कुलुसियों 2:7 - नुवो नेम (मेवड़ी नया नियम)

⁷ अन वींका मेंईस थाँ जड़ गाटी पकड़ीन बड़ता जावो अन थाँका जीवन का विस्वास की नीम वटेईस नाको अन हेलऊँ हेलो परमेसर ने धन्नेवाद करता रेवो।

कुलुसियों 2:7 Iomraidhean Croise

लूका 6:48

वीं वणी मनक का जस्यान वेई, जणी घर बणाती दाण नीम ने उण्डी खोदन मोटी छाँट पे घर बणायो हो अन बाड़ अई जद्याँ वणी के टकरई पण वणी घर ने हला ने सकी, काँके वो सई तरियाऊँ पाको बण्यो तको हो।

रोमियों 16:25

परमेसर की बड़ई वेवे। ईसू मसी का हव हमच्यार जिंको मूँ परच्यार करूँ हूँ, ईंके अन परमेसर को अबाणू परगट किदो ग्यो ईं भेंद जस्यान जिंको हाँच जुग-जुगऊँ हप्यो तको हे, वींके जस्यान परमेसर थाँने गाटा बणाबा में तागतवर हे।

1 कुरिन्थियों 1:8

परबू ईसू मसी थाँने अन्त टेम हुदी पाका राकी के, थाँ आपणाँ परबू ईसू मसी का पाच्छे आबा का दन तईं बना दोस का रे सको।

1 कुरिन्थियों 15:58

ईं वाते हो विस्वासी भायाँ विस्वास में बना आगा-पाछा व्या गाटा बण्या तका रेवो अन परबू को काम करबा वाते खुद ने त्यार राको, काँके थाँ तो जाणो हो के, परबू वाते किदो ग्यो काम बेकार ने वे जावे।

2 कुरिन्थियों 1:21

अन ज्यो थाँने भी मारा हाते ईसू मसी की वजेऊँ जोड़े हे अन आपाँने चुण्या हे, वीं परमेसरइस हे।

इपिसियों 3:17

अन विस्वासऊँ मसी थाँका हरदा में बसे अन थाँकी जड़ा अन नीम परेम में धस जावे।

इपिसियों 4:21

थाँ पको ईसू का बारा में हुण्यो अन वींका बारा में थाँने भणाया भी ग्या हा के, हाँच ईसू में वास करे हे।

इपिसियों 5:20

अन हरदाण हारी बाताँ का वाते आपणाँ परबू ईसू मसी का नामऊँ आपणाँ बापू परमेसर को धन्नेवाद करता रेवो।

कुलुसियों 1:23

ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

कुलुसियों 3:17

परमपिता परमेसर को धन्नेवाद करता तका ज्यो कई थाँ केवो कन करो हारोई परबू ईसू का नामऊँ करिया करो।

1 थिस्सुलुनिक्यों 5:18

हरेक बाताँ में धन्नेवाद देता रेवो, काँके थाँका वाते ईसू मसी में परमेसर की याईस मरजी हे।

2 थिस्सुलुनिक्यों 2:17

वो थाँने हरेक हव काम वाते अन बचना में पाका करी अन थाँका हरदा में सान्ती देई।

इब्रानियों 13:15

ईं वाते आपाँ ईसू का जरिये गुणगान रूपी बलीदान मतलब वणा होटा को फळ जीं वींको नाम लेवे हे, परमेसर ने हमेस्यान चड़ाया करे।

इब्रानियों 13:9

अलग अलग तरियाँ का अणजाणी हिकऊँ भटको मती, काँके थाँका मन का वाते यो हव के, वो खाबा-पिबा की नेमा का बजाए दयाऊँ मजबूत बणे। अन जणा खाबा-पिबा का नेमाने मान्याँ वणाऊँ वाँको कदी भलो कोनी व्यो।

1 पतरस 5:10

अबे परमेसर, जीं दया करबावाळा अन दया का दाता हे, वींइस थाँने मसी में जुग-जुग का वाते खुद की मेमा करबा वाते बलाया हे। थाँने थोड़ोक दुक जेलबा केड़े, वो खुदई थाँने गाटा, जोरावर अन पाका बणाई।

यहूदा 1:12

ईं मनक थाँका हाते परेम को दिकावो करे हे अन थाँका हाते खावे पिवे हे, पण ईं तो समन्द का मयने हपी तकी मंगरी का जस्यान हे। ईं वणा गवाळ्याँ का जस्यान हे, ज्याँने गाराऊँ कई मतलब ने हे, वीं तो आपणो पेट भरणो जाणे हे। ईं वीं बना पाणीवाळा वादळा का जस्यान हे जिंने बईरो उड़ान ले जावे हे, ईं जंगल का वाँ रूँकड़ा का जस्यान हे, ज्याँके फळ ने लागे हे अन ज्याँने जड़ हमेत उकाड़ नाक्या वेवे।

यहूदा 1:20

पण हो भायाँ, थाँ एक-दूँजा ने आत्मिक रूपऊँ पुवितर विस्वास का हाते आगे बड़ता रेज्यो अन पुवितर आत्मा का हाते परातना करतो रेज्यो।

यहूदा 1:24

परमेसर थाँने पापऊँ बंचान आपणाँ हामे निरदोस साबत करन अन राजी करन आपणी मेमा करबा का वाते ऊबो कर सके हे।