कुलुसियों 1:23 - नुवो नेम (मेवड़ी नया नियम)

²³ ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

कुलुसियों 1:23 Iomraidhean Croise

मरकुस 16:15

पछे ईसू वाँने क्यो, “दनियाँ की हारी जगाँ में जावो अन हारई लोगाँ ने हव हमच्यार हुणावो।

लूका 22:32

पण, में थाँरा वाते परातना किदी हे के, थाँरो विस्वास बण्यो तको रेवे अन जद्याँ थूँ पाछो हाँच का गेला पे आवे, तो आपणाँ लोगाँ ने गाटा करज्ये।”

लूका 6:48

वीं वणी मनक का जस्यान वेई, जणी घर बणाती दाण नीम ने उण्डी खोदन मोटी छाँट पे घर बणायो हो अन बाड़ अई जद्याँ वणी के टकरई पण वणी घर ने हला ने सकी, काँके वो सई तरियाऊँ पाको बण्यो तको हो।

यहुन्ना 15:6

ज्यो मारा में बण्यो ने रेवे, वो वणी बेकार डाळी का जस्यान हे जिंने तोड़न हूँकबा का वाते फेक दिदो जावे हे। अस्यी डाळ्याँ बळीता का वाते काम आवे हे।

थरप्या तका का काम 1:17

यहूदो आपणाँ मेंईस एक हो अन ईं सेवा का काम में वींकी भी पाँती ही।”

थरप्या तका का काम 1:25

के वो ईं थरप्या तका का काम अन सेवा जगाँ की ले, जो यहूदो छोड़न आपणी जगाँ परोग्यो जिंके वो लायक हो।

थरप्या तका का काम 1:8

पण, जद्याँ पुवितर आत्मा थाँका पे आई, तो थाँ सगतिऊँ भर जावो अन आकाई यरूसलेम, यहूदियाँ अन सामरियाऊँ लगान धरती का खुणा-खुणा तईं मारा गवा बेणो।”

थरप्या तका का काम 11:23

जद्याँ बरनबास अन्ताक्या पूगो, तो लोगाँ पे परमेसर की करपा देकन वो घणो राजी व्यो अन वणी हारई लोगाँ ने धिजो बन्दान परबू में बण्या तका रेवा वाते क्यो।

थरप्या तका का काम 14:22

अन चेला ने हिम्मत देन विस्वास में बड़वा वाते धिजो बन्दाता रिया अन केता रिया के “परमेसर का राज में जाबा वाते आपाँने घणो दुक जेळणो पेड़ी।”

थरप्या तका का काम 2:5

वटे यरूसलेम में धरती का हारई देसाऊँ आया तका यहूदी भगत हा।

थरप्या तका का काम 20:24

पण मूँ आपणाँ जीव ने कई ने हमजूँ। मूँ तो बेस वीं दोड़ अन सेवा का काम ने पूरो करणो छारियो हूँ, जिंने में परबू ईसुऊँ पाई हे, जो परमेसर की करपा का हव हमच्यार की गवई देणो हे।”

थरप्या तका का काम 26:16

पण थूँ अबे आपणाँ पगाँ पे ऊबो वे, मूँ थाँरा हामे ईं वाते परगट व्यो के, थने सेवक का रूप में थरपूँ अन अणा हंगळी बाताँ को गवा वणाऊँ, जो थें देकी हे अन आगे जो भी बताऊँ वींका वाते भी।

थरप्या तका का काम 4:12

बेस वोईस ईसू आपाँने बंचा सके हे, काँके ईं हारी धरती अन लोगाँ में दूजो नाम कोयने हे, जो आपाँने बंचा सके।

रोमियों 10:18

पण मूँ बोलूँ हूँ, “कई वणा उपदेस ने हुण्यो?” हा, पकोई हुण्यो। सास्तर बोले हे, “वाँकी अवाज हारी धरती पे फेलगी, अन वाँका बचन धरती का ईं खुणाऊँ वीं खुणा तईं पोंछग्यो हे।”

रोमियों 15:16

काँके जी यहूदी ने हे, वाँ मनकाँ का वाते ईसू मसी को दास वेन, मूँ परमेसरऊँ मल्या तका हव हमच्यार को परच्यार करबा का वाते मूँ एक याजक की जस्यान काम करूँ हूँ, जणीऊँ वीं मनक भी परमेसर के चड़बा जोगी भेंट बण सके अन पुवितर आत्मा के जरिये परमेसर का वाते पुरी तरियाँ पुवितर बणे।

रोमियों 2:7

थोड़ाक मनक ज्यो धीरजऊँ हमेस्यान भला काम करता आरिया हे अन मेमा, मान अन अनंत जीवन की खोज में हे वाँने परमेसर अनंत जीवन देई।

रोमियों 5:5

अन आ आस आपाँने निरास ने वेबा दे, काँके पुवितर आत्मा ज्यो आपाँने ज्यो दिदी गी हे, वींकाऊँ परमेसर को परेम आपणाँ मन में उन्दायो जावे हे।

1 कुरिन्थियों 15:58

ईं वाते हो विस्वासी भायाँ विस्वास में बना आगा-पाछा व्या गाटा बण्या तका रेवो अन परबू को काम करबा वाते खुद ने त्यार राको, काँके थाँ तो जाणो हो के, परबू वाते किदो ग्यो काम बेकार ने वे जावे।

1 कुरिन्थियों 3:5

ओ बतावो अपुलोस कूण अन पोलुस कूण हे? बेस माँ तो परबू का सेवक हाँ, ज्याँके वजेऊँ थाँ विस्वास किदो हो। माकाँ मूँ हाराई बेस वोईस काम कर हे ज्यो परबू माने हूँप्यो हे।

2 कुरिन्थियों 10:1

मूँ पोलुस, थाँका हामे मसी की नरमाई अन वींकी करपा की गवई देन थाँकाऊँ अरज करूँ हूँ। लोगाँ को केणो हे के, जद्याँ मूँ थाँका हामे रेऊँ हूँतो मूँ थाँका लारे नरमाईऊँ वेवार राकूँ हूँ, पण जद्याँ मूँ थाँका हामे ने रूँ तो मूँ नरमाई ने राकूँ हूँ।

2 कुरिन्थियों 11:23

कई वींइस मसी का दास हे? मूँ बेण्डा के जस्यान कूँ हूँ, मूँ वणाऊँ भी बड़न मसी को दास हूँ। वाँकाऊँ हेली मेनत करबा में, नरी दाण जेळ में बन्द वेबा में, कोड़ा की मार खाबा में, आकोदाण मोत का मुण्डो में जाबा में,

2 कुरिन्थियों 3:6

अन वणाईस माने नवा करार का दास वेबा का वाते बलाया हे। आ कस्यी लिकी तकी बात तो ने हे पण आ तो आत्मा को करार हे, काँके लिकी तकी बाताँ तो मनक ने मारे हे पण आत्मा वाँने जीवन देवे हे।

2 कुरिन्थियों 4:1

आपाँने परबू की दयाऊँ आ सेवा मली हे, अणीऊँ आपाँ निरास ने वेवा हाँ।

2 कुरिन्थियों 6:1

माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो।

गलातियों 4:11

मने थाँका बारा में दरपणी लागे हे के, कटे अस्यान ने वे जावे के, जीं काम मूँ थाँका वाते कररियो हूँ, वीं कटे वल ने जावे।

गलातियों 5:5

पण आपाँ तो मसी पे विस्वास करबा का मस परमेसर की आत्मा की मदतऊँ धरमी वेबा की आस राकन वाट नाळा हा।

गलातियों 5:7

थाँ तो मसी में हव तरियाऊँ जीवन जीरिया हा, पण अबे थाँने कणी रोक दिदा के, हाँच ने मती मानो?

गलातियों 6:9

ईं वाते जतरी भलई कर सको हो वतरी भलई करो, काँके यद्याँ आपाँ भलई करबा में ढिला ने पड़ा, तो हव टेम आबा पे आपाँने वींको फळ मली।

इपिसियों 1:18

अन थाँका मन की आक्याँ खुल जावे ताँके थाँने पतो चाल जावे के वा आस कई हे, जिंका वाते थाँने वणा बलाया हे। अन जणी हक ने वो आपणाँ हारई पुवितर लोगाँ ने देई, वो कतरो मोटो अन अनमोल हे।

इपिसियों 2:21

वणी मेंईस मेल की हारी चिजाँ एक हाते मलन परबू का वाते एक पुवितर मन्दर बणती जारी हे।

इपिसियों 3:17

अन विस्वासऊँ मसी थाँका हरदा में बसे अन थाँकी जड़ा अन नीम परेम में धस जावे।

इपिसियों 4:16

मसी का केवा में हरेक टेको देबावाळा जोड़ऊँ डील का हाराई अंग जोड़्या जावे अन एक वेजावे हे। ईं वाते जद्याँ हरेक अंग आपणो आपणो काम करे तद्याँ आको डील वदतो जावे हे अन वो परेम में भी वदे हे।

कुलुसियों 1:25

परमेसर मने आपणाँ बचनाँ को पूरो को पूरो परच्यार करबा की जिमेदारी हूँपी हे, ईं वाते वणा मने थाँकी भलई का वाते मण्डली को सेवक बणायो हे।

कुलुसियों 2:7

अन वींका मेंईस थाँ जड़ गाटी पकड़ीन बड़ता जावो अन थाँका जीवन का विस्वास की नीम वटेईस नाको अन हेलऊँ हेलो परमेसर ने धन्नेवाद करता रेवो।

1 थिस्सुलुनिक्यों 3:3

जणीऊँ दुक में थाँ पाच्छा भटक ने जावो। थाँ खुद ईं बात ने जाणो हो के, आपणाँ वाते दुक देकन भी कल्ड़ो रेणो परमेसर की मरजी कोईस एक भाग हे।

1 थिस्सुलुनिक्यों 3:5

ईं वाते जद्याँ माराऊँ ओरी ठमाव ने व्यो तो में थाँका विस्वास का हाल-चाल जाणबा का वाते वींने खन्दायो। परमेसर करे अस्यान ने वेणो छावे के, परकबा वाळी बाताँऊँ थाँ लाळच में आन मारो करियो-करायो काम बेकार तो ने कर दिदो।

1 थिस्सुलुनिक्यों 5:8

पण आपीं जतरा दन का हाँ, आपाँने विस्वास अन परेम को हत्यार पेरन अन बंचबा को टोपो लेन हेंचेत रेणो छावे।

2 थिस्सुलुनिक्यों 2:16

आपणाँ परबू ईसू मसी खुदई अन आपणाँ बापू परमेसर ज्यो आपाँने परेम, जुग-जुग की सान्ती अन हव आस दिदी हे,

1 तिमुतियूस 1:12

मूँ आपणाँ परबू ईसू मसी जणा मने तागत दिदी हे वींको गुणगान करूँ हूँ, काँके वणा मने विस्वास जोगो हमजन मने आपणी सेवा वाते चुण्यो हे।

1 तिमुतियूस 2:7

अन ईं गवई ने जी यहूदी ने हे वणामें हुणाबा का वाते मूँ एक हिक देबावाळा अन ईसू को थरप्यो तको चेलो बणायो ग्यो हूँ, ताँके विस्वास का सन्देस अन हाँच को हेलो पाड़ सकूँ। मूँ जूटो कोयने हूँ, मूँ हाँच बोलरियो हूँ।

1 तिमुतियूस 3:16

कुई ने नट सके के, आपणाँ धरम को भेद कस्यो मोटा हे, वो ज्यो मनक का रूप में परगट व्यो, पुवितर आत्मा जिंने धरमी बतायो, अन हरग-दुत जिंने देक्यो, देसा देसा में वींको परच्यार करियो ग्यो, दनियाँ में वींपे विस्वास करियो ग्यो, अन मेमावान हरग में उठा लिदो ग्यो।

तीतूस 3:7

वीं करपाऊँईस आपाँ परमेसर का हामे सई ठेरा हा, जणीऊँ कदी ने खतम वेबावाळा जीवन का वारिस वेवा, जिंकी आपाँ आस राका हाँ।

इब्रानियों 10:38

पण मारा धरमी मनक विस्वासऊँ जीवता रेई, अन यद्याँ वीं वणी गेलाऊँ पाच्छा फरी जाई तो मारो मन वाँकाऊँ राजी ने वेई।”

इब्रानियों 3:14

यद्याँ आपीं अंत तईं आपणाँ पेला विस्वास में मजबूत रेवा हा, तो आपीं मसी में भागीदार वे जावा हा।

इब्रानियों 3:6

पण परमेसर का घराणा में मसी तो एक बेटा का रूप में विस्वास करबा के जोगो हे, अन यद्याँ आपाँ हिम्मत राका अन वीं आस पे विस्वास बण्यो तको राका हा, तो आपींइस वींको घराणो हा।

इब्रानियों 4:14

ईं वाते परमेसर को बेटो ईसू एक अस्यो मोटो मायाजक हे, जीं हरग में ग्यो, तो ज्याँ बात आपीं मानाँ हा, वींमें आपाँने मजबूत रेणो छावे।

इब्रानियों 6:19

वाँ आस आपणाँ जीवन का वाते अस्यो लंगर हे ज्यो एक जगाँ पाको हे ज्यो हाली ने सके हे। अन आपणी आस का वजेऊँ आपाँ अस्यान का हा, मानो आपाँ परमेसर की वीं जगाँ में पराग्या, जटे मायाजकइस जा सके हे, ज्या परदाऊँ ढाकी तकी हे।

1 पतरस 1:3

आपणाँ परबू ईसू मसी का बापू परमेसर की जे हो, काँके परमेसर आपणाँ पे घणी मोटी दया बतई जणीऊँ वणा मसी ने मरिया तका मेंऊँ जीवान आपाँने नुवा जीवन की जीवती आस राकबा वाते वणा आपाँने नुवो जीवन दिदो हे।

1 पतरस 1:5

थाँ, ज्याँने परमेसर थाँका विस्वास का जरिये आपणी तागतऊँ वीं छूटकारा का वाते बचावे हे, ज्यो आकरी टेम में परगट वेबावाळो हे।

1 यहुन्ना 2:27

जद्याँ तईं थाँकी बात हे, थाँको अभिसेक वणीऊँ हे ज्या पुवितर आत्मा थाँकामें वास करे हे, ईं वाते थाँने तो ओ जरूत कोयने के, कुई उपदेस देवे, पण थाँने तो ज्यो आत्मा दिदी गी हे, वाँ यो हारोई हिकावे हे। आद राको आत्मा जो हिकावे हे, वो हाँच हे जूट कोयने हे। आत्मा की हिकावण ने मानो अन मसी में बण्या तका रेवो।

परकासितवाक्य 2:10

जो दुक थने जेलणो हे वणीऊँ मती दरप, काँके सेतान थाँका मेंऊँ घणा ने परकबा का वाते जेल में नाक देई। थने वटे दस दनाँ तईं दुक जेलणो पड़ी, पण थूँ हाँचो रेज्ये पलई थाँरी मोत ईं कानी वे जावे। तो मूँ थने जुग-जुग का जीवन को मुकट देऊँ।