कुलुसियों 1:10 - नुवो नेम (मेवड़ी नया नियम)

^10-12 ताँके थाँ वाँकी मेमा भरी तागतऊँ हारी तागत हाते तकड़ा वेन हाराई कामाँ में फळता अन परमेसर का ग्यान में बड़ता तका परमेसर का जस्यान जीवन जी सको अन वाँने हरेक विसय में राजी कर सको। ताँके थाँ हारई ने सेण कर सको अन हरेक टेम में राजी रेन धीरज राक सको। अन खुस वेन बापू परमेसर को धन्नेवाद दे सको। जणा थाँने उजिता का राज में परमेसर का पुवितर मनकाँ का हाते बापोती पाबा के जस्या बणाया।

कुलुसियों 1:10 Iomraidhean Croise

यहुन्ना 15:16

थाँ मने ने चुण्यो पण में थाँने चुण्या हे अन थाँने ठेराया हे के, थाँ अस्या फळ-फळो जीं हमेस्या बण्या रेवे। तद्याँ थाँ मारा नामऊँ ज्यो कई बापऊँ मांगो, वो थाँने दे।

यहुन्ना 15:8

परमेसर की मरजी का जस्यान काम करो अणीऊँ मारा बापू परमेसर की मेमा वेई, तद्याँई थाँ मारा चेला केवावो।

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

रोमियों 1:13

मारा भायाँ थाँने ओ पतो वेणो जरूरी हे के, में घणी दाण थाँका नके आबा की होची, पण हरेक दाण कई ने कई अस्यान को वेता के, मूँ ने आ सक्यो। मूँ थाँका आड़ीऊँ भी वस्योईस फळ पाणो छावूँ हूँ, जस्यो ज्यो यहूदी ने हा, वाँ मनकाँऊँ पायो हो।

रोमियों 4:12

यहूदी मनक खाली खतना कराबाऊँ ईंस ने, पण अबराम आपणो खतनो व्या के पेल्याँ जस्यो विस्वास किदो हो, वस्यो विस्वास करे हे, तो अबराम वणाको भी बापू हे।

रोमियों 6:4

तो वींकी मोत को बतिस्मो लेबाऊँ आपाँ भी वींके हातेईस गाड़्या ग्या हा, ताँके जस्यान परमेसर की मेमा की तागत का मस मसी ने मरिया तकाऊँ जिवाया हा वस्यानीस आपाँ भी एक नुवो जीवन जीवाँ।

2 कुरिन्थियों 2:14

परमेसर को धन्नेवाद वे ज्यो आपाँने मसी की वजेऊँ जीतावे हे अन खुद का ग्यान की हव बाना ने आपणाँऊँ हारी जगाँ फेलावे हे।

2 कुरिन्थियों 4:6

काँके परमेसर क्यो हो के, “अन्दारा में उजितो चमकी” अन वोईस आपणाँ हरदा में चमक्यो हे, जणीऊँ आपाँने ईसू मसीऊँ परमेसर की मेमा का वाते ग्यान को उजितो मल सके।

2 कुरिन्थियों 5:9

ईं वाते आपणाँ हरदा की आस आ हे के, पलई हाते रेवा पलई न्यारा रेवा, पण परबू ने भाता रेवा।

2 कुरिन्थियों 9:8

परमेसर हाराई तरियाँ का वरदान दे सके हे, जणीऊँ थाँकी हारी बाताँ अन हरेक टेम में, हारोई ज्यो थाँका वाते जरूरी हे, वो थाँका नके वेवे अन हाराई भला काम का वाते जरूतऊँ हेलो थाँका नके रेवे।

इपिसियों 1:17

मूँ अरज करिया करूँ हूँ के, आपणाँ परबू ईसू मसी का परमेसर जी मेमाऊँ भरिया तका हे, थाँने अकल अन चोड़ो करबावाळी आत्मा दे देई, ताँके थाँ परमेसर ने जान सको।

इपिसियों 2:10

काँके आपीं वींका बणाया ग्या हा अन ईसू मसी का गट-जोड़ऊँ वणा भला कामाँ वाते बणाया ग्या हाँ ज्याँने परमेसर पेल्याई आपणे करबा का वाते त्यार किदा।

इपिसियों 4:1

ईं वाते मूँ ज्यो परबू की सेवा का वाते बन्दयो तको हूँ, थाँकाऊँ हाता-जोड़ी करूँ हूँ के, जीं मनसाऊँ परमेसर थाँने बलाया, वींके जस्यानीस चाल चालो।

इपिसियों 4:13

ओ तद्याँ तईं वेई जद्याँ तईं आपाँ हाराई विस्वास में अन परमेसर का बेटा का ग्यान में एक कोयने वे जावाँ अन मसी का हारई गुण में पाका कोयने वे जावाँ।

इपिसियों 5:10

अन ओ परको के, परबू ने कई हव लागे हे।

इपिसियों 5:15

ईं वाते ध्यानऊँ देको के, कस्यी चाल चालो हो, बना ग्यान का जस्यान ने पण अकलमन्दा का जस्यान चालो।

इपिसियों 5:2

मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

फिलिपियों 1:11

परमेसर की बड़ई अन मेमा के वाते थाँको जीवन ज्यो परमेसर छावे वो करबावाळा हव गुणऊँ भर जावे ज्याँने ईसू मसी देवे हे।

फिलिपियों 1:27

थाँ थाँको जीवन मसी का हव हमच्यार के जोगो जियो, ताँके यद्याँ मूँ आन थाँने देकूँ कन ने देकूँ पण थाँका बारा में मूँ ओ हुण सकूँ के, थाँ एक मन अन एक मकसदऊँ अटल रेन हव हमच्यार का विस्वास का वाते कल्ड़ी मेनत कररिया हो।

फिलिपियों 4:18

थाँ ज्यो खन्दायो हो वो मने मल्यो हे, वो मारा वाते नरोई हे। अबे ज्यो कई छारियो हे वो मारा नके हे। थाँ ज्यो खन्दायो हो इपापरदितुस मने दिदो हे। ईं चिजाँ परमेसर ने हव लागबा वाळी बली का जस्यान हे अन अणाने वीं माने हे अन अणीऊँ वीं राजी हे।

कुलुसियों 2:19

अन वीं आपणाँ खुद ने मसी का केबा में ने राके हे ज्यो हाराऊँ मोटो हे। मसी का वजेऊँ हारी काया ज्योड़ अन हाड़क्याऊँ मलन जस्यान परमेसर छावे हे वस्यान बड़ती जावे।

कुलुसियों 2:6

जस्यान थाँकाणी ईसू मसी ने परबू मानन गरण किदा हाँ, वस्यानीस वींका विस्वास मेंईस चालता रेवो।

कुलुसियों 3:20

ओ छोरा-छोरियाँ आपणाँ-आपणाँ बई-बापू को हारी बाताँ में केणो मानो, काँके परबू अणीऊँ राजी वेवे हे।

कुलुसियों 4:5

हाराई मोका ने हव तरियाऊँ काम में लेता तका अविस्वासी मनकाँ का हाते हव अकलऊँ वेवार करो।

1 थिस्सुलुनिक्यों 2:12

जणीऊँ थाँको चालचलन परमेसर जोगो वेवे, जीं थाँने आपणाँ राज अन मेमा में बलावे हे।

1 थिस्सुलुनिक्यों 4:1

हो भायाँ-बेना, माँ थाँकाऊँ परबू ईसू का नाम में आ अरज करा अन थाँने हमजावा हाँ के, जस्यान थाँ माँकाऊँ परमेसर ने राजी करबावाळो जीवन जीणो हिक्यो अन वस्यानीस जीवो भी हो, वींमें ओरी बड़ता जावो।

2 तिमुतियूस 2:4

एक सपई जद्याँ आपणाँ काम में लाग्यो तको रेवे हे, तो वो आपणाँऊँ ऊपरे का अदिकारी ने आपणाँ कामऊँ राजी राकणो छावे हे अन ईं वजेऊँ वो खुद ने दनियादारी का कामाँ में ने नाके हे।

तीतूस 3:1

थूँ मनकाँ ने आद अवाड़ के, राज करबावाळा अन अदिकारी को क्यो माने। अन हरेक तरियाँ का भला काम करबा का वाते त्यार रेवो।

तीतूस 3:14

आपणाँ मनकाँ ने दूजाँ की जरूत पुरी करबा का वाते, पूरा मनऊँ हव काम करबा में टेम बिताणो छावे, अन वाँने बेकार को जीवन ने जीवणो छावे।

इब्रानियों 11:5

विस्वास करबा की वजेऊँ हनोक ने वींके देह हमेत परमेसर वींने आपणाँ नके बला लिदो हे अन वणी मोत ने मेसूस ने किदी। अन वींने होद्‍यो पण वींको पतो कटेई ने चाल्यो। परमेसर वींने आपणाँ नके बला लिदो हो अन वींके नके बलायो जाबाऊँ पेल्याँई आ गवई दिदो गी ही के, वणी परमेसर ने राजी किदा हे।

इब्रानियों 13:16

अन भलई करणी अन एक-दूँजा की मदत करणी ने भुलणी, काँके परमेसर अस्या बलीदानाऊँ राजी वेवे हे।

2 पतरस 1:8

काँके यद्याँ थाँकामें ईं हारी बाताँ रेई अन थाँ अणा बाताँ में बड़ता रेवो, तो परबू ईसू मसी के ओळकाण में ईं थाँने बेकार ने वेबा देई।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।

1 यहुन्ना 3:22

अन आपाँ ज्यो कई भी वाँकाऊँ मांगा हा, वो आपाँने मले हे, काँके आपाँ वोईस काम करा हाँ, ज्यो परमेसर ने हव लागे हे अन आपाँ वींका आदेस ने भी मानाँ हा।

1 यहुन्ना 5:20

अणी बात ने भी आपाँ जाणा हाँ के, परमेसर का बेटा ईसू मसी आया अन आपाँने हमज दिदी, जणीऊँ हाँचा परमेसर ने जाण सका अन आपाँ वींके हाते रेवा ज्यो हाँचो हे मतलब वींका बेटा ईसू मसी का हाते। योईस हाँचो परमेसर अन अनंत जीवन देबावाळो हे।

3 यहुन्ना 1:6

ईं वाते तो वणा मण्डली का हामे थाँरा बारा में आ गवई दिदी हे के, थूँ वाँकाऊँ कस्यान को परेम राके हे। ईं वाते जद्याँ थूँ वाँने हिक देवे, तद्याँ अस्यान मदत करज्ये जस्यान परमेसर का मनक का हाते किदी जावे हे।