कुलुसियों 1:22 - नुवो नेम (मेवड़ी नया नियम)

²² पण अबे परमेसर सरीर में मसी की देह की मोतऊँ थाँको मेल-मिलाप खुदऊँ करा दिदो हे। ताँके वो थाँने पुवितर, बना कळंक का अन निरदोस बणान खुद का हामे लावे।

कुलुसियों 1:22 Iomraidhean Croise

लूका 1:75

अन आपीं आपणी हारी जीवन में वाँका हामे पुवितर अन धरमी बण्या तका रेवा।

रोमियों 7:4

हो मारा भायाँ हुणो, मसी की देहऊँ थाँ भी मूसा का नेमा का वाते मरग्या हो। तो अबे थाँ कणी दूजाऊँ जुड़ सको हो, वणीऊँ जिंने मरिया तकाऊँ पाछो जीवतो किदो हे। जणीऊँ आपाँ परमेसर का वाते फला फूला।

2 कुरिन्थियों 11:2

काँके जस्यान परबू थाँकी चन्ता करे हे वस्यान मूँ भी थाँकी चन्ता करूँ हूँ। मूँ थाँकी बात एकीस मसी का हाते लगा मेली हे जणीऊँ मूँ थाँने पुवितर कूँवारी छोरी का जस्यान मसी ने हूँप दूँ।

2 कुरिन्थियों 4:14

काँके आपाँ जाणा हा के, जस्यान परमेसर परबू ईसू ने मरिया तका मेंऊँ जीवता किदा हे, वस्यानीस वीं आपाँने भी ईसू का हाते जीवता करी अन माँने भी थाँका हाते परमेसर का हामे ऊबा करी।

2 कुरिन्थियों 5:18

ईं हारी बाताँ परमेसर का आड़ीऊँ हे, जणा आपाँने मसीऊँ खुद में मेल-मिलाप करा लिदो हे अन आपाँने मनकाँ ने परमेसरऊँ मेल-मिलाप कराबा की सेवा को काम हूँप्यो हे।

इपिसियों 1:4

जस्यान के, वाँकाणी अणी दनियाँ ने बणाबाऊँ पेल्याऊँ मसीऊँ गट-जोड़ करन आपाँने चुण लिदा, ताँके आपीं वणा की नजरा में पुवितर अन बना दोस का बण्या तका रेवा।

इपिसियों 5:27

ताँके मसी वणी मण्डली ने अस्यी पुवितर अन बना दोस की बणान सजी-धजी तकी आपणाँ हामे लावे, ज्यामें ने कळंक, ने हळ, ने कई अस्यी कमी वे।

कुलुसियों 1:28

मसी का बारा में परच्यार करन आपीं मनकाँ ने चेतावा हा अन पूरा ग्यानऊँ मनकाँ ने हिकावा हाँ, ताँके हाराई मनकाँ में मसी का हाराई गुण भरन परमेसर का हामे ला सका।

1 थिस्सुलुनिक्यों 4:7

परमेसर आपाँने हूँगला वेबा का वाते ने पण पुवितर वेबा का वाते बलाया हे।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

इब्रानियों 10:10

ईं वाते परमेसर की वीं मरजीऊँ ईसू मसी की देह के एकीस दाण बलीऊँ आपाँ पुवितर किदा ग्या हाँ।

इब्रानियों 10:20

वणी वीं परदाऊँ मतलब वींकी देहऊँ आपणाँ वाते एक नुवो जीवतो गेलो खोल दिदो हे।

1 पतरस 3:18

काँके मसी भी आपणाँ पापाँ का वाते दुक जेल्यो हो। ईंको मतलब ओ हे के, वो निरदोस हो तो भी वो आपणाँ पाप का वाते एक दाण मरग्यो, जणीऊँ वो आपाँने परमेसर का नके ले जावे। वो देह का रूप में तो मरग्यो, पण आत्मिक रूप में जिवायो ग्यो हे।

2 पतरस 3:14

ईं वाते हो मारा लाड़ला भायाँ, थाँ अणा बाताँ की वाट नाळरिया हो, ईं वाते थाँ पुरी कोसीस करो के, परमेसर की नजरा में खरा, बना दोस का अन सान्तीऊँ रेबावाळो केवावो।

यहूदा 1:24

परमेसर थाँने पापऊँ बंचान आपणाँ हामे निरदोस साबत करन अन राजी करन आपणी मेमा करबा का वाते ऊबो कर सके हे।