ती 6:20

पण अणीऊँ यो हव हे के, थाँ आपणाँ वाते हरग में हाँची धन-दोलत भेळी करो, वटे ने तो किड़ा अन जंग वींने हड़ा सके हे। अन ने चोर वटे चोरी सके हे।

मत्ती 6:33

ईं वाते पेल्या थाँ परमेसर का राज ने होदो अन हाँच पे चालो, तो ईं हारी चिजाँ भी थाँने मल जाई।

मरकुस 12:36

दाऊद खुद पुवितर आत्मा की बात हुणन क्यो, “‘परबू परमेसर मारा परबूऊँ क्यो, मारा जीमणा पाल्ड़े बेट, जतरे मूँ थाँरा दसमणा ने पगाँ का बाजोट ने कर दूँ।’”

मरकुस 14:62

ईसू बोल्यो, “मूँ हूँ, थें मनक का पूत ने, वीं सगतीवान का जीमणा पाल्ड़े बेटो अन हरगऊँ आता तका बादळा में देको।”

मरकुस 16:19

जदी परबू ईसू वाँकाऊँ बात कर लिदी, तो वे हरग में उठा लिदा ग्या। वो परमेसर का जीमणा पाल्ड़े जान बेटग्या।

लूका 12:33

ईं वाते आपणी धन-दोलत ने बेचन दान कर दो अन आपणाँ वाते अस्या खुल्या वणावो, जी जूना ने वेवे हे। हरग में अस्यो धन भेळो करो, ज्यो ने घटे अन नेई कुई वींको नकसाण कर सके हे अन नेई वटे कुई चोर जा सके हे अन ने वटे किड़ा लागे हे।

लूका 20:42

काँके दाऊद खुद भजन की किताब में केवे हे के, “परबू परमेसर, मारा परबूऊँ क्यो, मारा जीमणा पाल्डे बेट।

लूका 22:69

पण, अबे मूँ मनक को पूत सबाऊँ तागतवर परमेसर का जीमणा पाल्ड़े बेटायो जाऊँ।”

थरप्या तका का काम 2:34

दाऊद खुद तो हरग में ने ग्यो, पण वो केवे हे, “‘परमपिता परमेसर मारा परबूऊँ क्यो के, मारा जीमणा पाल्डे बेटो,

थरप्या तका का काम 7:55

पण, पुवितर आत्माऊँ भरियो तको इस्तीपनुस हरग दयने देक्यो अन वीं परमेसर की मेमा अन ईसू ने परमेसर का जीमणे पाल्डे ऊबो देक्यो।

रोमियों 8:34

पछे कूण हे ज्यो आपाँने दोसी बतावे? काँके ईसू मसी आपणाँ वाते मरग्यो हो अन वींने पाछो जिवायो ग्यो। वोईस हे ज्यो परमेसर का जीमणा पाल्ड़े बेटो हे अन आपणाँ वाते अरज करे हे।

रोमियों 8:6

देह की बाताँ पे मन लगाणो तो मोत हे, पण आत्मा पे मन लगाणो जीवन अन सान्ती हे।

2 कुरिन्थियों 4:18

ज्यो कई दुक दिके हे वींने आपणी आक्याँ ने देके हे, पण वाँ चिजाँ दिके कोनी, वीं देके हे। काँके ज्यो चिजाँ दिके हे, वाँको नास वे जाई, पण ज्यो ने देके, वीं अमर रेई।

इपिसियों 4:10

अन ज्यो रेटे उतरियो हो, वो वोईस हे ज्यो आकासऊँ ऊपरे भी चड़ग्यो के, हारी चिजाँ ने भर सके।

इपिसियों 5:22

ओ लुगायाँ, आपणाँ-आपणाँ धणी का केवाँ में रेवो जस्यान परबू का।

कुलुसियों 2:20

जद्याँ के, थाँ मसी का हाते दनियाँ का रिति-रिवाज के आड़ीऊँ मरग्या हो, तो पछे काँ वणाके जस्यान ईं दनियाँ का रिवाजाँ में जीवन बितारियाँ हो?

कुलुसियों 3:2

धरती की चिजाँ का बारा में मती होचो पण हरग की चिजाँ का बारा में होचो।

इब्रानियों 1:13

परमेसर कदी भी कणी हरग-दुत ने अस्यान ने क्यो के, “थूँ मारे जीमणे पाल्डे बेट जा, जद्याँ तईं मूँ थाँरा दसमणा ने, थाँरा पगाँ का बाजोट ने कर दूँ।”

इब्रानियों 1:3

वो बेटो परमेसर की मेमा को उजितो हे अन जस्यान परमेसर का लकण हे, वस्यानीस वींका भी लकण हे। वो हारी चिजाँ ने आपणाँ जबरा बचनाऊँ हमाळी राके हे। मनकाँ का पापाँ ने माप करन वो हरग में जान मेमामय परमेसर का जीमणे पाल्डे बेटग्यो हे।

इब्रानियों 10:12

पण ईसू मसी तो एक याजक का रूप में पाप का वाते एकीस दाण हमेस्यान का वाते बली वेन परमेसर का जीमणे हात आड़ी जान बेटग्यो।

इब्रानियों 12:2

विस्वास का मालिक अन वींने सिद करबावाळा ईसू मसी का आड़ी आपाँ देकता रा। जणी आपणाँ हामें राक्या तका आणन्द का वाते लाज-सरम की चन्ता ने किदी अन हूळी पे दुक जेल्यो अन परमेसर की गादी के जीमणे पाल्डे जान बेटग्यो।

इब्रानियों 8:1

ज्यो कई आपाँ केरिया हा, वणा मूँ खास बात तो या हे के, आपणाँ नके एक अस्यो मायाजक हे ज्यो हरग में मेमावान परमेसर का गादी का जीमणा पाल्डे बेट्यो तको हे।

1 पतरस 3:22

वो हरग में परमेसर का जीमणा पाल्डे बेट्यो तको हे, अन अबाणू हरग-दुत, अदिकारी अन हारी सगत्याँ वींके बंस में कर दिदी गी हे।