कुलुसियों 1:4 - नुवो नेम (मेवड़ी नया नियम)

⁴ काँके माँ मसी ईसू पे थाँको विस्वास अन हंगळा विस्वासी लोगाऊँ थाँका परेम का बारा में हुण्यो हे।

कुलुसियों 1:4 Iomraidhean Croise

2 कुरिन्थियों 7:7

अन वींके अटे आबाऊँ थाँ वींको हव आदर मानन वींने सक दिदो जणीऊँ माँने ओरी भी हेली हिम्मत मली। वणी माँने बतायो हो के, ज्यो थाँ किदो हो वींका वाते थाँ दकी हो अन थाँ माराऊँ मलबा का वाते कतरा आकताँ हो अन थाँ मारी चन्ता करो हो अस्यान हुणन माँने ओरू भी खुसी वीं।

गलातियों 3:26

थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो।

गलातियों 3:28

ईं वाते अबे ने कुई यहूदी, ने कुई युनानी, ने कुई दास ने आजाद, ने कुई मनक ने लुगई, काँके थाँ हाराई ईसू मसी में एक हो।

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

इपिसियों 1:15

ईं वाते, जद्याँऊँ में परबू ईसू पे थाँका विस्वास अन हारई परमेसर का पुवितर मनकाँ का वाते थाँका परेम का बारा में हुण्यो हे,

इपिसियों 6:18

हरेक तरियाँ की अरज अन विनती का हाते आत्माऊँ हर टेम परातना करिया करो। ईं मस जागता रेवो अन हारई पुवितर लोगाँ का वाते हरदाण अरज करता रेवो।

कुलुसियों 1:9

ईं वाते जणी दनऊँ माँ थाँका बारा में ओ हुण्यो, वीं दनऊँ थाँका वाते परातना करणी ने छोड़ी। माँकी परमेसरऊँ याईस परातना हे के, हाराई आत्मिक ग्यान अन हमज का हाते परमेसर आपणी मनसा का ग्यानऊँ थाँने भर दे।

1 थिस्सुलुनिक्यों 1:3

बापू परमेसर का हामे थाँका विस्वास का काम ने, परेम का वाते घणी मेनत ने अन परबू ईसू मसी का पाच्छा आबा की थाँकी पाकी आस ने हमेस्यान आद करा हाँ।

1 थिस्सुलुनिक्यों 3:6

तिमुती थाँका नकेऊँ पाछो आन ज्यो मने थाँका विस्वास अन परेम को हमच्यार हुणायो अन ओ भी बतायो के, थाँ हमेस्यान माँने परेम का हाते आद करो हो अन जस्यान मारो मन थाँने देकबा ने करे हे वस्यानीस थाँको मन भी करे हे।

2 थिस्सुलुनिक्यों 1:3

हो भायाँ-बेना, थाँका वाते माँने परमेसर ने धन्नेवाद देतो रेणो छावे अन ओ सई भी हे, काँके थाँको विस्वास घणो बड़तो जारियो हे, अन थाँको हाराई को परेम एक-दूँजा में घणो फल-फुलरियो हे।

इब्रानियों 6:10

काँके परमेसर अन्यायी ने हे, के थाँका काम अन वीं परेम ने भुल जावे, ज्यो थाँ वींका नाम का वाते बतायो हे के, थाँ पुवितर लोगाँ की सेवा-चाकरी किदी अन कररिया हो।

1 यहुन्ना 3:14

काँके आपाँ मोतऊँ निकळ अनंत जीवन पाबा का वाते आग्या हा। ईंके वजे आ हे के, आपाँ आपणाँ भायाँऊँ परेम करा हा। ज्यो भी मनक परेम ने करे, वो अबे भी मोत को गुलाम हे।

1 यहुन्ना 3:23

अन परमेसर को आदेस ओ हे के, आपाँ परमेसर का बेटा ईसू मसी का नाम पे विस्वास कराँ अन जस्यान ईसू आदेस दिदो हे के, आपीं एक-दूजाऊँ परेम करा।

1 यहुन्ना 4:16

जस्यान को परेम परमेसर आपाऊँ राक्यो हे वींने आपाँ जाणा हाँ अन आपाँ वींमें विस्वास भी किदो हे। परमेसरइस परेम हे। ज्यो भी मनक परेम करे हे वो वींमें बण्यो तको रेवे हे अन परमेसर वींमें वास करे हे।