थरप्या तका का काम 7:2 - नुवो नेम (मेवड़ी नया नियम)

² इस्तीपनुस जवाब दिदो, “ओ यहूदी भई-बन्दा अन बड़ा-बुड़ा लोगाँ हुणो, आपणाँ बापू अबराम हारान देस में रेबाऊँ पेल्याँ जद्याँ मेसोपोटामियाँ में हो, तद्याँ वींने मेमामय परमेसर दरसावो दिदो

थरप्या तका का काम 7:2 Iomraidhean Croise

मत्ती 6:13

माँने अस्यी तागत देज्यो ताँके, माँ हारी तरिया की परक को सामनो कर सका, अन माने बुरईऊँ बचावो। काँके राज अन तागत अन मेमा हमेस्यान थाँकीस हे।’” आमीन।

लूका 2:14

“हरग में परमेसर की बड़ई अन धरती पे वाँ मनकाँ ने सान्ती मले, ज्याऊँ वो राजी हे।”

यहुन्ना 1:14

अन बचन देह रूप धारण लिदो अन दया अन हाँचऊँ भरियो-पुरयो वेन आपणाँ बचमें वास किदो। आपाँ वींकी अस्यी मेमा देकी, या बापू परमेसर का एकाएक बेटा की मेमा ही।

यहुन्ना 12:41

यसाया ईं बाताँ ईं वाते किदी के, वणी ईसू की मेमा देकी अन वींका बारा में बाताँ भी किदी।

थरप्या तका का काम 22:1

पोलुस क्यो, “मारा हण्डाळ्याँ यहुदियो, भायाँ अन मारा बड़ाबा, मारा बंचबा के वाते मने जो कई केणो हे, वींने हुणो।”

थरप्या तका का काम 23:7

जद्याँ वणी आ बात किदी, तो फरीसियाँ अन सदुकियाँ में लड़ई वेगी, अन सबा में फुट पड़गी।

थरप्या तका का काम 7:1

तद्याँ मोटे याजक पूँछ्यो, “कई ईं बाताँ हाँची हे?”

1 कुरिन्थियों 2:8

जिंने ईं दनियाँ का हाकिमा मूँ कणी ने जाण्यो, काँके जाणता तो मेमावान परबू ने हूळी पे ने चड़ाता।

इपिसियों 1:17

मूँ अरज करिया करूँ हूँ के, आपणाँ परबू ईसू मसी का परमेसर जी मेमाऊँ भरिया तका हे, थाँने अकल अन चोड़ो करबावाळी आत्मा दे देई, ताँके थाँ परमेसर ने जान सको।

तीतूस 2:13

अन आपीं वणी धन्न दन की आसऊँ वाट नाळता रेवा, जदी आपणाँ परमेसर अन आपाँने छुटकारो देबावाळा ईसू मसी की मेमा परगट वेई।

इब्रानियों 1:3

वो बेटो परमेसर की मेमा को उजितो हे अन जस्यान परमेसर का लकण हे, वस्यानीस वींका भी लकण हे। वो हारी चिजाँ ने आपणाँ जबरा बचनाऊँ हमाळी राके हे। मनकाँ का पापाँ ने माप करन वो हरग में जान मेमामय परमेसर का जीमणे पाल्डे बेटग्यो हे।

इब्रानियों 11:8

विस्वास करबा की वजेऊँ अबराम ने जद्याँ बलायो ग्यो हो तो वो आग्या मानन अस्यी जगाँ का आड़ी चाल पड़्यो, जिंको वारिस बणबावाळो हो, जद्याँ के, वो जाणतो भी ने हो, तद्याँ भी वो वटे ग्यो हो।

याकूब 2:1

हो मारा भायाँ, थाँ मेमामय परबू ईसू मसी पे विस्वास राकबावाळा हो, ईं वाते थाँका बचमें भेद-भाव ने वेणो छावे।

परकासितवाक्य 4:11

“हो माकाँ परबू अन माकाँ परमेसर! थाँईस मेमा, अन मान अन सामरत जोगा हो, काँके थाँईस हारी चिजाँ ने बणई हे। थाँकी मरजीऊँईस हारी चिजाँ बणईगी हे अन जीवे हे।”