थरप्या तका का काम 9:17 - नुवो नेम (मेवड़ी नया नियम)

¹⁷ अन हनन्या निकळग्यो अन वीं घर मयने ग्यो अन साउल पे आपणो हात मेल्यो अन क्यो, “भई साउल, परबू ईसू मने खन्दायो हे, जो थने गेला में दिकई दिदा हा, ताँके थूँ पाछो देकबा लाग जावे अन पुवितर आत्माऊँ भर जावे।”

थरप्या तका का काम 9:17 Iomraidhean Croise

मत्ती 19:13

तद्याँ लोग-बाग छोरा-छोरी ने ईसू नके लाया के, वो वाँपे हात मेले अन वाँका वाते परातना करे, पण चेला वाँके डाट-फटकार मेली।

मरकुस 5:23

अन हाता-जोड़ी करन बोल्यो, “मारी फोरीक छोरी मरबा ने हे। मारी परातना हे के, थूँ मारी लारे चाल अन आपणो हात वींका माता पे मेल, जींऊँ वा हव वेजा अन मरबाऊँ बंच जावे।”

मरकुस 6:5

वटे ईसू कस्याई अचम्बावाळा काम ने कर सक्या, बेस माँदा मनकाँ पे हात राकन हव किदा।

लूका 1:41

जस्यानी एलीसिबा मरियम का नमस्कार ने हामळयो, तो वींका पेट में बाळक फदकबा लागो अन एलीसिबा पुवितर आत्माऊँ भरगी।

लूका 1:67

वींको बाप जकरियो पुवितर आत्माऊँ भरग्यो अन परमेसर का आड़ीऊँ ओ बताबा लागो,

लूका 1:76

हे मारा बेटा, थूँ, परम परदान परमेसर का आड़ीऊँ बोलबावाळो केवाई। थूँ परबू को गेलो त्यार करबा के वाते वाँके आगे-आगे चाली।

लूका 15:30

अन जद्याँ थाँको यो बेटो, जणी थाँकी धन-दोलत बुरा कामाँ में उड़ान आयो हे, तो थाँ वींका वाते एक मोटो जनावर काट्यो हे।’

लूका 15:32

पण, अबे आणन्द मना अन राजी वेणो छावे, काँके यो थाँरो भई ज्यो मरग्यो हो पाछो जीवतो वेग्यो हे, यो खुवाग्यो हो पण अबे पाछो लादग्यो हे।’ ”

लूका 2:11

आज दाऊद का नगर में थाँका वाते एक मुगतीदाता को जनम व्यो हे अन वोईस परबू मसी हे।

थरप्या तका का काम 10:36

थाँ ईं सन्देस ने जाणो हो, जो इजराएली लोगाँ का वाते खन्दायो ग्यो हे, जो हाराई को परबू ईसू मसीऊँ सान्ती मले हे, वीं हव हमच्यार की घोसणा हे।

थरप्या तका का काम 13:3

जद्याँ वे वरत अन परातना करन बरनबास अन साउल पे आपणो हात मेल्यो अन वाँने हिक दे दिदी।

थरप्या तका का काम 13:52

पण, विस्वासी लोग राजी वेता तका पुवितर आत्माऊँ भरग्या।

थरप्या तका का काम 19:6

जद्याँ पोलुस वणापे हात राक्यो, तो पुवितर आत्मा वाँके डिले आयो, अन वीं तरे-तरे की बोली ने अन परमेसर का आड़ीऊँ बोलबा लागा।

थरप्या तका का काम 2:4

वीं हाराई जणा पुवितर आत्माऊँ भरग्या अन जस्यान पुवितर आत्मा की सामरत वाँने मली वीं तरे-तरे की बोली में बोलबा लागा।

थरप्या तका का काम 21:20

वणा ओ हुणन परमेसर की मेमा किदी, पछे वींऊँ क्यो, “हे भई, थूँ देकरियो हे के, यहूदियाँ मूँ करतईं हजार मनकाँ विस्वास किदो, अन हंगळाईं मूसा का नेमा का नेमा ने आका मनऊँ मानबावाळा हे।

थरप्या तका का काम 26:15

पछे में पूँछ्यो, ‘हो परबू, थाँ कूण हो?’ परबू क्यो, ‘मूँ ईसू हूँ, जिंने थूँ हतारियो हे।

थरप्या तका का काम 4:31

जद्याँ वणा परातना कर लिदी, तो वाँ जगाँ जटे वे अगेटा व्या हाँ, हालगी। अन वे हारई पुवितर आत्माऊँ भरग्या अन परमेसर का वसना ने बना दरप्याई हुणाबा लागग्या।

थरप्या तका का काम 6:6

अन आ हातई जणा ने थरप्या तका का हामे लान ऊबा कर दिदा, पछे थरप्या तका परातना करन वाँपे हात राक्यो।

थरप्या तका का काम 8:17

जद्याँ परतस अन यहुन्ने वाँका पे हात मेल्यो तद्याँ पुवितर आत्मा वाँने मली।

थरप्या तका का काम 9:18

पछे तरत छोपटा जस्यान कई चीज वींकी आक्याँऊँ पड़ी अन पछे वींने दिकबा लागग्यो। वो ऊबो व्यो अन बतिस्मो लिदो।

रोमियों 15:7

परमेसर की बड़ई करबा का वाते एक दूजाँ ने अपणा लो, जस्यान मसी थाँने अपणाया हा।

1 कुरिन्थियों 15:47

पेलो मनक धरती का गाराऊँ बणायो ग्यो हो पण दूज्यो मनक ज्यो मसी हे, वो हरगऊँ आयो हो।

1 कुरिन्थियों 15:8

अन अणा हाराई केड़े ईसू मने भी दिकई दिदा। जद्याँ के, मूँ तो अजीब तरियाऊँ खन्दायो तको चेलो बण्यो हूँ।

1 कुरिन्थियों 9:1

कई मूँ आजाद ने हूँ? कई मूँ खन्दायो तको ने हूँ? कई में ईसू का दरसण ने किदा हे? कई थाँ हाराई मारा का काम का वजेऊँ परबू में ने आया हो?

1 तिमुतियूस 4:14

थाँरा मयने ज्यो आत्मिक वरदान हे ज्यो थने वीं टेम मल्यो हो, जद्याँ परमेसर का आड़ीऊँ बोलबावाळा थाँरा माता पे आसिरवाद देबा का वाते हात मेल्यो हो, वीं वरदान का वाते बेपरवा मती वेज्ये।

1 तिमुतियूस 5:22

लोगाँ का माता पे आसिरवाद देबा का वाते हात मेलन वाँने परमेसर की सेवा में देबा का वाते आगत मती करज्ये। दूजाँ का पाप में भेळो मती वेज्ये, खुद ने खरो बणान राकज्ये।

2 तिमुतियूस 1:6

ईं वाते मूँ थने आद देवाड़ूँ के, वीं वरदान ने जीवतो राक, जिंने परमेसर थने वीं टेम दिदो हो, जद्याँ में थाँरा पे हात मेल्यो हो।

इब्रानियों 6:2

अन बतिस्मा की हिक, माता पे हात मेलणो, मरिया तका को पाछो जी उटणो अन अंत को न्याव।

2 पतरस 3:15

आपणाँ परमेसर का धीरज ने छुटकारो हमजो। जस्यान आपणो प्यारो भई पोलुस परमेसर की आड़ीऊँ ज्यो ग्यान वींने मल्यो हो, वणीऊँ वीं थाँने लिक्यो हो।