थरप्या तका का काम 5:36 - नुवो नेम (मेवड़ी नया नियम)

³⁶ थोड़ाक वरा पेल्याँ खुद ने मोटो बताबावाळो थियोदास आयो अन च्यारसेक लोग-बाग वींकी लारे वेग्या हा, पण जद्याँ वींने मार दिदो ग्यो तो वींकी लारे का हण्डाळी तितर-बितर वेग्या अन वींको आन्दोलन खतम वेग्यो।

थरप्या तका का काम 5:36 Iomraidhean Croise

मत्ती 24:24

मूँ ओ केवूँ हूँ काँके जूटा मसी अन जूटा मनक परमेसर का आड़ीऊँ बोलबा का वाते ऊबा वेई अन अस्या अस्या नरोगा हेन्याण बताई अन अचम्बावाळा काम केरी के, वीं चुण्या तका ने भी भटका देई।

मत्ती 24:26

“ईं वाते यद्याँ वीं थाँकाऊँ केई, देको वो काकड़ में हे, तो वटे मती जाज्यो कन वो केवे, ‘देको वो ओवरा में हे’ तो वाँको विस्वास मती करज्यो।

मत्ती 24:5

काँके नरई अस्या वेई, ज्यो मारा नामऊँ आन केई, ‘मूँईस मसी हूँ,’ अन नरई ने भटकाई।

थरप्या तका का काम 21:38

“कई थूँ वो मिसरी तो ने हे, जो पेल्याँ का दनाँ में विरोद करन चारेक हजार हत्यारा लोगाँ ने हुन्ना काकड़ में लेग्यो हो।”

थरप्या तका का काम 5:35

पछे वो वाँने बोल्यो, “ओ इजराएल का मनकाँ, थाँ अणा मनकाँ की लारे जो भी करणो छारिया हो, वो हेंचेत रेन करजो।”

थरप्या तका का काम 8:9

वटेई समोन नाम को एक मनक रेतो हो। वो नरई दनाँऊँ वीं नगर में टोटका करतो हो अन सामरिया का लोग-बागाँ ने अचम्बा में नाकतो रेतो हो। वो खुद ने मोटो मानतो हो।

गलातियों 2:6

पछे ज्यो मनक कई हमज्या जाता हाँ, वाँकाऊँ मने कई ने मल्यो। वीं मनक कस्या भी हे, मने वाँकाऊँ कई लेणो-देणो कोयने, काँके परमेसर किंको भेद-भाव ने करे हे, वीं मान्याँ तका मनक मारा में कन मारे हुणाया ग्या हव हमच्यार में कई कमी ने निकाळ सक्या।

गलातियों 6:3

काँके यद्याँ किंके नके कई भी ने वेवे तोबी वो अपणे खुद ने मोटो हमजे, तो वो अपणा खुद ने खाड़ा में नाकरियो हे।

2 पतरस 2:18

ईं मनक बेकार में मेपणा की बाताँ करन कुकरम की कामाँ के वजेऊँ वणा मनकाँ ने जीं अबे भटक्या तका मनक मेंऊँ निकाळणो छारियो हे वाँने देह की मनसा में फसा लेवे हे।

2 पतरस 2:2

घणा मनक वाँकी बाताँ मानन हूँगला काम करी, जिंकी वजेऊँ हाँच का गेला की बदनामी किदी जाई।

यहूदा 1:16

काँके ईं मनक बड़बड़ाबावाळा, दूजाँ मनकाँ पे दोस लगाबावाळा, आपणी मरजी पुरी करबावाळा, मोटी-मोटी बाताँ करबावाळा अन आपणाँ नफो करबा का वाते दूजाँ की चमचागीरी करबावाळा हे।

परकासितवाक्य 17:3

तद्याँ आत्मा मने कांकड़ में लेगी, वटे में एक लुगई ने लाल रंग का डरावणा जनावर पे बेटी तकी देकी, ओ जनावर परमेसर का विरोद में बोलबा सबदाऊँ भरियो हो। वींके हात माता अन दस हिंगड़ा हा।

परकासितवाक्य 17:5

वींके माता पे एक भेद वाळो नाम लिक्यो हो, “मोटा नगर बाबुल, धरती की वेस्याँ अन हुगली चिजाँ की बई।”