कुलुसियों 2:2 - नुवो नेम (मेवड़ी नया नियम)

² मूँ यो ईं वाते करूँ हूँ, ताँके वाँका मन ने हिम्मत मले अन थाँ आपस में परेमऊँ बन्द जावो, जणीऊँ थाँ पुरी हमजऊँ हारोई धन पा लेवो अन बापू परमेसर का भेदऊँ भररियो हाँच ने, मतलब ईसू मसी ने जाण ले।

कुलुसियों 2:2 Iomraidhean Croise

मत्ती 11:25

वीं दाण ईसू क्यो, “हो परम बापू, हरग अन धरती का परबू, मूँ थाँको धन्नेवाद करूँ हूँ के, थाँ अणा बाताँ ने ग्यानी अन स्याणाऊँ हपान राकी अन भोळा मनकाँ पे परगट किदी हे।

मत्ती 11:27

“मारा परम बापू मने हारोई हूँप्यो हे, परमेसर के अलावा कुई बेटा ने कोयने जाणे हे, अन ने कुई बेटा के अलावा परमेसर ने जाणे हे, पण अबे वीं मनक परमेसर ने जाणे हे जाँने बेटो बतावे हे।

मत्ती 13:11

वणी क्यो, “थाँने हरग का राज का भेद की हमज दिदी हे पण अणा लोगाँ ने ने दिदी हे।

लूका 1:1

हुकम थियोपलुस, ज्यो बाताँ आपणाँ बसमें वीं ही वणा बाताँ ने वसन का दास खुद सरुआतऊँ देकी अन आपाँने बतई। वणा बाताँ ने सई तरियाऊँ लिकबा का वाते नरई मनकाँ कोसीस किदी ही। में अणा हारी बाताँ की सरुआतऊँ सई तरियाऊँ परक कर लिदी ही, ईं वाते मने ओ हव लाग्यो के, मूँ भी अणा हारी बाताँ ने थाँका वाते सई तरियाऊँ एक का पसे एक लिकूँ,

यहुन्ना 10:30

मूँ अन मारा बापू परमेसर एकीस हाँ।”

यहुन्ना 10:38

पण यद्याँ मूँ वाँने करूँ हूँ, तो भी थाँ मारो विस्वास ने करो हो, पण थाँ वणा कामाँ को तो विस्वास करो, जणीऊँ थाँ जाण जावो अन हमजो के, बापू परमेसर मारा में हे अन मूँ बापू परमेसर में हूँ।”

यहुन्ना 16:15

ज्यो कई परमेसर को हे, वो हारोई मारो हे। ईं वाते में क्यो के, वाँ पुवितर आत्मा मारी बाताँ मूँ लेन थाँने बताई।

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

यहुन्ना 5:17

ईं वाते ईसू वाँकाऊँ क्यो के, “मारो बाप कदी भी काम करतो तको ने रके हे, ईं वाते मूँ भी काम करतो रूँ हूँ।”

यहुन्ना 5:23

ईं वाते हाराई लोग-बाग जस्यान परमेसर को आदर-मान करे हे वस्यानीस मारो भी आदर-मान केरी। ज्यो मारो आदर-मान ने करे हे, वीं वणा परमेसर को भी आदर-मान ने करी, जणा मने खन्दायो हे।

यहुन्ना 6:69

अबे माँ विस्वास किदो अन ओळकग्या हाँ के, परमेसर का आड़ीऊँ आबावाळो पुवितर मनक थाँईस हो।”

थरप्या तका का काम 4:32

हारई विस्वास करबावाळा एक मन अन हरदा का हाँ। अटा तईं के, वे आपणी धन-दोलत ने आपणी ने केता हा, पण हारी चिजाँ वाँका भेळा में ही।

रोमियों 15:13

आस देबावाळो परमेसर थाँका मना ने सान्ती अन खुसीऊँ भर देवे जस्यान वींमें थाँको विस्वास हे, जणीऊँ पुवितर आत्मा की तागतऊँ थाँ आसऊँ भरपूर वे जावो।

रोमियों 16:25

परमेसर की बड़ई वेवे। ईसू मसी का हव हमच्यार जिंको मूँ परच्यार करूँ हूँ, ईंके अन परमेसर को अबाणू परगट किदो ग्यो ईं भेंद जस्यान जिंको हाँच जुग-जुगऊँ हप्यो तको हे, वींके जस्यान परमेसर थाँने गाटा बणाबा में तागतवर हे।

रोमियों 2:4

कई थूँ वींकी दया अन वींकी सेण समता अन धिरजपणा ने बेकार हमजे हे? अन कई थूँ ओ ने जाणे हे के, परमेसर की दया थने पापऊँ मन फेरवा का आड़ी ले जावे हे।

1 कुरिन्थियों 14:31

काँके यद्याँ थाँ बारी-बारीऊँ बोलो तद्याँ ईं लोगाँ का हमज में आई अन वीं परबू की बाताँ ने हीकन हिम्मत पाई।

1 कुरिन्थियों 2:12

पण आपाँ तो दनियाँ की आत्माने पई पण वाँ आत्मा पई हे, ज्याँ परमेसर आपाँने खुला मनऊँ दिदी हे, ताँके आपीं वणा बाताँ ने जाणा ज्यो परमेसर आपाँने दिदी हे।

गलातियों 3:28

ईं वाते अबे ने कुई यहूदी, ने कुई युनानी, ने कुई दास ने आजाद, ने कुई मनक ने लुगई, काँके थाँ हाराई ईसू मसी में एक हो।

इपिसियों 1:7

मसीऊँ गट-जोड़ वेबाऊँ वणा आपाँने आपणाँ लुईऊँ छुड़ाया, ईंको मतलब गुनाऊँ मापी देवाड़े हे। ओ परमेसर की मोटी करपा का मस व्यो।

इपिसियों 3:16

परमेसर आपणी आत्माऊँ आपणाँ मेमा भरिया धनऊँ थाँकी अंतर-आत्मा जोरावर वेबा का वाते थाँने तागत देवे।

इपिसियों 3:3

अन परमेसर आपणी गुप्त की बाताँ ने मारा पे परगट किदो, जिंका बारा में, में थोड़ोक पालाँ पाटाँ में लिक चुक्यो हूँ।

इपिसियों 6:22

माकाँ हमच्यार जाणबा का वाते अन थाँकी हिम्मत बड़ाबा का वाते मूँ वींने थाँका नके खन्दारियो हूँ।

फिलिपियों 2:1

यद्याँ मसी थाँकी हिम्मत बड़ावे, वाँको परेम थाँने धिज्यो देवे, पुवितर आत्मा थाँके हाते रेवे, अन थाँ एक-दूँजा का वाते दया अन बाळ राको हो

फिलिपियों 3:8

बेस अणा बाताँइस ने पण हारी बाताँ ने मारा परबू ईसू मसी ने जाणणो, ज्यो घणो मोटो हे, वींका हामे वल हमजूँ हूँ। वीं मसी का वाते में हारी चिजाँ ने छोड़ दिदी अन वाँने कचरो हमजूँ हूँ, ताँके मूँ मसी ने पाबा को नफो पा सकूँ

कुलुसियों 1:26

बित्या तका जुग की पिड़ियाँऊँ परमेसर अणी बात ने छाने राकी ही। पण अबाणू वणा वींने आपणाँ पुवितर मनकाँ ने खुलन क्यो हे।

कुलुसियों 1:27

वाँ बात परमेसर जिंका पे परगट करणो छारिया हो, वाँने ध्यान वीं जावे के, वीं परमेसर की मेमा को मोल हाराई मनकाँ में कई हे, अन वाँ बात आ हे के, मसी ज्यो मेमा की आस हे वाँ थाँकामें बणी तकी रेवे हे।

कुलुसियों 1:9

ईं वाते जणी दनऊँ माँ थाँका बारा में ओ हुण्यो, वीं दनऊँ थाँका वाते परातना करणी ने छोड़ी। माँकी परमेसरऊँ याईस परातना हे के, हाराई आत्मिक ग्यान अन हमज का हाते परमेसर आपणी मनसा का ग्यानऊँ थाँने भर दे।

कुलुसियों 2:19

अन वीं आपणाँ खुद ने मसी का केबा में ने राके हे ज्यो हाराऊँ मोटो हे। मसी का वजेऊँ हारी काया ज्योड़ अन हाड़क्याऊँ मलन जस्यान परमेसर छावे हे वस्यान बड़ती जावे।

कुलुसियों 3:14

अणा हारी बाताँ का ऊपरे परेम ने धारण करलो, काँके परेमईस हे ज्यो यो अणा हारी बाताँ ने हव तरियाऊँ भेळी करन राके हे।

कुलुसियों 4:3

अन ईंका हातेई हाते माकाँ वाते भी परातना करता रेवो के, परमेसर माँके परच्यार करबा को अस्यो गेला खोल देवे के, माँ मसी का वीं भेद को बखाण कर सका। अन परच्यार करबा के मस मूँ जेल में बन्द हूँ।

कुलुसियों 4:8

में वींने थाँका नके ईं वाते खन्दायो के, वो थाँने माकाँ हमच्यार देवे अन थाँकी हिम्मत बड़ावे।

1 थिस्सुलुनिक्यों 1:5

ओ हव हमच्यार बेस बोली कोईस ने हे, पण तागत अन पुवितर आत्मा का हाते अन ईंकी हाँच की खरई का हाते थाँका नके पूग्यो हे। थाँ तो जाणोइस हो के, माँ थाँकी भलई का वाते थाँका हाते कस्यान रिया हा।

1 थिस्सुलुनिक्यों 3:2

अन तिमुती ने ज्यो मसी का हव हमच्यार में मारो विस्वासी भई अन परमेसर को दास हे वींने थाँका नके खन्दावाँ जणीऊँ वो थाँने पाका करे अन विस्वास का बारा में हमजावे अन थाँकी हिम्मत बड़ावे।

1 थिस्सुलुनिक्यों 5:14

हो भायाँ-बेना, माँ थाँने हमजावा हाँ के, जी आळकातक हे वाँने हमजावो, दरपे वाँकी हिम्मत बड़ावो, कमजोरा ने हमाळो अन हाराई का हाते नरमाई राको।

1 तिमुतियूस 3:16

कुई ने नट सके के, आपणाँ धरम को भेद कस्यो मोटा हे, वो ज्यो मनक का रूप में परगट व्यो, पुवितर आत्मा जिंने धरमी बतायो, अन हरग-दुत जिंने देक्यो, देसा देसा में वींको परच्यार करियो ग्यो, दनियाँ में वींपे विस्वास करियो ग्यो, अन मेमावान हरग में उठा लिदो ग्यो।

इब्रानियों 10:22

ईं वाते आवो, आपाँ हाँचा हिया, पूरा विस्वास, अन मन का बुरा दोस पे छीड़कावऊँ सुद करवान देह ने सुद पाणीऊँ धोवान परमेसर का नके जावा।

इब्रानियों 6:11

पण माँ घणो छावाँ हाँ के, थाँकामूँ हरेक जणो अंत तईं पूरो मन लगान अस्यान करतो रेवे, ताँके थाँकी आस पुरी वे जावे।

2 पतरस 1:10

ईं वाते हो भायाँ, थाँ यो दिकाबा का वाते घणा ताकड़े रेवो के, थाँ हाँची में परमेसर का आड़ीऊँ बलाया अन चुण्या ग्या हो, काँके यद्याँ थाँ अणा हारी बाताँने करता रेवो, तो कदी ठोकर ने खावो अन नेई कदी रेटे पड़ो।

2 पतरस 1:3

जीवन जीवबा का वाते अन परमेसर की सेवा करबा का वाते जो कई भी आपणे छावे हे, वो हारोई परमेसर आपणी तागतऊँ आपाँने दिदो हे। काँके आपाँ वींने जाणा हाँ, जणी आपणी धारमिकता अन मेमा की वजेऊँ आपाँने बलाया हे।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।

1 यहुन्ना 3:19

ईं वजेऊँ आपाँ ओ जाण सका हाँ के, आपाँ हाँच मानाँ हाँ अन जद्याँ परमेसर का हामे जावा, तो आपणाँ मन में हिम्मत बड़ा सका। अन जद्याँ आपाँ परमेसर का हामे जावा तो आपाँने हरमा ने मरणो पड़े।

1 यहुन्ना 5:7

गवई देबावाळा तीन हे।