थरप्या तका का काम 5:32 - नुवो नेम (मेवड़ी नया नियम)

³² ईं बात का माँ गवायाँ हाँ अन वस्यानीस वा पुवितर आत्मा भी हे, जो पुवितर आत्मा परमेसर वाँने दिदी हे, जो कुई वींकी बात माने हे।”

थरप्या तका का काम 5:32 Iomraidhean Croise

यहुन्ना 7:39

ईसू या बात पुवितर आत्मा का बारा में किदी ही, ज्या वींपे विस्वास करबावाळा ने मलबावाळी ही। अबाणू तईं या आत्मा किंने भी ने मली ही, काँके ईसू आलतरे आपणी मेमा उटाया ने ग्या हा।

थरप्या तका का काम 1:8

पण, जद्याँ पुवितर आत्मा थाँका पे आई, तो थाँ सगतिऊँ भर जावो अन आकाई यरूसलेम, यहूदियाँ अन सामरियाऊँ लगान धरती का खुणा-खुणा तईं मारा गवा बेणो।”

थरप्या तका का काम 10:44

जद्याँ पतरस ईं बाताँ कररियो हो, तद्याँई हारई जणामें पुवितर आत्मा आगी, ज्याँकाणी हव हमच्यार हुण्या हा।

थरप्या तका का काम 13:31

अन पछे जो भी मनक गलीलऊँ यरूसलेम तईं वींकी लारे आया हा, वाँका हामे वो नरई दनाँ तईं परगट व्यो। वीं अबे मनकाँ में वींकी गवई हे।

थरप्या तका का काम 15:28

पुवितर आत्माने अन माने बड़िया लागो के, थाँका पे जरूरी बाताँ ने छोड़न, कई ओरुँ दूजो बोज ने मेलाँ

थरप्या तका का काम 2:32

अणीस ईसू ने परमेसर पाछो जीवतो कर दिदो, ईं बात का माँ हारई गवा हाँ।

थरप्या तका का काम 2:4

वीं हाराई जणा पुवितर आत्माऊँ भरग्या अन जस्यान पुवितर आत्मा की सामरत वाँने मली वीं तरे-तरे की बोली में बोलबा लागा।

थरप्या तका का काम 5:29

पतरस अन थरप्या तका जबाव दिदो, “आपणाँ ने मनकाँ की ने, पण परमेसर की आग्या मानणी छावे।

रोमियों 8:16

आ पुवितर आत्मा खुद आपणी आत्मा का हाते मलन गवई देवे हे के, आपाँ परमेसर की ओलाद हा।

2 कुरिन्थियों 13:1

ओ तीजो मोको हे जद्याँ मूँ थाँका नके आरियो हूँ। “ईं हारी बाताँ को फेसलो दो कन तीन गवा की गवई का केड़ेईस वेणो छावे।”

1 पतरस 1:12

वाँने यो भी दरसावो व्यो के, जीं बाताँ का बारा में वीं बताता तका सेवा किदी ही, वणीऊँ वीं खुद की सेवा ने कररिया हे, पण थाँकी सेवा कररिया हा। वीं बाताँ थाँने हरगऊँ खन्दई तकी पुवितर आत्मा के वजेऊँ हव हमच्यार ने हुणाबावाळा का जरिये पेल्याँई बता दिदी गी ही। ईं बाताँ ने जाणबा का वाते तो हरग-दुत भी तरसे हे।